Biblia Todo Logo
Bìoball air-loidhne

- Sanasan -




Jeremia 21:14 - MUKANDA USANDU WA ZAMBI 1975

14 Yehova kanambe ngwenyi, Mungunwaha kastigu nikulita ni mihuko ya yitanga yenu. Munguwika kahia mu usaki wako mba mukalalisa chize cheswe chinamujingilika.

Faic an caibideil Dèan lethbhreac

Mukanda Wa Zambi 1970

14 Alioze mungunumwesa lamba ha yize hinwalinga. Mungwocha zuwo lienu lia wanangana; ke kahia mukakocha yuma yeswe yize yili hakamwihi. Yami Mwene Zambi nachamba.”

Faic an caibideil Dèan lethbhreac




Jeremia 21:14
29 Iomraidhean Croise  

Yocha zuwo lia Zambi; yapuzula chipanga-cha-mawe cha Yerusaleme nikwocha palasiu jamo jeswe ni kahia ni kwenyeka yikashi yamo yeswe yipema.


Kashika kumakalia mihuko ya kwenda cho. Kumakakuta ni yitaka yo ene.


Ku mihuko ya kanwa lienyi mutu makayuka ni yipema; makakundulula kuli mutu mweswe yitanga ya moko jenyi.


Muze Mwene hamana milimo yenyi yeswe ha mulundu wa Zaione ni mu Yerusaleme kumakafwetesa kulisamba cha kulizata cha mwanangana wa Asuria ni kulengumuka chenyi cha kulifuza.


Kashika Mwene Yehova-wa-Tujita kumakatuma musongo wa kuwangama hakachi ka tujita twenyi a tachi, mba kushi lia uhenya wenyi munguvundula kusasaminya ngwe kulengenya cha kahia.


Ha tangwa lize Yehova makafwetesa mbunga ya mwilu, mwilu, ni mianangana ja hashi, hashi.


Hiwachoka Mwene ni tunganda twe. Hiwamba ngwe, Nguneza ni chihuji cha matemba jami ndo helu lia milundu, ndo muchima lia Lebano. Mungupakula mitondo yisuku ya sedru, ni mitondo yipema ya kupresu. Munguheta ku nangamo lize lisuku liahiana, chipwe mu usaki wa minda yenyi ya chinuno.


Yehova kushi wanutongwele ngwenyi, Muolevwe wa wisu, kuwaha ni mihuko yipema. Alioze makauchocheka kahia ni lundunjila wa kangonga munene, mba mitango yawo yeswe muyiwema.


kashika Yehova-wa-Tujita kanambe ngwenyi, Mungwaaha kastigu. Akweze jo kumafwa ni katana, ni ana jo a malunga ni a mapwo kumafwa ni kapunga;


Yami Yehova kunakupolongoza mu manyonga ni kweseka mbunge, hanga ngukahane kuli mutu mweswe nikulita ni ndako jenyi, nikulita ni mihuko ya yitanga yenyi.


Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.


Yehova kanambe ngwenyi, Palumuka ku zuwo lia mwanangana wa Yunda wambululeko liji lino ngwe,


Mungululika akwa kunwonwona, mweswe ni yitwa yenyi ya jita. Makateta misedru yenu yipema yahiana ni kuyimbila mu kahia.


Uli munene mu yiyulo, uli wa ndundo mu yitanga. Meso je kanalaula ku ndako jeswe ja atu, nikwononona mutu mweswe nikulita ni ndako jenyi, nikulita ni mihuko ya yitanga yenyi.


Yehova kanambe ngwenyi, Kumakapakula usaki wenyi, chipwe wajika chocho mutu kahashile kupalika mumu koka kuhiana makumbi, mutu kechi kuhasa kwaalula.


Mukwa kulengumuka makatalinga, makalimbuka, ni mukwa kumuhindwisa wakuhi. Munguwika kahia mu yihunda yenyi; mukalalisa yize yeswe yinamujingiúka.


Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.


Ena hashi panjika ngwami, Ngunaneha chipi hali wano atu, ye mihuko ya kutaka cho. Mumu kapanjikile ku maliji jami, ni shimbi yami hanalitunuyo.


Mwaze unalingi ni tachi, ni shumbu yinaweme mu kahia hindu kupemesa chinalingi mokomoko, mumu api kaachijile


Yehova kanambe ngwenyi, Matangwa kaneza muze munguhana kastigu kuli waze hanaupwisa ngalami hindu kapwa yilima—


Mu utenu wenyi usasu hanapatula ndundo jeswe ja Izalele; kumeso ja akwa kole hanachiza kuli ayo kwoko lienyi lia chindume. Hanayila mu Yakomba ngwe kahia kakulekwoka ni kulalisa kweswe kwa kujingilika.


ukambe ku chifuchi cha Izalele ngwe, Yehova kanambe ngwenyi, Nyingikenu, kunalimika ni yenu, kashika mungukatomona katana kami mu chindalo chenyi ngukateteho hakachi kenu ni mukwa ululi ni chingulungulu.


Alioze hashi muhapwa ha kwenyeka ha mukunda wa enyaho mumu ha mihuko ya yitanga yo.


Ena Lebano, azulula mapito je hanga kahia kakalalise misedru ye!


Lean sinn:

Sanasan


Sanasan