Jeremia 22:22 - MUKANDA USANDU WA ZAMBI 1975

²² Fuji muyikafunga tufunga twe eswe, ni akwa zango lie maya ufunge. Henaho mba muwivwa sonyi ni kutatajala mumu ha ungulungulu we weswe.

Mukanda Wa Zambi 1970

²² Akwa lutwe jenu kumaatwala ngwe chize fuji yakuhehula yiswaswa, masepa jenu kumaatwala funge mu jita. Mba munwivwa sonyi mumu ha ungulungulu weswe uze hinwalinga.

Jeremia 22:22 Iomraidhean Croise

Izaya 64:6

Eswe hitwalumuka ngwe umwe mukwa luchisa, yitanga yetu yeswe ya ululi yapwa ngwe mahina a luchisa. Eswe twakulela ngwe lifwo, mba uhenge wetu wakutuhehula ngwe fuji.

Izaya 65:13

Kashika Mwene Yehova kanambe ngwenyi, Tuvumbi twami makalia, alioze yenu munupwa ni zala. Tuvumbi twami makanwa, alioze yenu munupwa ni pwila. Tuvumbi twami makawahilila, alioze yepu munwivwa sonyi.

Jeremia 10:21

Mumu tufunga kapwa yelo, kahulile kuli Yehova. Kashika kawahile mu milimo yo, ni mbunga yo yeswe ya mapanga hiyamwangana.

Jeremia 12:10

Tufunga anji hanenyeka munda wami wa uva, hanaliate chihinga chami ni molu jo, hanapwisa chihinga chami chipema ngwe puya ya hululu.

Jeremia 2:36

Chapwa chilelu kuli yena kuhehwangila nikwalumiona ndako je! Alioze kumakukolesa sonyi kuli A-Engitu chizechene ngwe akukolesele sonyi kuli A-Asuria.

Jeremia 2:37

Kwenako nawa mukatuka suswa mutwe mumu Yehova halituna waze unaafuliela kuchi kuhasa kuwaha no ku yilinga ye.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 20:11

Alioze Yehova kwali hamwe ni yami ngwe kajita wa kukolesa woma. Kashika akwa kunguhungumiona malimbuka kechi kangukumba. Makevwa sonyi jinji mumu kechi kuhasa kumanununa. Kusauka cho cha mutolo kechi kuchivulama nilimwe tangwa.

Jeremia 30:14

Waze eswe akuzangile hanakuvulama; kakusele mbunge nichimwe, mumu hinakulamba ngwe nguli mukwa kole, hinakufwetesa ngwe nguli mukwa kulimika keshi keke, mumu uhie we unene, milonga ye kumeso ja atu eswe.

Jeremia 4:30

Ni yena hakwenyeka kulu, kuchi chinalumbunuka unazala ngengu, ni kuliwahisa ni yuma ya oru, ni kutohesa meso je ni ulombo? Unaliwahisa mokomoko, mumu masepa je kanakulelesa, kanafupu kukushiha.

Jeremia 5:13

Aprofeta malumuka ngwe fuji; lie liji kulishimo muli ayo. Chocho muchipwa kuli ayo.

Jeremia 7:19

Yehova kanambe ngwenyi, Yami anehi? Hi ene ko hanga akevwe sonyi?

Hosea 12:1

Eframe kakulia fuji yamokomoko; kakukaula fuji ya ku Chivumbuko tangwa lieswe. Kakwokesa mahuza ni upupilo; kakulikata ni Asuria; kakutwala maji ku Engitu.

Hosea 13:15

Chipwe matatuka hakachi ka ayayo hindu fuji ya ku Chivumbuko muyiza, fuji ya kuli Yehova ni kukatuka ku puya. Mba shima lienyi muliuma; fuji lienyi lia meya mulipwa lia chau. Kumuyikahupa yuma yeswe yilemu ku zuwo lienyi lia kutulikila upite.

Hosea 4:19

Fuji yimwe hiyaavunga mu mapulwa jayo, kumakevwa sonyi mumu ha yitapo yo.

Zakaria 11:17

Lamba kuli kafunga wamokomoko, yoze wakwehuka mapanga! Katana amulambe mu kwoko lienyi ni mu liso lienyi lia chindume! Kwoko lienyi likasosewe liakulu ni liso lienyi lia chindume Ukafwe liakulu.

Zakaria 11:8

Ha kakweji umuwika nonwene tufunga atatu, mumu janguhwa no; no te kananguvwila kupiha.