Jeremia 22:5 - MUKANDA USANDU WA ZAMBI 1975

⁵ Alioze nyi kunwapanjikile maliji wano, Yehova kanambe ngwenyi, Ngunalishingi ni yami mwene ngwami, zuwo lino mulialumuka lia kwenyeka.

Mukanda Wa Zambi 1970

⁵ Alioze, nyi kunwononokene ku Shimbi jami, mba mungulishinga ngwami, zuwo lino lia wanangana akwa kole maalienyeka. Yami Mwene Zambi nachamba.

Jeremia 22:5 Iomraidhean Croise

Ubutukilo 22:16

Hinalishinga ni jina liami mwene, chocho anambe Yehova ngwenyi, Mumu walinga chuma chino, kwanguminyine mwané, mwe wa wika;

2 Sango Ja Mianangana 7:19

Alioze nyi munutewuluka nikwehuka maliji jami ni shimbi jami jino hinasa kumeso jenu nukaye nikulingila mazambi eka nikwawayila,

2 Sango Ja Mianangana 7:21

Zuwo lino hilianangama chocho, ha kulipalika, atu eswe makomoka ni kwamba ngwo, Kuchi te Yehova halinga chocho ku chifuchi chino ni ku zuwo lino?

2 Sango Ja Mianangana 7:22

Mba makumbulula ngwo, Mumu ehukile Yehova Zambi ya tulamba two, yoze waachijile ku chifuchi cha Engitu. Akwachile ku mazambi akwo nikwawayila nikwalingila; kashika iye haakokela yipi yino yeswe.

Miaso (Masamu) 95:11

Kashika nalishingile mu ufwatulo wami ngwami, Kechi kanjila mu uhwimino wami.

Izaya 1:20

alioze nyi munukwata pami ni kukolema, munukanonga ni katana, mumu kanwa lia Yehova hilinahanjika.

Jeremia 12:7

Hinehuka zuwo liami, hinambila chihinga chami; hinakunjika mukwa zango lia mbunge yami mu moko ja akwa kole jenyi.

Jeremia 17:27

Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.

Jeremia 26:4

Muwamba kuli ayo ngwe, Yehova kanambe ngwenyi, Nyi kunuchi kupanjika kuli yami nukende mu shimbi yami yize ngunase kumeso jenu

Jeremia 39:8

A-Kaletea yocha zuwo lia mwanangana ni zuwo lia atu, ni kupuzula yipanga-ya-mawe ya Yerusaleme.

Jeremia 44:26

Kashika ivwenu liji lia Yehova enu A-Yunda eswe nwatwama mu chifuchi cha Engitu. Yehova kanambe ngwenyi, Hinalishinga ni jina liami linene ngwami, Jina liami kechi kulitongola nawa ni kanwa lia mutu niumwe Ka-Yunda mu chifuchi cha Engitu ngwenyi, Ni mwono wa Mwene Yehova.

Amose 6:8

Yehova mwe Zambi-ya-Tujita ngwenyi, Mwene Yehova halishinga ni jina lienyi mwene ngwenyi, Kulengumuka cha Yakomba changuvwisa lwaji; mbonge jenyi jangupihila, kashika mungukunjika chihunda ni yize yeswe yilimo.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Mateu 23:38

Ivwenu, zuwo lienu hanalihichika kuli yenu Hahululu.

Hebreu 3:18

Kuli aya walishingile ngwenyi, Kechi kanjila mu uhwimino wami, shina kuli waze kononokeneko?

Hebreu 6:13

Mumu Zambi muze alakenyene kuli Apalahama, se kapwile ni yoze munene wahiana kulishinga ni jina lienyi, walishingile ni jina lienyi mwene ngwenyi,

Hebreu 6:17

Muze mwene Zambi nikuzanga kulweza kuhiana chikolo kuli maswana ja chilakenyo, ngwe upale wenyi kuushi kuhasa kwalumuka, wachikolesele ni shingo.