Jeremia 23:10 - MUKANDA USANDU WA ZAMBI 1975

¹⁰ Mumu chifuchi hichazala ni yitanji. Mumu chifuchi chinalinyenge ha mukunda wa shingo; kelo ja ku puya hijoma. Jila yo yipi; ngolo jo kujalulamine.

Mukanda Wa Zambi 1970

¹⁰ Che chifuchi hichazala ni atu waze haalituna Mwene Zambi; Kaali yitanganyanyi, mu chiyulo cho kaakulinga lume yibi. Mumu ha Shingo lia Mwene Zambi, chifuchi chinabinji, ulishilo hiwoma chau;

Jeremia 23:10 Iomraidhean Croise

Ezra 10:18

Hakachi ka ana ja asasendote yawana amwe hambata mapwo yilambala, majina jo wano: a kuli ana ja Yeshua, mwana Jozadake ni asongo jenyi, Maseia, ni Elieza, ni Jaripe, ni Gedalia.

Miaso (Masamu) 107:34

Chifuchi cha kwima mihuko kakuchalumuna puya ya mungwa mumu ha ungulungulu wa waze atwamamo.

Izaya 24:6

Kashika shingo linawumbula he hashi, ni akwa hashi kanamono lamba mumu ha uhie wo. Kashika akwa hashi kanapapiwa ni malunga akehe wika asala.

Izaya 5:18

Lamba kuli waze kakukoka uhenge ni mihipu ya mahuza; kakukoka shili ngwe ni mihipu ya matemba!

Jeremia 12:11

Hanachipwisa cha kwenyeka; chakulinyenga kuli yami se chapwa cha kwenyeka. Chifuchi cheswe chapwa cha kwenyeka, alioze niumwe kanachise mbunge.

Jeremia 14:2

Yunda kanalishimwoka ni yikolo yenyi yinahongo. Atu jenyi kanalili mbimbi hashi, ni muteto wa Yerusaleme unahiohio.

Jeremia 6:13

Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Jeremia 7:9

Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Jeremia 9:12

Mutu wa mana yoze yuma yino muyimulumbunuka, iya? Yoze hevwa chuma chino ku kanwa lia Yehova akahase kuchilumbununa, iya? Kuchi te chifuchi hachenyeka, hachipihisa ngwe puya, kashika niumwe mapalikilako?

Jeremia 9:2

Nyi kachi napwa ni kamwe kazuwo ka ngeji mu puya, hanga ngukahichike atu jami ngukaye kusuku no! Mumu eswe anapu akwa utanji, mbunga ya malunga a mafwefwe.

Hosea 7:4

O kapwa eswe akwa utanji. Kapwa ngwe jiko lia kahia, mukwa kulinga mbolo kechi kulisosela nawa ndo maweza futunwiso ku mbolo yize hachika kulu.

Joele 1:10

Minda hanayenyeka. Chifuchi chinalili, mumu mbuto hanayenyeka. Vinyu yaha hiyinomu, ni maji hanatepuluka.

Alevi 5:1

Nyi umwe mavulumuna, nyi hevwa liji lia kumushingisa, hapwa chela, chipwe ha kumona chipwe ha kunyingika, nyi kachilwezele, mambata uhenge wenyi.

Zefania 3:4

Aprofeta jenyi alelu, akwa mafwefwe; asasendote jenyi kakuchisa yuma yisandu ni kutangula shimbi.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

1 Timoteu 1:10

ni yitanji, ni akwa utumwa, ni yikwachi, ni akwa mahuza, ni akwa kulishinga ni mahuza, nyi kachi muchipwa chuma chimwe chikwo cha kulimika ni longeso lingunu;

Hebreu 13:4

Umbachiso akaulemese kuli eswe, ni muhela kanda akausela ku luchisa: mumu mapangala ni yitanji Zambi kumakaapatwila.

Tiangu (Jake) 4:4

Yenu yitanji, kunwanyingikine kufwila cha hano hashi, kole kuli Zambi, nyi? Kashika mweswe mapala kupwa kasendo ka akwa hashi, malipwisa mukwa kole kuli Zambi.