Jeremia 21:13 - MUKANDA USANDU WA ZAMBI 1975

¹³ Yehova kanambe ngwenyi, Kunalimika ni yenu nwatwama mu chikulo; enu liwe lia ha chana. Enu nwakwamba ngwenu, Iya mapalumuka kulimika ni yetu? Iya manjila mu mazuwo jetu?

Mukanda Wa Zambi 1970

¹³ Yenu, akwa Yerusaleme, nwatwama helu lia yikulo, ngwe liwe lize liatwama mu chana. Alioze mungulimika ni yenu, mumu nwakwamba ngwenu, niumwe kahashile kutukumba hanji kubuzwola yipanga yetu yakukoleka.

Jeremia 21:13 Iomraidhean Croise

Miaso (Masamu) 125:2

Chizechene ngwe milundu yajingilika Yerusaleme, chocho Yehova kajingilika atu jenyi, chize ku tangwa lia musono ndo ku miaka ya mutolo.

Kutuhuka 13:20

O ayile wenyi wo chize ku Sukote ndo yajika mbalaka jo ku Etame kuze kwaputuka puya.

Kutuhuka 13:8

Ukambulwile mwané wa lunga ha tangwa lize ngwe, Te mumu ha chize angulingilile Yehova muze nakatukile ku Engitu.

Izaya 22:1

Liji Iia kutwala ku chikulo cha usolwelo ngwo, Kuchi chinalumbunuka hinwakanduka eswe helu lia mazuwo,

Jeremia 17:3

ni ha milundu ya mu chana. Yikumba yenu ni upite wenu weswe, ni manangamo je munguhana ya kupunda, yikafwike shili yenu, ndusu chifuchi chenu cheswe.

Jeremia 21:5

Yami mwene mungwasa jita ni yenu ni kwoko lia kuzoza ni lia tachi, ni utenu, ni chijinde, ni ufwatulo unene.

Jeremia 49:16

Mwongo uze nwakunehena akwo hiwanwonga hamwe ni kulengumuka cha mbunge jenu; enu nwatwama mu yivwenge ya mawe, nwazuka kwe ku mbulwa mulundu. Yehova kanambe ngwenyi, Chipwe mukasa walo we kwilu ngwe wa pupa, hindu mungukuchizako.

Jeremia 50:31

Mwene Yehova-wa-Tujita kanambe ngwenyi, Ena mukwa kulengumuka, kunalimika ni yena; mumu tangwa lie hiliaheta, we mwaka wa kukwaha kastigu ye.

Jeremia 51:25

Yehova kanambe ngwenyi, kunalimika ni yena mulundu chonwonyi— mukwa kwonwona hashi heswe. Mungwolola kwoko liami kulimika ni yena; mungukuhulumuna ku milundu ni kukupwisa mulundu wa kwocha.

Jeremia 7:4

Kanda nufuliela maliji wano a kwonga ngwo, Yino yinapu tembele ya Yehova, tembele ya Yehova, tembele ya Yehova.

Lungungu 4:12

Mianangana a hashi kafulielele chipwe waze atwama muno-muze, ngwo, Hanji mukwa kulimika hanji mukwa kole mahasa kunjila ku yikolo ya Yerusaleme.

Ezekiel 13:8

Kashika Mwene Yehova kanambe ngwenyi, Mumu hinwamba yuma ya kulionga, hinwamona mahuza, kashika yami kunalimika ni yenu. Chocho kanambe Mwene Yehova.

Ezekiel 21:3

ukambe ku chifuchi cha Izalele ngwe, Yehova kanambe ngwenyi, Nyingikenu, kunalimika ni yenu, kashika mungukatomona katana kami mu chindalo chenyi ngukateteho hakachi kenu ni mukwa ululi ni chingulungulu.

Ezekiel 34:10

Mwene Yehova kanambe ngwenyi, Kunalimika ni e tufunga, mba mapanga jami mungwahula kuli ayo; mungwachiza ku kulisa mapanga. Tufunga kechi kalilisa ene nawa. Mangupulula mapanga jami ku makanwa jo; kechi kapwa nawa kulia cho.

Ezekiel 5:8

kashika Mwene Yehova kanambe ngwenyi, Ngunalimika ni yenu, yami mwene, mba mungulinga upatwilo hakachi kenu kumeso ja mavungu.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Nahume 2:13

Yehova-wa-Tujita kanambe ngwenyi, Kunalimika ni yenu. Kashika mungwocha matemba jenu a jita ni mwishi, ni katana malia mievu jenu a ndumba. Munguteta kulia chenu hashi, ni liji lia mikeji jenu kechi kalivwa nawa.