Jeremia 22:6 - MUKANDA USANDU WA ZAMBI 1975

⁶ Mumu ha kutwala ku munyachi wa mwanangana wa Yunda, Yehova kanambe ngwenyi, Enu nwapwa kuli yami ngwe Ngiliate ngwe mbulwa mulundu wa Lebano, hindu mungunupwisa puya; chihunda kuchishi atu.

Mukanda Wa Zambi 1970

⁶ “Kuli yami, zuwo lia wanangana lia Yuda lili libema ngwe chifuchi cha Gileade, ngwe milundu ya Libano; alioze mungulipwisa liamokomoko kuze mutu niumwe kahashile kutwama.

Jeremia 22:6 Iomraidhean Croise

Ubutukilo 37:25

Yatwama nikulia mba ha kuhetula meso jo yamona chendo cha A-Ishemali anakatuka ku Ngiliate ni tumelu two. Kanambata mbuto yipema, ni yitumbo, ni mira. Kanatalikisa ku Engitu.

Miaso (Masamu) 107:34

Chifuchi cha kwima mihuko kakuchalumuna puya ya mungwa mumu ha ungulungulu wa waze atwamamo.

Mwaso Ubema Wahiana 4:1

Kuwapema, mukwa zango liami, kuwapema! Meso je kapwa ngwe tutele muchima lia wanda we. Kambu je japwa ngwe chendo cha pembe kanapalumukina ha milundu ya Ngiliate.

Mwaso Ubema Wahiana 5:15

Molu jenyi ngwe manguji a marmore a kutokeke mu yimanyino ya oru. Kusoloka chenyi ngwe Lebano, mupema ngwe mutondo ya sedru.

Izaya 27:10

Mumu chihunda cha kukolesa chatwama cha kúlú. Chihunda cha kwehuka ni kuchina, ngwe puya. Ana-a-ngombe kakuliako, kwenako kakuutama ni kuhulula mitango yacho.

Izaya 37:24

Hiwachoka Mwene ni tunganda twe. Hiwamba ngwe, Nguneza ni chihuji cha matemba jami ndo helu lia milundu, ndo muchima lia Lebano. Mungupakula mitondo yisuku ya sedru, ni mitondo yipema ya kupresu. Munguheta ku nangamo lize lisuku liahiana, chipwe mu usaki wa minda yenyi ya chinuno.

Izaya 6:11

Ami yingwamba ngwami, Mwene, ndo mwiji muka? Aye yamba ngwenyi, Ndo yihunda muyipwa ya hululu, ni yoze matwamamo wakuhi, ni mazuwo keshi malunga, ni chifuchi muchisala cha woya,

Jeremia 21:11

Ku munyachi wa mwanangana wa Yunda amba ngwe, Ivwenu liji lia Yehova,

Jeremia 21:14

Yehova kanambe ngwenyi, Mungunwaha kastigu nikulita ni mihuko ya yitanga yenu. Munguwika kahia mu usaki wako mba mukalalisa chize cheswe chinamujingilika.

Jeremia 22:24

Yehova kanambe ngwenyi, Ni mwono wami ngwami, Chipwe Konia mwana Jehoakime mwanangana wa Yunda wapwa kazeya wa ha kwoko liami lia chindume, hindu mungunuchizaho

Jeremia 26:18

Mika wa ku Morese yaprofeteza ha matangwa ja Hezekia mwanangana wa Yunda, nikwamba kuli atu eswe ja A-Yunda ngwenyi, Yehova-wa-Tujita kanambe ngwenyi, Zaione muyipwa ya kuchipa ngwe munda; Yerusaleme muyipwa mulumba wa yipuzu, ni mulundu wa zuwo ngwe mulundu umwe wa usaki.

Jeremia 4:20

Kuji-ni-tomo linalihange ni kuji-ni-tomo; chifuchi cheswe chapwa cha kwenyeka. Susumuku honwona mbalaka jami, ni kurtina jami ni shimbu liakuhi.

Jeremia 4:7

Umwe ndumba hakatuka ku usaki wenyi; mukwa kwonwona mavungu haputuka, hakatuka kuma kwenyi akenyeke chifuchi chenu, akapuzule yihunda yenu, ni kuyihichika kuyishi atu.

Jeremia 50:12

hindu noko mamukolesa sonyi liakulu; yoze wanusemene masauka. Kumakapwa kasula hakachi ka mavungu; kumakapwa puya yumu ni ya hululu.

Jeremia 7:34

Mu yihunda ya Yunda ni ha matapalo a Yerusaleme mungusulisa liji lia chiseke ni liji lia uwahililo, ni liji lia sandungi, ni liji lia ndungi, mumu chifuchi muchalumuka puya.

Jeremia 8:22

Yitumbo yakuhi mu Ngiliate? Mbuki wakuhiko? Mba kuchi te kawukile mwana wa pwo atu jami ahinduke?

Jeremia 9:11

Mungupwisa Yerusaleme mulumba wa yipuzu, chipombelo cha mikuza. Mungupwisa yihunda ya Yunda puya, kuze kukwatwamine atu.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Zakaria 11:1

Ena Lebano, azulula mapito je hanga kahia kakalalise misedru ye!

Kwalula 32:1

Achi A-Rupene ni A-Ngate apwile ni mbunga yinene ya yimuna; muze amwene chifuchi cha Yazere ni chifuchi cha Ngiliate, kumanyi chapwile chifuchi cha yimuna.

Shimbi 3:25

Ngutayize, nguzauke, ngunakulembe, ngutale chifuchi chipema chili mu sali lia Yordau, mulundu uze upema, ni Lebano.