Jeremia 20:4 - MUKANDA USANDU WA ZAMBI 1975

⁴ Mumu Yehova kanambe ngwenyi, Mungukupwisa mwongo kuli yena mwene ni kuli masepa je eswe. Makafwa ku tutana twa akwa kole jo shimbu yena muchitala. Mungukunjika A-Yunda eswe mu moko ja mwanangana wa Babilonia; makaatwala funge ku Babilonia ni kwashiha ni katana.

Mukanda Wa Zambi 1970

⁴ Mwene Zambi hamba ngwenyi: ‘Mungukupwisa mukwa kuvwisa mwongo yena ni masepa je. Muumona chize akwa kole jo maashiha eswe ni mikwale. Ayuda eswe mungwakunjika mu chiyulo cha mwanangana wa Babilonia; neye maashiha, amwe akwo maapwisa funge mu chifuchi chenyi.

Jeremia 20:4 Iomraidhean Croise

1 MIANANGANA 25:7

Yashiha ana ja Zedekia a malunga kumeso jenyi, mba yamulokola meso jenyi. Yamukashila mu malenge; yamutwala ku Babilonia.

Miaso (Masamu) 73:19

Susumuku hananongo. Hanatale wupu ni mwongo.

Jeremia 13:10

Akwa vungu lino lipi, kasolo kwivwa maliji jami, kakwenda ni pami ja mbunge jo, hanakaula mazambi akwo kwalingila ni kwawayila, kumakapwa ngwe hina lino kuliatelele milimo niyimwe.

Jeremia 13:19

Yihunda ya ku Negeve hanayajila, mba kukushi niumwe kuyazulula. A-Yunda eswe hanaambata ku ufunge; e eswe hanayi ku ufunge.

Jeremia 19:15

Yehova-wa-Tujita Zambi ya Izalele kanambe ngwenyi, Ngunakokela ha limbo lino ni ha yihunda yalio yeswe yipi yize yeswe hinavulukaho mumu hanakalisa makota jo, kasolo kwivwa maliji jami.

Jeremia 20:6

Ni yena Pashure ni waze eswe a ku zuwo lie munuya ku ufunge. Kwe ku Babilonia munuya, mba kwenako munufwila, ni kwenako manufunda, yena ni masepa je eswe waze hiwaprofeteza kuli ayo ni mahuza.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 29:21

Yehova-wa-Tujita, Zambi ya Izalele kanambe ha kutwala kuli Ahabe mwana Kolaia ni Zedekia mwana Maseia waze ananuprofetezela mahuza mu jina liami ngwenyi, Mungwakunjika mu moko ja Nabukanezore mwanangana wa Babilonia mba iye maashiha kwe kumeso jenu.

Jeremia 46:5

Kuchi te nachimona? Hevwa mwongo, hahilukila kunyima. Tujita two halambama, hachina fuji. Katalile kunyima— mwongo sali ni sali! Chocho kanambe Yehova.

Jeremia 52:24

Kapitau ka tulayi yakwata Seraia sasendote mukwa lutwe, ni Zefania sasendote wamuchiali, ni atatu akwa kufunga mapito;

Jeremia 52:27

Mba mwanangana wa Babilonia yaalamba, yaashiha mu Ribila mu chifuchi cha Hamate. Chocho yachiza Yunda mu chifuchi chenyi nikumutwala funge.

Jeremia 6:25

Kanda nutuhuka kuya ku munda, chipwe kwenda mu jila, mumu mukwa kole kali ni katana, mwongo uliko sali ni sali.

1 Samuel 2:33

Mutu wa yena chamutetele ku chilumbilo chami mapwa wa kulayisa meso je nikuvwisa chinyengo mbunge ye. Waze eswe masemukina ku munyachi we mafwa shimbu anachikolo.