Biblia Todo Logo
Bìoball air-loidhne

- Sanasan -




Jeremia 22:18 - MUKANDA USANDU WA ZAMBI 1975

18 Kashika ha kutwala kuli Jehoakime mwana Josia mwanangana wa Yunda Yehova kanambe ngwenyi, Kanda amulilila mbimbi ngwo, Mama yami yaye! hanji mama yami ndumbwamie! Kanda amulilila mbimbi ngwo, Mama yami mwate! hanji mama yami mwanangana wetue!

Faic an caibideil Dèan lethbhreac

Mukanda Wa Zambi 1970

18 Kashika Mwene Zambi unahanjika hakutwala kuli mwanangana Jehoakime, mwana wa Josia ngwenyi: “Niumwe kechi kumulila muze hafwa nikwamba ngwenyi: ‘Mama lambe, mama sepa liamie, mama lambe!’ Niumwe kechi kulinyenga ngwenyi: ‘Mwene wami! Mama, mwanangana wamie!’

Faic an caibideil Dèan lethbhreac




Jeremia 22:18
17 Iomraidhean Croise  

Yaya Jonatas, ngunalifwichi mu mbunge mumu hali yena. Wapwile mupema chikolo kuli yami. Zango lie liapwile lia kukomwesa; liahianyine zango lia mapwo.


Yasa mujimba mu fuka lienyi mwene, no amulilile ngwo, Mamé mwanakwetu!


Ha kuputuka kuyula Jehoakime wapwile ni makumi aali a miaka ni miaka yitano. Wayulile kumi lia miaka ni mwaka umuwika mu Yerusaleme. Jina lia naye Zebuda mwana Pedaia wa ku Ruma.


Yachiza Ashera mu zuwo lia Yehova haze lia Yerusaleme ku chitwetwe Kendrone, mba yamwocha kwe ku chitwetwe Kendrone; yamufwenya wungawunga, mba yalakumwina wunga uze ha mafuka ja atu amokomoko.


Chocho Jehoakime yaya tulo, yaya kuli tulamba twenyi, mba mwanenyi Jehoachine yamuswana mu wanangana.


Ana ja Josia a malunga wano: mwana mutangu Johanane, ni wamuchiali Jehoakime, ni wamuchitatu Zedekia, ni wamuchiwana Shalume.


Ni Jeremia yalila Josia, ni njimba eswe a malunga ni a mapwo yamusa mu miaso yo ya kulila mbimbi ndo musono. Yayisela shimbi mu Izalele ngwami, hanayisoneka mu miaso ya mbimbi.


Ha kuputuka kuyula Jehoakime wapwile ni makumi aali a miaka ni miaka yitano; mba wayulile kumi lia miaka ni mwaka umuwika mu Yerusaleme. Walingile chipi kumeso ja Yehova Zambi yenyi.


Kumakafwa ni misongo ya kufwa. Kechi kwalila, chipwe kwafunda, alioze mapwa ngwe wilo ha mavu. Kumakafwila ku katana ni kapunga, ni mijimba yo muyikapwa kulia cha tujila a mu tetela, ni cha tushitu a mu yambu.


Ni anene ni akepe mafwa mu chifuchi chino. Kechi kwafunda; kechi kwalila; niumwe malilemeka mumu hali ayo chipwe kulitewula.


Ku munyachi wa mwanangana wa Yunda amba ngwe, Ivwenu liji lia Yehova,


Kanda nulilila yoze hanafu chipwe kumutwila mikuma; alioze lilenu masoji asasu hali yoze unayi, mumu kechi kahiluka nawa kumona chifuchi asemukinyine.


alioze kuze amutwalile funge kwenako mafwila. Kechi kamona nawa chifuchi chino.


Kumuofwa ni sambukila. Ni chizechene ngwe ochele tumbuto twa lupembo mupema hali tulamba twe mianangana waze akutetekelele, chocho atu makwochela tumbuto twa lupembo mupema ni kukulila ngwo, Mama yami, mwata wetu! Mumu Yehova ngwenyi, Yami hinahanjika lie liji.


Kashika ha kutwala kuli Jehoakime mwanangana wa Yunda Yehova kanambe ngwenyi, Kechi kupwa ni mutu kutwama ha ngunja ya David; chikwo nawa mujimba wenyi wa kufwa makaumbila ha chivukuminya cha mwalwa ni chishika cha ufuku.


Lean sinn:

Sanasan


Sanasan