Jeremia 21:9 - MUKANDA USANDU WA ZAMBI 1975

⁹ Mweswe masala mu chihunda chino mafwa ni katana, ni kapunga, ni chilungo, alioze mweswe matuhuka nikulikunjika kuli A-Kaletea waze ananuseleka kechi kufwa, mamwaha mwono wenyi, upite wa jita.

Mukanda Wa Zambi 1970

⁹ Mweswawo masala mu limbo kumafwa mu jita, hanji ni zala, chibwe ni musongo. Alioze mweswawo machinyina kuli Ababilonia, waze anaseleka lie limbo, kechi kufwa; malilamwina.

Jeremia 21:9 Iomraidhean Croise

Jeremia 14:12

Chipwe malitwamina kulia chichi kwivwa muteto wo. Chipwe malambula milambu ya kulumba ni milambu ya wunga chichi kwatambula alioze mungwanongesa ni katana, ni kapunga, ni chilungo.

Jeremia 21:7

Yehova kanambe ngwenyi, Kulutwe mungukunjika Zedekia mwanangana wa Yunda, ni tuvumbi twenyi, ni akwa chihunda chino waze kafwile ni chilungo, hanji ni katana, hanji ni kapunga, mungwakunjika mu moko ja Nabukanezore mwanangana wa Babilonia, mu moko ja akwa kole jo, ku moko ja waze anafupu kwashiha. Kumakaalamba ni lutwilo wa katana. Kechi kaavwila vumbi, hanji kwatetela, hanji kwavwila keke.

Jeremia 24:10

Mungutuma kuli ayo katana, ni kapunga, ni chilungo ndo hakuwa ku chifuchi chize nahanyine kuli ayo ni kuli tulamba two.

Jeremia 27:11

Alioze akwa vungu lieswe waze mazeyesa makota jo kushi lia kanga ya mwanangana wa Babilonia ni kumulingila, mungwahichika mu chifuchi cho ene akalimemo ni kutwamamo. Chocho kanambe Yehova.

Jeremia 27:12

Yinguhanjika chizechene kuli Zedekia mwanangana wa Yunda ngwami, Zeyesenu makota jenu kushi lia kanga ya mwanangana wa Babilonia nukamulingile ni atu jenyi nukatwame ni mwono.

Jeremia 27:13

Kuchi te yena ni atu je mafwa ni katana, ni kapunga, ni chilungo, ngwe Yehova hamba ha kutwala ku mavungu eswe aze kechi kulingila mwanangana wa Babilonia?

Jeremia 38:2

Yehova kanambe ngwenyi, Mweswe matwama mu chihunda chino kumafwa ku katana, ni kapunga, ni chilungo. Alioze mweswe maya haze kuli A-Kaletea matwama ni mwono. Kumamwaha mwono wenyi ngwe upite wa jita; kumatwama ni mwono.

Jeremia 38:3

Yehova kanambe ngwenyi, Chihunda chino kumakachikunjika kuli tujita twa mwanangana wa Babilonia. O kumakachitambula.

Jeremia 39:18

Mumu pundu mungukulamwina; kuchi kufwa ni katana alioze muzuka mwono we ngwe upite wa jita mumu hiunangufuliela. Chocho kanambe Yehova.

Jeremia 45:5

Mba yena unalifupila yuma yilemu yena mwene nyi? Kanda uyifupa, mumu Yehova kanambe ngwenyi, Mungukoka yuma yikalu hali atu eswe, hindu mungukwaha mwono we ngwe upite wa jita kweswako muoya.

Ezekiel 5:12

Chihanda chamuchitatu cha yenu muchifwa ni chilungo ni kunonga ni kapunga hakachi kenu; chihanda chamuchitatu muchifwa ni katana kwa kunujingilika; chihanda chamuchitatu mungumwangina ku fuji jeswe ni kutomona katana kunuhanga.