Jeremia 22:26 - MUKANDA USANDU WA ZAMBI 1975

²⁶ Mungukunyasa yena ni noko yoze wakusemene mu chifuchi cheka kuze kanusemenene ni kuze munufwila.

Mukanda Wa Zambi 1970

²⁶ Yena ni mwe noko yoze wakusemene mungunutwala ni tachi mu undungo. Munuya ku chimwe chifuchi kuze yena ni noko kunwasemukinyine ko; kwenako munukafwila yenu eswe aali.

Jeremia 22:26 Iomraidhean Croise

1 MIANANGANA 24:15

Yambata Jehoachine ku Babilonia; ni naye ya mwanangana, ni mapwo ja mwanangana, ni tupitau twenyi, ni akwa lutwe a mu chifuchi, yaachiza ku Yerusaleme yaatwala funge ku Babilonia.

1 MIANANGANA 24:8

Ha kuputuka kuyula Jehoachine wapwile ni kumi lia miaka ni miaka nake. Wayulile mu Yerusaleme tukweji atatu. Jina lia naye Nehushita mwana Elenatane wa ku Yerusaleme.

1 MIANANGANA 25:27

Ha mwaka makumi atatu ni wamuchishimbiali wa ufunge wa Jehoachine mwanangana wa Yunda, ni ha kakweji kumi ni wamuchiali, ni ha tangwa makumi aali ni liamuchishimbiali lia kakweji, mwe Evile-Merodake mwanangana wa Babilonia, ha mwaka yaputuka kuyula, wachijile Jehoachine mwanangana wa Yunda mu zuwo lia ususu.

1 MIANANGANA 25:29

Yazula mazalo jenyi ja zuwo lia ususu. Matangwa eswe a mwono wenyi walile ku mesa ya mwanangana.

1 MIANANGANA 25:30

Mba ha mbongo amuselele mbongo ja tangwa ha tangwa ja kuli mwanangana, tangwa ha tangwa, mbongo matangwa eswe a mwono wenyi.

Izaya 22:17

Yehova makunyasa haze ni tachi, ena mukwa tachi. Kumakakukwata ngo lume,

Jeremia 10:18

Mumu Yehova kanambe ngwenyi, Nyingikenu mungunyasa haze akwa chifuchi mwakono. Mungwakokela huli hanga akalivwe.

Jeremia 13:18

Amba kuli mwanangana ni naye ngwe, Likehesenu, twamenu hashi, mumu yipangula yenu ya uhenya muyikatuka ha mitwe yenu.

Jeremia 16:13

Kashika mungunuchiza mu chifuchi chino ni kununyasa ku chifuchi, chipwe yenu chipwe tulamba twenu kachinyingikine. Kwenako munukalingila mazambi eka mwalwa ni ufuku, mumu chichi kanuvwila vumbi nilimwe.

Jeremia 22:27

Alioze ku chifuchi cho akuchivwila usona kechi kezako nawa.

Jeremia 28:4

Kumunguneha nawa ku chifuchi chino Jekonia mwana Jehoakime mwanangana wa Yunda, ni njize eswe a ku Yunda waze ayile ku Babilonia, mumu mungupatula kanga ya mwanangana wa Babilonia. Chocho kanambe Yehova.

Jeremia 29:2

Chino chapwile muze mwanangana Jekonia, ni naye mwanangana, ni aunuku, ni alemu ja mu Yunda ni Yerusaleme, ni yilangaji, ni fuli, eswe hakatuka ku Yerusaleme.

Jeremia 44:14

chocho niumwe hakachi ka masalila ja A-Yunda waze ejile kutwama mu chifuchi cha Engitu momboka, hanji kutwama ni mwono, hanji kuhiluka ku chifuchi cha Yunda kuze anazange kuhiluka ni kutwama. Mumu kechi kahilukako, shina amwe akwa kuchina.