Jeremia 22:30 - MUKANDA USANDU WA ZAMBI 1975

³⁰ Yehova kanambe ngwenyi, Soneka lunga yono ngwe keshi mwana; lunga umwe kechi kawaha ha matangwa jenyi. Mumu niumwe wa ana jenyi makawaha nikutwama ha ngunja ya David, nikuyula nawa mu Yunda.

Mukanda Wa Zambi 1970

³⁰ Kanambe ngwenyi: “Mutu yono matokesa ana jenyi, kechi kuyuka nichimwe. Kechi kabwa ni vungu waze maakayula mu Yuda ngwe David. Yami, Mwene Zambi, nachamba.”

Jeremia 22:30 Iomraidhean Croise

Jobe 18:19

Keshi kupwa ni mwana hanji mujikulu hakachi ka atu jenyi; niumwe mamuswana kuze atwamine.

Miaso (Masamu) 94:20

Ngunja ya ungulungulu yize yakutaka uhuka ngwe shimbi, muyihasa kulifutula hamuwika ni yena, nyi?

Jeremia 10:21

Mumu tufunga kapwa yelo, kahulile kuli Yehova. Kashika kawahile mu milimo yo, ni mbunga yo yeswe ya mapanga hiyamwangana.

Jeremia 2:37

Kwenako nawa mukatuka suswa mutwe mumu Yehova halituna waze unaafuliela kuchi kuhasa kuwaha no ku yilinga ye.

Jeremia 22:2

Ena mwanangana wa Yunda, watwama ha ngunja ya David, ivwa liji lia Yehova, hamwe ni tuvumbi twe, ni atu je aze akunjila ku yikolo yino.

Jeremia 29:32

kashika munguhana kastigu kuli Shemaia wa ku Nehelama ni kuli waze eswe makasemukina kuli iye, ngwami, Kechi kupwa ni niumwe mukwa mwono hakachi ka vungu lino kumona chipema chize mungulinga kuli atu jami mumu ha kuhanjika yuma ya kukatukila Yehova. Chocho kanambe Yehova.

Jeremia 36:30

Kashika ha kutwala kuli Jehoakime mwanangana wa Yunda Yehova kanambe ngwenyi, Kechi kupwa ni mutu kutwama ha ngunja ya David; chikwo nawa mujimba wenyi wa kufwa makaumbila ha chivukuminya cha mwalwa ni chishika cha ufuku.

Jeremia 52:10

Mwanangana wa Babilonia yashiha ana ja Zedekia a malunga kwe kumeso jenyi. Yashiha nawa alemu eswe ja A-Yunda kuze ku Ribila.