Jeremia 21:5 - MUKANDA USANDU WA ZAMBI 1975

⁵ Yami mwene mungwasa jita ni yenu ni kwoko lia kuzoza ni lia tachi, ni utenu, ni chijinde, ni ufwatulo unene.

Mukanda Wa Zambi 1970

⁵ Yami mwene mungwasa nenu jita ni ndundo jami jeswe, ni utenu ni ufwatulo wami.

Jeremia 21:5 Iomraidhean Croise

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Kutuhuka 9:15

Mumu kachi nolola kwoko liami ni kulamba yena ni atu je ni chilungo, kachi munukakuwa hashi.

Izaya 10:4

Nichimwe chasala chakuhi shina kuutama hakachi ka funge, hanji kufwa hakachi ka waze anaashihi. Chipwe chocho utenu wenyi kuwakondolokele; kwoko lienyi hindu kanalizozo.

Izaya 5:25

Kashika utenu wa Yehova wasasaminyine hali atu jenyi. Yazoza kwoko lienyi kulimika no; yaalamba, mba milundu yiyichikima, yivuvu yo yiyipwa ngwe yikongwakongwa hakachi ka matapalo. Chipwe chocho utenu wenyi kuwakondolokele, kwoko lienyi hindu kanalizozo.

Izaya 63:10

Alioze o yakolema, yavwisa chinyengo Spiritu yenyi musandu; kashika iye yalumuka mukwa kole yo, iye mwene yasa no jita.

Izaya 9:12

A-Seria ku Chivumbuko, ni A-Filistea ku Chitokelo, kakuwumbula A-Izalele ni makanwa a kupakula. Chipwe chocho utenu wenyi kuwakondolokele; kwoko lienyi hindu kanalizozo.

Izaya 9:17

Kashika Mwene kawahililile ni akweze jo; kavwilile keke ana-ashiwa ni tuliwa jo; mumu mutu mweswe chitanganyanyi ni chihenge, kanwa lieswe linahanjika uhepuke. Chipwe chocho utenu wenyi kuwakondolokele; kwoko lienyi hindu kanalizozo.

Izaya 9:21

Manase kanali Eframe, ni Eframe kanali Manase, mba hanalikate kulimika ni Yunda. Chipwe chocho utenu wenyi kuwakondolokele; kwoko lienyi hindu kanalizozo.

Jeremia 32:17

Mwene Yehova! Yena watangile malilu ni hashi ni ndundo je jinene ni kwoko lie lia kuzoza. Nichimwe chuma muchikukalila naye.

Jeremia 32:37

mungwakonga ku yifuchi yeswe kuze naahuminyine mu utenu wami ni ufwatulo wami, ni matoto anji. Mungwaneha cheka nawa ku chifuchi chino nikwatwamisa ni sambukila.

Jeremia 36:7

Hanji kulemba cho muchikaheta kumeso ja Yehova, mba mutu mweswe makatuka ku ndako jenyi jipi, mumu utenu ni ufwatulo Yehova hanavuluka kulimika ni wano atu, unene.

Jeremia 37:10

Mumu chipwe munukumba tujita eswe ja A-Kaletea wano anase jita ni yenu, ndo mukusala waze halemana wika, mutu mweswe mu mbalaka yenyi, hindu kumakahinduka nikwocha chihunda chino ni kahia.

Jeremia 6:12

Kumakahana mazuwo jo kuli akwo, ni minda yo ni mapwo jo hamuwika; mumu munguzoza kwoko liami kulimika ni akwa chifuchi. Chocho kanambe Yehova.

Lungungu 2:3

Mu utenu wenyi usasu hanapatula ndundo jeswe ja Izalele; kumeso ja akwa kole hanachiza kuli ayo kwoko lienyi lia chindume. Hanayila mu Yakomba ngwe kahia kakulekwoka ni kulalisa kweswe kwa kujingilika.

Ezekiel 39:3

Mba mungukakapula uta we ku kwoko lie lia chimeso, ni kukuholola mivu ye ku kwoko lie lia chindume.

Ezekiel 5:8

kashika Mwene Yehova kanambe ngwenyi, Ngunalimika ni yenu, yami mwene, mba mungulinga upatwilo hakachi kenu kumeso ja mavungu.

Shimbi 4:23

Nukanyame ngwami, Kuchina munuvulama usendo wa Yehova Zambi yenu, aukolesele ni yenu, ha kulisongela kaponya mu kulifwa cha chuma cheswacho Yehova Zambi yenu anukanjishilecho.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?