Jeremia 21:10 - MUKANDA USANDU WA ZAMBI 1975

¹⁰ Mumu Yehova kanambe ngwenyi, Hinasa meso jami kulimika ni chihunda chino ha chipi, hi ha chipema ko. Kumunguchihana mu moko ja mwanangana wa Babilonia mba iye kumachocha ni kahia.

Mukanda Wa Zambi 1970

¹⁰ Hingunabatula ngwami, chichi kulamwina limbo lino, alioze shina kulienyeka. Mungulikunjika mu moko ja mwanangana wa Babilonia, mwe maliocha. Yami Mwene Zambi nachamba.”

Jeremia 21:10 Iomraidhean Croise

2 Sango Ja Mianangana 36:19

Yocha zuwo lia Zambi; yapuzula chipanga-cha-mawe cha Yerusaleme nikwocha palasiu jamo jeswe ni kahia ni kwenyeka yikashi yamo yeswe yipema.

Miaso (Masamu) 34:16

Meso a Yehova kalimika ni waze alingalinga yipi, akatete Chiwulwiso cho hano hashi.

Jeremia 17:27

Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.

Jeremia 26:6

nyi chocho, mungupwisa zuwo lino ngwe Shilo, mungupwisa chihunda chino shingo lia mavungu eswe a hashi.

Jeremia 33:5

A-Kaletea kananjila mukwasa jita ni kwazalisa ni mijimba ya afu aze mungulamba mu utenu wami ni ufwatulo wami, mumu hinaswekela meso jami chihunda chino mumu ha ungulungulu wo.

Jeremia 34:2

Yehova Zambi ya Izalele kanambe ngwenyi, Yako uhanjike ni Zedekia mwanangana wa Yunda ukambe kuli iye ngwe, Yehova kanambe ngwenyi, Ngunahana chihunda chino kuli mwanangana wa Babilonia mba iye machocha ni kahia.

Jeremia 34:22

Yehova kanambe ngwenyi, Mungutuma shimbi, mungwahilwisa nawa ku chihunda chino, akase nacho jita, akachitambule, akachoche ni kahia. Mungupwisa yihunda ya mu Yunda mwamokomoko kumushi atu.

Jeremia 38:17

Mba Jeremia yamba kuli Zedekia ngwenyi, Yehova, Zambi-ya-Tujita, Zambi ya Izalele kanambe ngwenyi, Nyi munuzeya kuli alemu ja mwanangana wa Babilonia kechi kunushiha, ni chihunda chino kechi kuchocha ni kahia, ni yenu ni munyachi wenu, munukatwama ni mwono.

Jeremia 38:18

Alioze nyi kunwazeyele kuli alemu ja mwanangana wa Babilonia chihunda chino machikunjika kuli A-Kaletea; machocha ni kahia ni yenu kunuchi kuputuka kuli ayo.

Jeremia 38:23

Mapwo jenu eswe ni ana jenu eswe a malunga makaatwala kuli A-Kaletea ni yenu mwene kunuchi kapuluka kuli ayo. Mwanangana wa Babilonia kumakanukwata ni chihunda chino makachocha ni kahia.

Jeremia 38:3

Yehova kanambe ngwenyi, Chihunda chino kumakachikunjika kuli tujita twa mwanangana wa Babilonia. O kumakachitambula.

Jeremia 39:16

Yako ukambe kuli Ka-Etiopia Ebedemeleke ngwe, Yehova-wa-Tujita, Zambi ya Izalele kanambe ngwenyi, Mungumanununa maliji jami a kutwala ku chihunda chino ha yuma yikalu, hi yuma yipema ko, mba kumakamanunuka kumeso je ha tangwa liacho.

Jeremia 39:8

A-Kaletea yocha zuwo lia mwanangana ni zuwo lia atu, ni kupuzula yipanga-ya-mawe ya Yerusaleme.

Jeremia 44:11

Kashika Yehova-wa-Tujita, Zambi ya Izalele kanambe ngwenyi, Mungusa meso jami kulimika ni yenu kunulinga chikalu; ngukateteho A-Yunda eswe.

Jeremia 44:27

Pundu, ngunatale kuli ayo kwalinga yikalu, hi yipema ko. A-Yunda eswe waze ali mu chifuchi cha Engitu makakuwa ni katana ni kapunga ndo makahwa lume.

Jeremia 52:13

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

Ezekiel 15:7

Mungukasa meso jami kulimika no; mba chipwe malilamwina ku kahia hindu kahia mukaalalisa. Munukanyingika yami nguli Yehova muze mungukasa meso jami kulimika no.

Ezekiel 24:11

Hi alikenuyo yamokomoko ha makala yikapwe ni kahia kanji unengu wayo ukaweme, hanga luchisa wayo akasangunukemo, ni ngengeya yayo yikahwe.

Alevi 17:10

Nyi mutu mweswawo, apwe wa vungu lia Izalele, apwe wa njize atwama hakachi ko, malia amwe manyinga, mungusa meso jami a kulimika ni mukwa kulia manyinga, ngukamutete hakachi ka atu jenyi.

Alevi 26:17

Mungulimika ni yenu, mba manukumba kuli akwa kole jenu. Waze akunuvwila kole manuyula; munuchina chipwe niumwe kanuhangile.

Amose 2:5

Chocho mungutuma kahia hali Yunda mukalalisa mbonge ja Yerusaleme.

Amose 9:4

Chipwe maya ufunge kuli akwa kole jo, kwenako mungukatuma katana mba makaashiha. Mungwahulikila meso jami kwalinga chipi hi chipema ko.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.