Jeremia 20:5 - MUKANDA USANDU WA ZAMBI 1975

⁵ Chikwo nawa munguhana upite weswe wa chihunda chino ni kufumbuka chacho cheswe, ni yuma yize ya kupita kanayizange chikolo, ni yuma yilemu ya mianangana ja A-Yunda yeswe munguyihana mu moko ja akwa kole jo, o mayipunda, mayanda, ni kuyitwala ku Babilonia.

Mukanda Wa Zambi 1970

⁵ Mungutayiza akwa kole jo kububa ubite weswe wa mu limbo lino ni kwanda yikumba yamo yeswe, chibwe ubite wa mianangana ja Yuda, ni kutwala yuma yeswe ku Babilonia.

Jeremia 20:5 Iomraidhean Croise

2 Sango Ja Mianangana 36:10

Ha kwalumuka cha mwaka mwanangana Nabukanezore yatuma, yamutwala ku Babilonia, hamuwika ni yikwachilo yipema ya zuwo lia Yehova. Yapwisa yayo Zedekia mwanangana wa Yunda ni Yerusaleme.

Izaya 39:6

Matangwa aneza muze yize yeswe yili mu zuwo lie, ni yize yeswe tulamba twe aswekele ndo musono, mayimbata ku Babilonia. Nichimwe muchisala, chocho kanambe Yehova.

Jeremia 12:12

Akwa kupunda haneza ha milundu yeswe ya hululu mu puya, mumu katana ka Yehova kakuwumbula, chize ku songo limwe lia chifuchi ndo ku songo likwo lia chifuchi; niumwe mutu kali ni sambukila.

Jeremia 15:13

Yikumba yenu ni upite wenu munguhana wa kupupa, ni ndando yakuhi, mumu ha milonga yenu yeswe ndusu mu chifuchi chenu cheswe.

Jeremia 17:3

ni ha milundu ya mu chana. Yikumba yenu ni upite wenu weswe, ni manangamo je munguhana ya kupunda, yikafwike shili yenu, ndusu chifuchi chenu cheswe.

Jeremia 3:24

Chize ku ukweze wetu che chuma cha sonyi hichalia yuma yize yeswe tulamba twetu ahondanganyinyine ni mapanga jo, ni ngombe jo, ni ana jo a malunga ni a mapwo.

Jeremia 32:24

Milumba ya kuseleka hiyakundama ku chihunda kuchitambula, mumu ha katana, ni kapunga, ni chilungo chihunda chino hanachikunjika kuli A-Kaletea waze alinwa nacho. Chize wambile mba hichapwa, ni kumanyi unachimono.

Jeremia 39:2

Ha mwaka kumi ni kashi wa Zedekia ni kakweji wamuchiwana ni tangwa liamuchilivwa lia kakweji, chihunda yachilokola.

Jeremia 39:8

A-Kaletea yocha zuwo lia mwanangana ni zuwo lia atu, ni kupuzula yipanga-ya-mawe ya Yerusaleme.

Jeremia 4:20

Kuji-ni-tomo linalihange ni kuji-ni-tomo; chifuchi cheswe chapwa cha kwenyeka. Susumuku honwona mbalaka jami, ni kurtina jami ni shimbu liakuhi.

Lungungu 1:10

Mukwa kole hazoza moko jenyi ha yuma yenyi yeswe yilemu; ewa, hamona mavungu kulokola muma mwenyi musandu; waze te yena waakanjishile kunjila mu chikungulwila.

Lungungu 1:7

Ha matangwa a luyinda wenyi ni usasu wenyi, Yerusaleme kanewuluka yuma yeswe yilemu apwile nayo chize ku shakulu. Muze atu jenyi alimbukile mu kwoko lia mukwa kulimika, kukwapwile niumwe kumukwasa. Mukwa kulimika wamusehele, ni kumulenya ha kulimbuka chenyi.

Lungungu 4:12

Mianangana a hashi kafulielele chipwe waze atwama muno-muze, ngwo, Hanji mukwa kulimika hanji mukwa kole mahasa kunjila ku yikolo ya Yerusaleme.

Ezekiel 22:25

Alemu jenyi muchima lienyi kapwa ngwe ndumba umwe kanahiohio shimbu machipapulula yifwo. Hanali mwono wa atu; hapunda upite ni yuma yilemu; hapwisa tuliwa anji hakachi ko.

Daniel 1:2

Mwene yakunjika Jehoakime mwanangana wa Yunda kuli iye, hamwe ni yikwachilo yimwe ya mu zuwo lia Zambi. Yayineha ku chifuchi cha Shinare, ku zuwo lia zambi yenyi. Yasa yikwachilo mu zuwo lia kutulikila upite wa zambi yenyi.

Hosea 13:15

Chipwe matatuka hakachi ka ayayo hindu fuji ya ku Chivumbuko muyiza, fuji ya kuli Yehova ni kukatuka ku puya. Mba shima lienyi muliuma; fuji lienyi lia meya mulipwa lia chau. Kumuyikahupa yuma yeswe yilemu ku zuwo lienyi lia kutulikila upite.