Jeremia 22:23 - MUKANDA USANDU WA ZAMBI 1975

²³ Ena watwama ha Lebano nikusa chaswa che ku misedru muwiza kutwa mikuma muze misongo ye muyikuwana; yikola ngwe ya pwo mu kufumbajala.

Mukanda Wa Zambi 1970

²³ Yenu nwatwama mu uhwimino mukachi ka mitondo sedru yize nwatambwile ku chifuchi cha Libano; lamba lienu muze munwivwa yikola, ngwe yikola ya pwo yoze unambe kusema.

Jeremia 22:23 Iomraidhean Croise

Jeremia 21:13

Yehova kanambe ngwenyi, Kunalimika ni yenu nwatwama mu chikulo; enu liwe lia ha chana. Enu nwakwamba ngwenu, Iya mapalumuka kulimika ni yetu? Iya manjila mu mazuwo jetu?

Jeremia 22:6

Mumu ha kutwala ku munyachi wa mwanangana wa Yunda, Yehova kanambe ngwenyi, Enu nwapwa kuli yami ngwe Ngiliate ngwe mbulwa mulundu wa Lebano, hindu mungunupwisa puya; chihunda kuchishi atu.

Jeremia 3:21

Liji limwe kanalivu ha milundu kuyishi mitondo, ana ja Izalele a malunga kulila ni kulembelela mumu hanahengesa majila jo, ni kuvulama Yehova Zambi yo.

Jeremia 48:28

Katukenu ku yihunda yenu nukatwame mu luliwe, enu nwatwama ku Moape. Pwenu ngwe katele yoze wakusa chaswa chenyi mu malumbu ja ku unjililo wa chivwenge.

Jeremia 49:16

Mwongo uze nwakunehena akwo hiwanwonga hamwe ni kulengumuka cha mbunge jenu; enu nwatwama mu yivwenge ya mawe, nwazuka kwe ku mbulwa mulundu. Yehova kanambe ngwenyi, Chipwe mukasa walo we kwilu ngwe wa pupa, hindu mungukuchizako.

Jeremia 6:24

Hitwevwa lufuma wacho, mba moko jetu kanazeye ni upekepeke. Kupinda hichatukwata; yikola ngwe ya pwo ha kufumbajala.

Ezekiel 17:3

ngwe, Mwene Yehova kanambe ngwenyi, Pupa umwe munene wa mapulwa anene ni tonga jisuku, kali ni mangona anji a ulombo weka ni weka, yeza ku Lebano, yandako mutango wa ku songo lia musedru.

Hosea 5:15

Munguhiluka nawa kuma kwami, ndo matayiza uhie wo ni kufupa meso jami. Mu luyinda wo mangufupa ni mbunge yeswe, ngwo,

Hosea 7:14

Katambikile kuli yami ni mbunge, alioze ha mihela yo kakulila mbimbi. Kakukungulukila mbuto ni vinyu; kakungukatukila.

Amose 9:2

Chipwe mafulila ndo ku Shiole hindu kwoko liami mulikaachizako. Chipwe manyina ku malilu mungukaahulumunamo.

Obadia 1:4

Yehova kanambe ngwenyi, Chipwe mulinangamisa ngwe pupa; chipwe muosa walo we hakachi ka matongonoshi hindu mungukuhulumunako.

Habakuke 2:9

Lamba kuli yoze wakutambula munyachi wenyi ni uhenge, akase chaswa chenyi kwilu akalilamwine ku yipi.

Kwalula 24:21

Yatala A-Kene, yata chishima chino ngwenyi, Chijima che kuchakola, chaswa che cha kutunga mu liwe;