Jeremia 22:24 - MUKANDA USANDU WA ZAMBI 1975

²⁴ Yehova kanambe ngwenyi, Ni mwono wami ngwami, Chipwe Konia mwana Jehoakime mwanangana wa Yunda wapwa kazeya wa ha kwoko liami lia chindume, hindu mungunuchizaho

Mukanda Wa Zambi 1970

²⁴ Mwene Zambi yambila mwanangana Jehoakine, mwana wa mwanangana Jehoakime wa Yuda ngwenyi: “Yami Zambi ya mwono ngwami, yena Jehoakine, chibwe uli ngwe kazeya ku munwe wami, kumungukutomona ko,

Jeremia 22:24 Iomraidhean Croise

Jeremia 37:1

Zedekia mwana wa Josia yoze Nabukanezore mwanangana wa Babilonia wapwishile mwanangana mu chifuchi cha Yunda, aye wasalakanyine Konia mwana Jehoakime.

Mwaso Ubema Wahiana 8:6

Nguse ngwe Chijikilo ha mbunge ye; ngwe Chijikilo ha kwoko lie; mumu zango Unalite ni ufwe ha tachi, ni uswi wa ukwa walita ni uze wa Shiole. Kuhenya chawo chapwa cha kahia; te mulengi wa tachi.

1 Sango Ja Mianangana 3:16

Ana ja Jehoakime a malunga wano: mwanenyi Jekonia, ni mwanenyi Zedekia.

Hagai 2:23

Yehova-wa-Tujita kanambe ngwenyi, Ha tangwa lize mungukutambula yena Zorobabele kavumbi kami mwana Salatiele; mungukupwisa kazeya kami ka jina, mumu hinakutongola. Chocho kanambe Yehova-wa-Tujita.

Jeremia 22:28

Yono lunga Konia kanapu ndeho yimwe yafwa, ya kulelesa, chikwachilo niumwe kachizangile, nyi? Kuchi te iye ni ana jenyi hanaakongo nikwanyasa mu chifuchi kachinyingikine?

Jeremia 22:6

Mumu ha kutwala ku munyachi wa mwanangana wa Yunda, Yehova kanambe ngwenyi, Enu nwapwa kuli yami ngwe Ngiliate ngwe mbulwa mulundu wa Lebano, hindu mungunupwisa puya; chihunda kuchishi atu.

1 MIANANGANA 24:12

mba Jehoachine mwanangana wa Yunda yatuhuka kuli mwanangana wa Babilonia, ni mwene, ni naye, ni tuvumbi twenyi, ni alemu jenyi, ni tupitau twenyi. Chocho mwanangana wa Babilonia yamukwata ha mwaka wamuchinake wa kuyula chenyi.

1 MIANANGANA 24:15

Yambata Jehoachine ku Babilonia; ni naye ya mwanangana, ni mapwo ja mwanangana, ni tupitau twenyi, ni akwa lutwe a mu chifuchi, yaachiza ku Yerusaleme yaatwala funge ku Babilonia.

2 Sango Ja Mianangana 36:9

Ha kuputuka kuyula Jehoachine wapwile ni miaka nake. Wayulile tukweji atatu ni kumi lia matangwa mu Yerusaleme. Yalinga chipi kumeso ja Yehova.

Izaya 49:16

Tala, hinakwola ha mbanda-moko. Yipanga ye ya mawe kumeso jami yili matangwa eswe.

Jeremia 28:4

Kumunguneha nawa ku chifuchi chino Jekonia mwana Jehoakime mwanangana wa Yunda, ni njize eswe a ku Yunda waze ayile ku Babilonia, mumu mungupatula kanga ya mwanangana wa Babilonia. Chocho kanambe Yehova.

Jeremia 29:2

Chino chapwile muze mwanangana Jekonia, ni naye mwanangana, ni aunuku, ni alemu ja mu Yunda ni Yerusaleme, ni yilangaji, ni fuli, eswe hakatuka ku Yerusaleme.

Jeremia 13:18

Amba kuli mwanangana ni naye ngwe, Likehesenu, twamenu hashi, mumu yipangula yenu ya uhenya muyikatuka ha mitwe yenu.

Jeremia 24:1

Muze te Nabukanezore mwanangana wa Babilonia hachiza ku Yerusaleme ni kwatwala ku unjize Jekonia mwana Jehoakime mwanangana wa Yunda hamwe ni alemu ja A-Yunda, ni yilangaji, ni fuli, haatwala ku Babilonia mba Yehova yanguweza usolwelo uno: mitonga yiali ya makuyu hanayitumbika kulutwe lia tembele ya Yehova.