Jeremia 20:7 - MUKANDA USANDU WA ZAMBI 1975

⁷ Yehova wangwonga, mba yami nongoloka. Wanguhiana ni tachi hiwangukumba. Hinalumuka chuma cha kuseha tangwa lieswe, atu eswe kakungulenya.

Mukanda Wa Zambi 1970

⁷ Mwene Zambi hiwangwonga, ni yami hinongoloka. Yena hiwanguhiana tachi, hiwangukumba. Atu eswe kaanangusehe; kaanangukekuna tangwa lieswe.

Jeremia 20:7 Iomraidhean Croise

1 MIANANGANA 2:23

Yakatukako yaya ku Mbetele. Shimbu machiya mu jila kwatuhukile mu chihunda amwe akweze nikumulenya ngwo, Kanduka kalwole! Kanduka kalwole!

Jobe 12:4

Masepa jami kanangusehe. Ami napwile nikusanyika kuli Zambi mba mangukumbulula. Mukwa ululi keshi kapalia alioze haliapwila kanangusehe.

Jobe 30:9

Alioze haliapwila ami hinalumuka mwaso wo; hinapwa kashilikilo kuli ayo.

Miaso (Masamu) 119:51

Akwa kulengumuka angulenyene chikolo, hindu chapiasukile ku shimbi je.

Izaya 8:11

Mumu Yehova yahanjika chocho ni yami ni kwoko lienyi lia tachi hali yami. Yangutoweza ngwenyi, Kanda wenda mu jila ya wano atu. Ngwenyi,

Jeremia 15:10

Ena mama! Lamba liami mumu wangusema, yami nguli lunga wa kulitachika ni wa kulimanangana chifuchi cheswe. Chaahele mikuli chipwe kuyitambula hindu e atu eswe kakungutukatuka.

Jeremia 15:18

Kuchi te yikola yami kuyishi kuhola, ni chilonda chami kuchishi yitumbo, kuchisolo kuhinduka? Te kumuopwa kuli yami ngwe chitwetwe cha kwonga, ngwe meya aze akuhwa?

Jeremia 17:16

Chakushinjikile kutuma chipi, chazangile tangwa lia huli, yena unachinyingika. Yize yeswe yatuhukile mu kanwa liami kwe kumeso je nayambile.

Jeremia 20:9

Nyi mungwamba ngwami, Chichi kumuvuluka, chichi kutongola jina lienyi nawa, mu mbunge yami mwapwa ngwe kahia ka kulengenya ka kukashila mu yifwaha yami. Yikatalo ngunevu ya kusúla nako; Chahashile.

Jeremia 29:26

Yehova hakupwisa sasendote kusalakana sasendote Jehoiada, ukapwe ni chiyulo cha zuwo lia Yehova helu lia chizaluke mweswawo yoze maprofeteza, ukamuse mu kuli ja ku moko ni ku kota.

Jeremia 38:19

Mwanangana Zedekia yamba kuli Jeremia ngwenyi, Woma ngunevu wa A-Yunda aze hachinyina kuli A-Kaletea kuchina akangukunjike kuli ayo angupinjise.

Lungungu 3:14

Kanangusehe kuli akwa mavungu eswe; hinalumuka chikuma cha miaso yo tangwa lieswe nganganga.

Ezekiel 3:14

Spiritu yanguzundula, yangumbata; yinguya ni kusasa ni kusasaminya cha spiritu yami mumu kwoko lia Yehova te lili hali yami ni tachi.

Hosea 9:7

Matangwa a kastigu hanahete; matangwa a kufwetesa hanahete; mba Izalele makachinyingika. Profeta hanapu chihepuke; mutu wa Spiritu hanapu chizaluke, mumu ha uhenge wenu unene ni kole yenu yinene.

Yona 4:2

Yalemba kuli Yehova ngwenyi, Yehova, ngunalembe kuli yena, te chambile chino chene shimbu te nguchili mu chifuchi chami nyi? Kashika naliangile kuchinyina ku Tashi, mumu nanyingikine ngwami, Uli Zambi ya vumbi, wa tò ni keke, makoke kutenuka, mukwa kulumbamisa utu wa zango, kuwakulikonyeka ha chuma chikalu.

Mika 3:8

Alioze ha kutwala kuli yami hananguzalisa ni tachi, ni Spiritu wa Yehova, ni ululi, ni ndundo, ngukalumbunwine Yakomba uvulumunyi wenyi ni kuli Izalele shili yenyi.

Luka 16:14

A-Fwariseu nawa, waze apwile akwa kufwila mbongo, evwile yino yuma yeswe; amukekwine.

Luka 23:11

Heronde hamwe ni mbunga ya maswalale jenyi amulelesele, amulenyene, nikumujika hina lia mukambo lia uhenya, amuhilwishile nawa kuli Pilatu.

Yilinga 17:18

Alioze amwe a kuli akwa mana jo, A-Epikuria ni A-Stoiku atakanyine nenyi, ambile ngwo, Yono mukwa kumbambula kuchi mamba? Akwo ambile ngwo, Kanasoloka ngwe mukwa kwambujola mazambi ja yilambala; mumu wapwile nikwambujola sango lipema lia Yesu ni Uhindukilo.

Yilinga 17:32

O muze evwile ha Uhindukilo wa afu, amwe achimbungwine; ni akwo ambile ngwo, Mutukakwivwa ha chino tangwa likwo.

1 Korintu 9:6

Shina yami wika ni Mbarnavwe kutushi chiyulo cha kulitwamina milimo, nyi?

Hebreu 11:36

Akwo aesekele ni kwakekuna ni kwalamba ni shikote, ewa, ndo ku malenge ni mazuwo ja ususu;