Jeremia 22:11 - MUKANDA USANDU WA ZAMBI 1975

¹¹ Mumu ha kutwala kuli Shalume mwana Josia, mwanangana wa Yunda, yoze waswanyine tato Josia mu wanangana mba wakatukile ku chifuchi chino, Yehova kanambe ngwenyi, Kechi keza nawa,

Mukanda Wa Zambi 1970

¹¹ Mwene Zambi kanambe hakutwala kuli Joahaze mwana wa Josia, yoze wahingile tato mwanangana wa Yuda ngwenyi; “Haamuchiza kuno, haamutwala kweka, kechi kahiluka nawa nichimwe.

Jeremia 22:11 Iomraidhean Croise

1 MIANANGANA 23:29

Ha matangwa jenyi Falau-Neko, mwanangana wa Engitu wayile ku lwiji Ufrateze mukwasa jita ni mwanangana wa Asuria. Mba mwanangana Josia wayile kulimika nenyi. Alioze ha kulitala meso, mwanangana wa Engitu yashiha Josia ku Megidu.

1 MIANANGANA 23:30

Tuvumbi twenyi yamumbata mufu mu temba chize ku Megidu ndo ku Yerusaleme. Yamufunda mu fuka lienyi mwene. Akwa chifuchi atambwile Jehoahaze mwana Josia; yamuwayisa ni maji nikumupwisa mwanangana kusalakana tato.

1 MIANANGANA 23:31

Ha kuputuka kuyula Jehoahaze wapwile ni makumi aali a miaka ni miaka yitatu. Wayulile tukweji atatu mu Yerusaleme. Jina lia naye Hamutala mwana Jeremia wa ku Libna.

1 MIANANGANA 23:34

Falau-Neko yasalakanyisa Eliakimi mwana Josia mu wanangana wa tato Josia. Yalumuna jina lienyi ngwenyi, Jehoakime, alioze yachiza Jehoahaze; yamutwala ku Engitu, kwenako yafwila.

1 Sango Ja Mianangana 3:15

Ana ja Josia a malunga wano: mwana mutangu Johanane, ni wamuchiali Jehoakime, ni wamuchitatu Zedekia, ni wamuchiwana Shalume.

2 Sango Ja Mianangana 28:12

Henaho amwe akwa lutwe a ana ja A-Eframe, Azaria mwana Johanane, ni Mberekia mwana Meshilimote, ni Jehizekia mwana Shalume, ni Amasa mwana Hadalai yahamika ni waze akatukile ku jita,

2 Sango Ja Mianangana 34:22

Chocho Hilekia ni waze mwanangana hatuma yaya kuli profeta wa pwo Huleda, pwo lia Shalume mwana Tikiva, mwana Hashara, mukwa kufunga mazalo (aye Watwamine mu Yerusaleme mu chihanda chamuchiali), yahanjika nenyi pande jino.

Jeremia 22:27

Alioze ku chifuchi cho akuchivwila usona kechi kezako nawa.

Zefania 1:1

Liji lia Yehova lize liejile kuli Zefania mwana Kushi, mwana Gedalia, mwana Amaria, mwana Hezekia, ha matangwa a Josia mwana Amone mwanangana wa Yunda.