Jeremia 21:4 - MUKANDA USANDU WA ZAMBI 1975

⁴ Yehova Zambi ya Izalele kanambe ngwenyi, Munguhilwisa kunyima yitwa ya jita yize yili mu moko jenu, ya kwasa nayo jita ni mwanangana wa Babilonia ni A-Kaletea, waze ananuseleka kweswe ku yipanga yenu ya mawe. Mungwaneha eswe hamuwika muchima lia chihunda chino.

Mukanda Wa Zambi 1970

⁴ alweze mwanangana Zedekia maliji ja Mwene Zambi, Zambi ya Israele, ngwenyi: “Mungukumba tujita twe waze akwasa jita ni mwanangana wa Babilonia ni tujita twenyi. Mungukungulwila yitwa ya tujita twe mukachi ka limbo.

Jeremia 21:4 Iomraidhean Croise

Izaya 10:4

Nichimwe chasala chakuhi shina kuutama hakachi ka funge, hanji kufwa hakachi ka waze anaashihi. Chipwe chocho utenu wenyi kuwakondolokele; kwoko lienyi hindu kanalizozo.

Izaya 13:4

Panjikenu, kuchungula ha milundu, ngwe mbunga yinene! Panjikenu, chizungozungo cha mawanangana, cha mavungu kulikungulula hamuwika. Yehova-wa-Tujita kanakungu mbunga ha jita.

Izaya 5:5

Mba mungunulweza chize mungulinga ni munda wami wa uva. Munguchizako lusaso wawo, mba mawenyeka. Mungupuzula chipanga chawo, hanga auliateliate.

Jeremia 20:4

Mumu Yehova kanambe ngwenyi, Mungukupwisa mwongo kuli yena mwene ni kuli masepa je eswe. Makafwa ku tutana twa akwa kole jo shimbu yena muchitala. Mungukunjika A-Yunda eswe mu moko ja mwanangana wa Babilonia; makaatwala funge ku Babilonia ni kwashiha ni katana.

Jeremia 21:3

Jeremia yamba kuli ayo ngwenyi, Ambenu kuli Zedekia ngwenu,

Jeremia 32:24

Milumba ya kuseleka hiyakundama ku chihunda kuchitambula, mumu ha katana, ni kapunga, ni chilungo chihunda chino hanachikunjika kuli A-Kaletea waze alinwa nacho. Chize wambile mba hichapwa, ni kumanyi unachimono.

Jeremia 32:3

Mumu Zedekia mwanangana wa Yunda hamusa mu zuwo lia ususu ngwenyi, Kuchi te wakuprofeteza ngwe, Yehova kanambe ngwenyi, Ngunakunjika chihunda chino mu moko ja mwanangana wa Babilonia mba machitambula?

Jeremia 32:5

Aye matwala Zedekia ku Babilonia mba kwenako matwama ndo mungumunangisa. Chipwe munulitachika ni A-Kaletea kunuchi kakumba. Chocho kanambe Yehova.

Jeremia 33:5

A-Kaletea kananjila mukwasa jita ni kwazalisa ni mijimba ya afu aze mungulamba mu utenu wami ni ufwatulo wami, mumu hinaswekela meso jami chihunda chino mumu ha ungulungulu wo.

Jeremia 35:17

Kashika Yehova, Zambi-ya-Tujita, Zambi ya Izalele kanambe ngwenyi, Ngunaneha hali A-Yunda ni akwa Yerusaleme eswe yuma yize yikalu hinatongola kuli ayo. Mumu hingunahanjika kuli ayo hindu kevwile; hingunaasanyika hindu katayile.

Jeremia 39:3

Ha kutambula Yerusaleme, alemu eswe a mwanangana wa Babilonia yeza, yatwama mu chikolo cha hakachi; Negale-Shareze, ni Samagare-Nebo, Sareshekime mwe kaliamanga wa lutwe, Negale-Shareze mwe chilolo wa lutwe ni akwa chiyulo eswe a mwanangana wa Babilonia.

Jeremia 52:18

Yambata nawa ndeho, ni mapa, ni mana, ni mbasia, ni yenga ya insensu, ni yikwachilo yeswe ya unengu alingile nayo mu uvumbiko wa tembele.

Lungungu 2:3

Mu utenu wenyi usasu hanapatula ndundo jeswe ja Izalele; kumeso ja akwa kole hanachiza kuli ayo kwoko lienyi lia chindume. Hanayila mu Yakomba ngwe kahia kakulekwoka ni kulalisa kweswe kwa kujingilika.

Lungungu 2:5

Mwene hanalumuka ngwe mukwa kole, hanonwona Izalele. Hanonwona palasiu jamo; hanapuzula mbonge jamo; hanokesa kulishimwoka ni lungungu muli mwana-pwo Yunda.

Lungungu 2:7

Mwene hanalelesa chilumbilo chenyi, hanalikate muma mwenyi musandu. Hanakunjika kuli akwa kole yipanga-ya-mawe ya palasiu jenyi. Chizungozungo chapwile mu zuwo lia Yehova ngwe ha tangwa lia chiwanyino cha kufunjika.

Ezekiel 39:3

Mba mungukakapula uta we ku kwoko lie lia chimeso, ni kukuholola mivu ye ku kwoko lie lia chindume.

Hosea 9:12

Chipwe malela ana hindu mungwashiha, kechi kasala niumwe. Lamba lio! Muze mungwakatuka.

Zakaria 14:2

Mumu mungukakonga mavungu eswe akungulukile kulimika ni Yerusaleme ni jita. Makatambula che chihunda; makapupa mazuwo nikupikapika mapwo. Chihanda cha ha muchima cha chihunda muchiya ku unjize alioze masalila ja atu kechi kaateta ku chihunda.

Mateu 22:7

Muze mwanangana achivwile, watenukine, watumine mbunga ya maswalale jenyi, wonwene yingalwe aze, mba wochele limbo lio.