Jeremia 23:12 - MUKANDA USANDU WA ZAMBI 1975

¹² Kashika jila yo muyipwa kuli ayo ngwe majila asenena mu milima kuze maahumina akalimbuke. Mumu mungwakokela chipi ha mwaka wa kastigu yo. Chocho kanambe Yehova.

Mukanda Wa Zambi 1970

¹² Majila jo waze akukaula kaali a milima, kanda asenena, mungwatalingisa alimbuke. Munwakokela lamba; tangwa lia lamba lio hiliakundama. Yami, Mwene Zambi, nachamba.

Jeremia 23:12 Iomraidhean Croise

Jobe 18:18

Kakumuchlza mu pangu ni kumunungwina mu milima; kakumuhuma hashi.

Miaso (Masamu) 35:6

Jila yo yikalé, yikasenunuke, mungelo wa Yehova akaahange.

Miaso (Masamu) 73:18

Chamwenemwene waasele ha yihela yize yasenena. Wakwanyasa ku kwonwona.

Miaso (Masamu) 82:5

Kanyingikine. Kuchaalumbunukine. Kahulihiza mu milima. Fundamentu jeswe ja hashi jinanyiki.

Kutuhuka 32:34

Haliapwila hiyako, ukasongwele atu kuma kuze navulukile kuli yena. Mungelo wami kumakanutetekela alioze ha tangwa lize mungukafwetesa, kumungukaafwetesa mulonga wo.

Yishima 4:19

Jila ya yingulungulu yapwa milima pwi; kanyingikine haze matalingila.

Izaya 8:22

Mba kumakatala hashi, kumanyi kupinda ni milima ni kulá cha hunya; mba kumakaakapula mu milima pwi.

Jeremia 11:23

niumwe malisalaho wakuhi. Mumu malunga ja Anatote mungwakokela chipi ha mwaka wa kastigu yo.

Jeremia 13:16

Chichimiekenu Yehova Zambi yenu shimbu kanda aneha milima, shimbu molu jenu kanda atalinga ha milundu ya kajimba-usoko. Shimbu munufupa pangu iye malialumuna Chizulie cha kufwa, nikulipwisa milima pwi.

Jeremia 48:44

Yoze machina mwongo malimbuka mu wumbu; ni yoze makatuka mu wumbu mafwa mu kambwila. Mumu mungukoka yuma yino yeswe hali Moape ha mwaka wa kastigu yo. Chocho kanambe Yehova.

Jeremia 50:27

Shihenu kuji jenyi eswe a ngombe, akaye ku chishihilo. Lamba lio mumu tangwa lio liasula hiliaheta, lie tangwa lia kastigu yo.

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.

Lungungu 2:20

Yehova, tala ukamone! Neya walinga chuma chino? Te chinalite mapwo kulia ana jo ana aze haafunga ni vumbi lipwa haha? Hanji chinalite sasendote ni profeta akaashihe muma musandu wa Mwene?

Mika 7:4

Mwe mupema hakachi ko kapwa-ngwe mukalale, yoze Wahiana ululi hakachi ko kapwa ngwe chipanga cha mbimbo. Tangwa lia tulayi twe, lia kastigu ye hilieza; kutatajala cho hichaheta.

Yoano 12:35

Yesu kashika wambile kuli ayo ngwenyi, Hindu shimbu likepe nawa pangu lichili hakachi kenu. Endenu shimbu nuli ni pangu, hanga milima kuyichi kanuwana; ni yoze menda mu milima kanyingikine kuze maya.

Shimbi 32:35

Kukala nichami, ni kufweta nawa ha tangwa lize malimbuka. Mumu tangwa lio lia kuji-ni-tomo hakamwihi lili. Yuma yize muyiawana, yinakundama fuji.

1 Yoano 2:11

Alioze yoze mavwila kole ndumbwenyi mu milima ali, kakwenda mu milima, kanyingikine kuze maya, mumu milima hiyinapupuchisa meso jenyi.

Yuda 1:13

mikanya ya kupupula ya ku kukalunga-lwiji, kanatutumuna sonyi jo ene; matongonoshi a kupianguka, hali ayo hanafungu kulá cha milima pwi ndo ku miaka ya mutolo.