Jeremia 22:9 - MUKANDA USANDU WA ZAMBI 1975

⁹ Mba makumbulula ngwo, Mumu ehukile usendo wa Yehova Zambi yo ni kuwayila mazambi eka ni kwalingila.

Mukanda Wa Zambi 1970

⁹ Mba ayo maakumbulula ngwo, mumu haanehuka Usendo wa Zambi yo, haanawayila mazambi eka ni kwalingila.”

Jeremia 22:9 Iomraidhean Croise

1 Yitanga Ya Mianangana 9:8

Mba zuwo lino kumulipwa mulumba ni waze eswe mapalika makomoka, nikwamba ngwo, Kuchi te Yehova halinga chocho ku chifuchi chino ni ku zuwo lino?

1 MIANANGANA 22:17

Mumu hanangwehuka; hanochela insensu kuli mazambi akwo eka, akangwihie ngutenuke ni yitanga yeswe ya moko jo. Kashika utenu wami muukasumukina homa hano, mba kuuchikahola.

2 Sango Ja Mianangana 34:25

Mumu hanangwehuka; hanochela insensu mazambi akwo akangwihie ku utenu ni yitanga yeswe ya moko jo. Kashika ufwatulo wami unazukuka ha chifuchi chino, mba kuuchi kahola.

Jeremia 11:10

Hanahilukila uhenge wa tulamba two, waze katayile kwivwa maliji jami. Hanakaula mazambi akwo akaalingile. Munyachi wa Izalele ni munyachi wa Yunda hanatangula usendo uze nalingile ni tulamba two.

Jeremia 11:3

Muwamba kuli ayo ngwe, Yehova mwe Zambi ya Izalele kanambe ngwenyi, Kashingiwa mutu mweswe kapanjikile maliji a usendo uno

Jeremia 16:11

Mba muwamba kuli ayo ngwe, Yehova kanambe ngwenyi, Mumu tulamba twenu hanangwehuka, hanakaula mazambi eka nikwalingila nikwawayila, hanangwehuka; kafungile shimbi yami.

Jeremia 50:7

Waze eswe haawana haalia, ni akwa kole jo hanambe ngwo, Etu kutushi mutonga, mumu hanavulumuna Yehova, kuma kwo kwamwenemwene kwa kutwama, mwe Yehova kutalatala wa tulamba two.

Jeremia 9:13

Ni Yehova kanambe ngwenyi, Mumu hanehuka shimbi yami yize nasele kumeso jo, kononokene ku liji liami chipwe kwenda nikulita nalio,

Ezekiel 12:16

Hindu mungutayiza amwe kuputuka ku katana, ni ku kapunga, ni ku chilungo, hanga akatayize yuma yo yeswe ya lwaji hakachi ka mavungu kuze anayi, akanyingike yami nguli Yehova.

Ezekiel 14:23

O manulembejeka ha kumona ndako jo ni yitanga yo. Mba mununyingika, kumanyi yize nalingile chayilingile chikuma chakuhi. Chocho kanambe Mwene Yehova.

Ezekiel 39:23

Ni mavungu makanyingika ngwo, Akwa munyachi wa Izalele ayile ku ufunge mumu ha uhenge wo, mumu ha kulinga ni yami ni mafwefwe, chocho naaswekelele meso jami nikwahana kuli akwa kole jo; eswe afwile ni katana.

Ezekiel 5:15

Chocho munukapwa luchoko, munukalenyewa; munukapwa a kutoweza kanda chuma cha lwaji kuli akwa mavungu a kunujingilika muze mungukalinga upatwilo wami hali yenu ni utenu ni ufwatulo hamwe ni kastigu ya ufwatulo—yami Yehova hinahanjika—

Shimbi 29:24

Te mavungu eswe makamba ngwo, Kuchi te Yehova hanalingi chocho ku chifuchi chino? Kuchi chinalumbunuka chivukuminya cha utenu wenyi unene?