Jeremia 22:13 - MUKANDA USANDU WA ZAMBI 1975

¹³ Lamba kuli yoze matunga zuwo lienyi ni uhenge, ni yipatulo yenyi ya kwilu ni upatwilo uze kuwalitele. Yoze wakulingisa mwenyembo wenyi milimo yawana, kamuhele fweto yenyi.

Mukanda Wa Zambi 1970

¹³ Lamba kuli mutu yoze hatunga zuwo lienyi ni uhenge ni kanalitohwesa ni mbongo ja wiji; yoze wakuhondanganyisa enyembo jenyi milimo yamokomoko, kwafweta ka.

Jeremia 22:13 Iomraidhean Croise

2 Sango Ja Mianangana 36:4

Mwanangana wa Engitu wapwishile mwanakwo Eliakimi mwanangana wa Yunda ni Yerusaleme. Yamwaha jina lieka ngwenyi, Jehoakime. Mba Neko yakwata yayo Jehoahaze, yamutwala ku Engitu.

2 Sango Ja Mianangana 36:5

Ha kuputuka kuyula Jehoakime wapwile ni makumi aali a miaka ni miaka yitano; mba wayulile kumi lia miaka ni mwaka umuwika mu Yerusaleme. Walingile chipi kumeso ja Yehova Zambi yenyi.

Jobe 31:39

nyi kachi hinalia mbuto yaho ni kufweta ka, hanji nashiha waze ayipichile,

Izaya 5:8

Lamba kuli waze akuwezela zuwo ku zuwo, akuwezela munda ku munda ndo chihela nawa chakuhi, mba makutwamisa ukawe hakachi ka chifuchi.

Jeremia 17:11

Ngwe ngwali yoze makunga ana aze katotele, chocho mapwa yoze makunga upite ni uhenge. Hakachi ni hakachi ka matangwa jenyi muumukatuka, mba ku songo iye mapwa chihepuke.

Jeremia 22:18

Kashika ha kutwala kuli Jehoakime mwana Josia mwanangana wa Yunda Yehova kanambe ngwenyi, Kanda amulilila mbimbi ngwo, Mama yami yaye! hanji mama yami ndumbwamie! Kanda amulilila mbimbi ngwo, Mama yami mwate! hanji mama yami mwanangana wetue!

Alevi 19:13

Kanda nupinjisa mukwenu hanji kumupupa. Fweto ya ngamba kanda yitwama mu kwoko lie ndusu ufuku ndo chimene.

Mika 3:10

Nwakutungisa Zaione ni manyinga, nwakutungisa Yerusaleme ni uhenge.

Habakuke 2:12

Lamba kuli yoze matungila chihunda ni manyinga; yoze makolesa limbo ni uhenge!

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Shimbi 15:13

Ha kumutusula kuli yena, kanda umutusula mokomoko.

Tiangu (Jake) 5:4

Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.