Jeremia 22:17 - MUKANDA USANDU WA ZAMBI 1975

¹⁷ Alioze yena uli ni meso ni mbunge ya kunyonga kufumbuka cha uhenge, ni kumwanga manyinga keshi chitela ni kulinga upinjiso ni upupilo.

Mukanda Wa Zambi 1970

¹⁷ Alioze yena Wakulinyonga lume yena mwene; wakushiha yoze keshi mulonga ni kubinjisa atu je ni uswii. Mwene Zambi wachamba.

Jeremia 22:17 Iomraidhean Croise

1 Yitanga Ya Mianangana 21:19

Muwamba kuli iye ngwe, Yehova kanambe ngwenyi, Mba washiha, wazuka nyi? Mba muwamba nawa ngwe, Yehova kanambe ngwenyi, Kuma kuze kwene tuwa halesa manyinga a Nabote kwenako makalesa manyinga a yena mwene.

1 MIANANGANA 23:37

Walingile chipi kumeso ja Yehova nikulita ni yize yeswe tulamba twenyi halinga.

1 MIANANGANA 24:4

ni ha manyinga aze amwangine chitela chakuhi. Mumu wazalishile Yerusaleme ni manyinga keshi chitela, mba Yehova kasolo kuchikonekena.

2 Sango Ja Mianangana 36:8

Yitanga yikwo ya Jehoakime ni yizelwokeso yenyi yize alingile, ni chize awanyine muli iye hanayisoneka mu mukanda wa mianangana ja Izalele ni Yunda. Mba mwanenyi Jehoachine yamuswana mu wanangana.

Jobe 31:7

nyi lwano wami hapiasuka mu jila, mbunge yami yikakaule meso jami, hanji chipeka cheswacho hichalalaminya ku moko jami,

Miaso (Masamu) 10:3

Mumu chingulungulu kakulivwimba ha chize mbunge yenyi kuyakuzanga; kakuwahisa mukwa kuzo; kakulelesa Yehova.

Kutuhuka 18:21

Chikwo nawa ukalitalile malunga yitakame a kuli atu, a kuvwila woma Zambi, malunga amwenemwene, a kuvwila lwaji chipululu. Ukaapwise miata jo; akapwe akwa kuyula tununu twa atu, akwa kuyula makulakaji, akwa kuyula makumi atano, akwa kuyula kumi lia atu.

Yishima 24:2

Mumu mbunge jo kujakunyonga kwonwona; mivumbo yo kuyakuhanjika uhuka.

Izaya 56:11

Tuwa kali ni solo lia kulia, keshi kukuta. Tufunga nawa keshi yinyingi; eswe hanatalikisa mutu mu jila yenyi, mutu mu jila yenyi, mutu mweswe ku kufumbuka chenyi, e eswe lume.

Jeremia 17:11

Ngwe ngwali yoze makunga ana aze katotele, chocho mapwa yoze makunga upite ni uhenge. Hakachi ni hakachi ka matangwa jenyi muumukatuka, mba ku songo iye mapwa chihepuke.

Jeremia 19:4

Mumu atu hanangwehuka nikuchisa kuma kuno ha kwochelako insensu ku mazambi eka chipwe ayo, chipwe tulamba two, chipwe mianangana ja Yunda kaanyingikine, ni mumu hazalisako ni manyinga ja waze keshi chitela.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Jeremia 6:13

Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Jeremia 6:6

Mumu Yehova-wa-Tujita kanambe ngwenyi, Pakulenu mitondo yenyi, lingenu mulumba wa kuseleka Yerusaleme. Che chihunda chino chatamba kuchilamba, mumu nichimwe chuma chilimo shina kupingjisa wika.

Jeremia 7:6

nyi kunuchi kupinjisa chilambala hanji mwana-shiwa, hanji tuliwa, kunuchi kumwanga muma muno manyinga keshi chitela, nyi kunuchi kukaula mazambi akwo kulilemeko no,

Jeremia 8:10

Kashika munguhana mapwo jo kuli akwo, ni minda yo kuli akwa kukumba, mumu chize kuli mukepe wahiana ndo kuli munene Wahiana, eswe kali ni chipululu cha kufumbuka cha uhenge. Chize kuli profeta ndo kuli sasendote eswe kakulinga ni mahuza.

Ezekiel 18:12

kakupinjisa chiswale ni mukwa kuhona, kakwiya, keshi kuhilwisa tombo, kakuhetwila meso jenyi ku mahamba, kakulinga yuma ya waji,

Ezekiel 19:6

Aye nawa yazomba ni ndumba ni akwo, yalumuka wa tachi, yalilongesa kukwata yifwo, yalia atu.

Ezekiel 19:7

Yanyingika yihunda yo ya kukolesa; yapupa membo jo, ndo chifuchi chevwile mwongo ni waze eswe apwilemo ha lundunjila wa kuteta chenyi.

Ezekiel 19:9

Yamutambula ni tuzambu ni kumusa mu luchikalanga; yamutwala kuli mwanangana wa Babilonia; yamusa mu ufunge, hanga kechi kevwa nawa liji lienyi ha milundu ya Izalele.

Ezekiel 22:6

Alemu ja A-Izalele muli yena, mweswe hakachi ko hasa mbunge yenyi, nikulita ni tachi jenyi, kumwanga manyinga.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Mika 2:2

Kakuvwila kuzo ya minda, mba mayitambula. Kakuvwila kuzo ya mazuwo, mba maachiza. Kakupinjisa mutu ni zuwo lienyi, ni mutu ni chihinga chenyi.

Mika 3:10

Nwakutungisa Zaione ni manyinga, nwakutungisa Yerusaleme ni uhenge.

Zefania 3:3

Akwa kuyula muchima lienyi kapwa ngwe ndumba a kuhiohia. Ngaji jenyi ngwe tungunga a ha chingoloshi waze kahichikile nichimwe ndo chimene.

A-ROMA 1:29

se, azalile tò ni uhenge weswe, ni ungulungulu, ni kuzo, ni uhuka; a tò ni lufwachinda, ni ungalwe, ni vunda, ni kalimbalimba, ni upapwoki; akwa kulinongota,

1 Korintu 6:10

chipwe eji, chipwe akwa kwivwa kuzo, chipwe akwa kuzengewa, chipwe akwa kutukana, chipwe akwa kuhianyisa ndando, kechi kahinga wanangana wa Zambi.

Kolosu 3:5

Kashika shihenu yihanda yenu yize yili hano hashi; ni utanji, ni luchisa, ni kusasaminya, ni usolo upi, ni kuzo, yenayo kukombelela mahamba;

Yoshua 7:21

Muze namwene hakachi ka yuma ya kupupa chikuto chimwe chipema cha ku Babilonia, ni kulakaji aali a shekele ja prata, ni chipinji cha oru cha makumi atano a shekele nayivwilile kuzo, yinguyitambula. Kuyili ya kusweka mu mavu muchima lia mbalaka yami. Prata kushi yili.

2 Petulu 2:14

Kali ni meso a tò ni utanji, keshi kuhasa kulitwamina ku shili; nikusongojola atu aze kajikijile; nikupwa ni mbunge ja kulifumba ni kuzo; akwa shingo.

2 Petulu 2:3

Ni ku kuzo, ni maliji a ulembekese, makanupwisa yuma ya kusepa nayo: upatwilo wo chize ku shakulu kuushi kushimbula, ni kwonwona cho kuchishi kufungunuka.

1 Samuel 8:3

Anenyi kendele mu ndako ja tato. Apiasukile nikukaula upite. Atambwile chindo nikuhongesa upatwilo.