Jeremia 23:11 - MUKANDA USANDU WA ZAMBI 1975

¹¹ Ni profeta ni sasendote eswe ni aali yitanganyanyi. Chipwe mu zuwo liami hinawana ungulungulu wo. Chocho kanambe Yehova.

Mukanda Wa Zambi 1970

¹¹ Mwene Zambi kanambe ngwenyi: “Akwa munanyi ni mahako no kaali yitanganyanyi; hingunawane maalinga yibi chibwe mu zuwo lia Zambi.

Jeremia 23:11 Iomraidhean Croise

2 Sango Ja Mianangana 33:5

Yatunga yilumbilo ya mbunga yeswe ya mwilu mwe mu maze aali a zuwo lia Yehova.

2 Sango Ja Mianangana 33:7

Kaponya wa kwola wa hamba yoze halinga, yamusa mu zuwo lia Zambi lize te Zambi waliambile kuli David ni kuli mwanenyi Solomone ngwenyi, Mu zuwo lino, mwe mu Yerusaleme binatongola hakachi ka minyachi yeswe ya Izalele, muno mungusa jina liami ndo ku miaka ya mutolo.

2 Sango Ja Mianangana 36:14

Chikwo nawa asasendote akwa lutwe eswe, ni e atu avulumwine chikolo nikulita ni yizelwokeso yeswe ya mavungu. Yachisa zuwo lia Yehova lize iye te hasela ku usandu mu Yerusaleme.

Ezra 10:18

Hakachi ka ana ja asasendote yawana amwe hambata mapwo yilambala, majina jo wano: a kuli ana ja Yeshua, mwana Jozadake ni asongo jenyi, Maseia, ni Elieza, ni Jaripe, ni Gedalia.

Jeremia 11:15

Mukwa zango liami kuchi mahasa kupwa mu zuwo liami muze halinga yitanga ya luchisa? Munuhasa kuchinda chize muchikanuwana ha kulinga yilakenyo ya shingo, hanji ha kulambula musunya wa yitapo? Te munuhasa kulikwiza?

Jeremia 23:15

Kashika Yehova-wa-Tujita kanambe ha kutwala kuli aprofeta ngwenyi, Mungwalisa musase ni kwanwisa meya a kasashisa mumu kuli aprofeta ja Yerusaleme utanganyanyi hiwalitanda mu chifuchi cheswe.

Jeremia 32:34

Amikine yizelwokeso yo mu zuwo lino alilukile ni jina liami, hanga akalichise.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Jeremia 50:6

Atu jami te hanapu mapanga a kutoka. Tufunga two hanaahukisa, ni kwasongwela ha milundu. Hakatuka ku mulundu, haya ku mundundena; hanavulama limba lio.

Jeremia 6:13

Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Jeremia 7:30

Yehova kanambe ngwenyi, Ana ja A-Yunda halinga chipi kumeso jami. Hanase yuma yo ya lwaji mu zuwo lize haliluka jina liami, akalichise.

Jeremia 8:10

Kashika munguhana mapwo jo kuli akwo, ni minda yo kuli akwa kukumba, mumu chize kuli mukepe wahiana ndo kuli munene Wahiana, eswe kali ni chipululu cha kufumbuka cha uhenge. Chize kuli profeta ndo kuli sasendote eswe kakulinga ni mahuza.

Lungungu 2:20

Yehova, tala ukamone! Neya walinga chuma chino? Te chinalite mapwo kulia ana jo ana aze haafunga ni vumbi lipwa haha? Hanji chinalite sasendote ni profeta akaashihe muma musandu wa Mwene?

Ezekiel 23:39

Mumu ha tangwa lize ashihile ana jo yitapo ya mahamba jo, ejile tangwa lio liene mu zuwo liami lisandu kulijilula. Chocho yalinga mu zuwo liami.

Ezekiel 44:10

Alioze A-Levi waze ayile kusuku ni yami nikunguhichika kukaula mahamba muze A-Izalele apiangukile; o makatambula kastigu yo.

Ezekiel 7:20

Yuma yo ya uhenya ayitengele ya kulilengela nayo; alingile nayo tuponya two a lwaji ni yuma yo ya kuvwisa kupiha, kashika munguyipwisa yuma ya luchisa kuli ayo.

Ezekiel 8:11

Kumeso jo kwamanyine makumi shimbiali a malunga, makulwana a munyachi wa Izalele, ni Jazania mwana Shafana kanamana hakachi ko. Mweswe kali ni kandeho ka kwochelamo insensu mu kwoko lienyi, ni lelwa lia mwishi wa insensu linafwindangana.

Ezekiel 8:16

Yanguneha ndo ku yize ya zuwo lia Yehova ya muchima, kumanyi ku chikolo cha tembele ya Yehova hakachi ka senge ni chilumbilo kwamanyine ngwe makumi aali a malunga ni malunga atano. Kanombo manyima jo ku tembele ya Yehova; meso jo kanatalikisa ku Chivumbuko nikuwayila tangwa ku Chivumbuko.

Zefania 3:3

Akwa kuyula muchima lienyi kapwa ngwe ndumba a kuhiohia. Ngaji jenyi ngwe tungunga a ha chingoloshi waze kahichikile nichimwe ndo chimene.

Zefania 3:4

Aprofeta jenyi alelu, akwa mafwefwe; asasendote jenyi kakuchisa yuma yisandu ni kutangula shimbi.