Jeremia 22:15 - MUKANDA USANDU WA ZAMBI 1975

¹⁵ Unamono ngwe uli mwanangana mumu wakweseka kuhiana akwenu ni sedru? Tatenu te kalile, kanwine, shimbu mapatula nikulita ni kulinga ululi? Miaka yize te kanawaha.

Mukanda Wa Zambi 1970

¹⁵ Kuma muchikupwisa mwanangana mubema nyi watunga zuwo lia mitondo ya sedru, libema kuhiana mazuwo ja atu akwo, nyi? Tatenu matangwa eswe te kakuwahilila kanawa. Matangwa eswe te kakubatwila atu ni ululi, yayuka ni yuma yeswe yize alingile.

Jeremia 22:15 Iomraidhean Croise

2 Samuel 8:15

David wapwile mwanangana wa A-Izalele eswe. David wayulile ni wapatwilile atu jenyi eswe.

1 Yitanga Ya Mianangana 10:9

Yehova Zambi ye akafumane, yoze wevwile kuwaha ni yena, wakusele ha ngunja ya Izalele. Yehova wazangile A-Izalele ku miaka ya mutolo, kashika wakupwishile mwanangana ukapatwile ni ululi.

1 MIANANGANA 22:2

Aye walingile chipema kumeso ja Yehova. Wendele mu ndako jeswe ja kalamba kenyi David, kahambulukile chipwe ku chindume chipwe ku chimeso.

1 MIANANGANA 23:25

Kukwapwile umwe mwanangana kushi kulifwa nenyi. Yatewulukila kuli Yehova ni mbunge yenyi yeswe, ni mwono wenyi weswe, ni ndundo jenyi jeswe nikulita ni shimbi jeswe ja Mose. Chipwe kulutwe lienyi niumwe wasolokele wa kulifwa nenyi.

1 Sango Ja Mianangana 3:15

Ana ja Josia a malunga wano: mwana mutangu Johanane, ni wamuchiali Jehoakime, ni wamuchitatu Zedekia, ni wamuchiwana Shalume.

2 Sango Ja Mianangana 34:2

Walingile chipema kumeso ja Yehova nikwenda mu majila ja kalamba kenyi David. Kapiangukile chipwe ku chindume chipwe ku chimeso.

2 Sango Ja Mianangana 35:22

Hindu Josia kasolo kukatuka kuli iye. Yalihipula akase nenyi jita. Kapanjikile ku maliji a Neko ku kanwa lia Zambi; yeza ku jita mu chikulo cha Megidu.

2 Sango Ja Mianangana 35:26

Yitanga yikwo ya Josia, ni yilinga yenyi yipema nikulita ni chize chinasonewa mu shimbi ja Yehova,

Yishima 20:28

Utu wa zango ni umwenemwene kuyakukolesa mwanangana. Ngunja yenyi yinajikijila ni utu wa zango.

Yishima 21:3

Kulinga ululi ni upatwilo wapemena Yehova kuhiana yitapo.

Yishima 25:5

Chiza yingulungulu kumeso ja mwanangana mba ngunja yenyi muyikakolela mu ululi.

Yishima 29:4

Mwanangana kakukolesa chifuchi ni upatwilo; alioze mukwa kufwetesa chindo kakuchilumbula.

Yishima 31:9

Pakula kanwa lie ukapatule ni ululi; ukapatwile yiswale ni akwa kuhona.

Longeshi 10:17

Alioze yena chifuchi muwaha nyi mwanangana we kapwa mwana wa enya chifuchi, ni alemu je malinga chiteleka ha ola yacho hanga atakame, hi ha kuzengewa ko.

Longeshi 2:24

Nyi mutu malia, manwa, mawahisa mbunge yenyi ni upeme wa milimo yenyi, nichimwe chikwo cha kuwaha chakuhi. Chino nawa nachimwene cha ku kwoko lia Zambi.

Izaya 3:10

Ambulwila akwa ululi ngwe, Muchipwa kawape no, mumu makalia mihuko ya yitanga yo.

Izaya 33:16

Makatwama kwilu, kuma kwenyi kwa kulitunga mukukapwa mu mbonge ja yimawe. Mbolo yenyi mamwahayo, meya jenyi kechi kahona.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

Jeremia 21:12

Enu munyachi wa David! Yehova kanambe ngwenyi, Ha chimene patulenu ni upatwilo uze unalite, pululenu ku kwoko lia mukwa kupinjisa yoze hamwiya, kuchina ufwatulo wami muutuhuka ngwe kahia ukalekwoke ni yoze maujima wakuhi mumu ha yitanga yenu yipi.

Jeremia 22:18

Kashika ha kutwala kuli Jehoakime mwana Josia mwanangana wa Yunda Yehova kanambe ngwenyi, Kanda amulilila mbimbi ngwo, Mama yami yaye! hanji mama yami ndumbwamie! Kanda amulilila mbimbi ngwo, Mama yami mwate! hanji mama yami mwanangana wetue!

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Jeremia 23:5

Yehova kanambe ngwenyi, Matangwa kaneza muze mungukasolola hali David Mutango wa ululi, mba iye kumakapwa mwanangana wa kuyula, nikulinga ni mana, ni kupatula ni kulita ni ululi mu chifuchi.

Jeremia 42:6

Lipwe lipema, lipwe lipi, mutwononoka ku liji lia Yehova Zambi yetu kuze tunanutumu, hanga chikawahe ni yetu ha kwononoka ku liji lia Yehova Zambi yetu.

Jeremia 7:5

Mumu nyi munupemesa majila jenu ni yitanga yenu pundu; nyi munulinga ni kulita umwe kuli mukwo ni mukwo,

Luka 11:41

Alioze Shinaho hanenu yawana ya ku yize yili muchima; nyi chocho, yuma yeswe muyipwa yipema kuli yenu.

Yilinga 2:46

O, tangwa ha tangwa, nikunyongo nona ni mbunge yimuwika mu tembele, nikupatula mbolo ku zuwo ni zuwo, alile kulia cho ni uwahililo ni kutuwika cha mbunge,

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.