Jeremia 20:2 - MUKANDA USANDU WA ZAMBI 1975

² Kashika Pashure yalamba profeta Jeremia, ni kumuyikila mu kuli jize japwile ku chikolo cha Mbenjamine cha ku tunda ku zuwo lia Yehova.

Mukanda Wa Zambi 1970

² yahana Shimbi ya kungulamba ni kungusa mu kuli hehi ni chikolo cha Benjamine ku tunda mu zuwo lia Zambi.

Jeremia 20:2 Iomraidhean Croise

1 Yitanga Ya Mianangana 13:4

Ha kwivwa liji lia mwe mutu wa Zambi lize ambile lia kulimika ni chilumbilo mu Mbetele mwanangana Jeroboame yazoza kwoko lienyi ku chilumbilo ngwenyi, Mukwatenu! Alioze kwoko lienyi lize azozele yilisosewa, kahashile kulihilwisa nawa.

1 Yitanga Ya Mianangana 22:27

ngwenu, Mwanangana kanambe ngwenyi, Yikila yono mu zuwo lia ususu nukamulise kulia cha luyinda ni meya a luyinda ndo mungwiza nawa ni sambukila.

2 Sango Ja Mianangana 16:10

Asa yatenuka ni mwe mukwa kumona, yamusa mu zuwo lia ususu. Wamuvwilile ufwatulo ha chikuma chino. Asa yapinjisa amwe hakachi ka e atu nawa ha matangwa aze.

2 Sango Ja Mianangana 18:23

Henaho Zedekia mwana Chenana yakundama, yalamba Mikaia mbangala ha tafu ngwenyi, Mba Spiritu ya Yehova kuchi atuhuka kuli yami akahanjike kuli yena?

2 Sango Ja Mianangana 24:21

Alioze amutwamine punga. Yamwasa mawe nikulita ni liji lia mwanangana, mu yize ya zuwo lia Yehova.

Jobe 13:27

Wakukashila molu jami mu kuli; wakutala majila jami eswe; wakufunjika kuze yiliato yami muyisulila.

Jobe 33:11

Kakuyikila molu jami mu kuli; kakutala majila jami eswe.

Jeremia 1:19

Kumakasa jita ni yena; alioze kechi kakukumba, mumu yami nguli hamwe ni yena kukupulula. Chocho kanambe Yehova.

Jeremia 26:10

Muze alemu ja Yunda evwile yino yuma yakatuka ku zuwo lia mwanangana yeza ku zuwo lia Yehova. Yatwama ha yitwamo yo ku unjililo wa Chikolo Chaha cha ku zuwo lia Yehova.

Jeremia 26:8

Mba muze Jeremia hamana kuhanjika yize yeswe Yehova hamutuma kuhanjika ni atu eswe, henaho asasendote, ni aprofeta ni atu eswe yamukwata ngwo, Kumuofwa!

Jeremia 29:26

Yehova hakupwisa sasendote kusalakana sasendote Jehoiada, ukapwe ni chiyulo cha zuwo lia Yehova helu lia chizaluke mweswawo yoze maprofeteza, ukamuse mu kuli ja ku moko ni ku kota.

Jeremia 36:26

Mba mwanangana yatuma Jeramila mwana wa mwanangana, ni Seraia mwana Azriele, ni Shelemia mwana Abadiele akakwate mukwa kusonyeka Baruke ni profeta Jeremia, alioze Yehova waaswekele.

Jeremia 37:13

Muze te haheta ku chikolo cha Mbenjamine, umwe kalayi jina lienyi Ilija mwana Shelemia, mwana Hanania yakwata profeta Jeremia ngwenyi, Unayi kuli A-Kaletea!

Jeremia 37:21

Kashika mwanangana Zedekia yatuma, mba yatwala Jeremia ku yize ya tulayi. Yamwaha nawa mbolo yimuwika tangwa ha tangwa ya ku tapalo lia akwa mbolo, ndo mbolo yeswe ya mu chihunda hiyahwa. Chocho Jeremia yatwama ku yize ya tulayi.

Zakaria 14:10

Chifuchi cheswe muchikalumuka chana chize ku Ngeba ndo ku Rimone sali lia Yerusaleme ku Sule. Alioze Yerusaleme muyikanangama ha chihela chayo chize ku chikolo cha Mbenjamine ndo kuze kwapwile chikolo chikulu, ndo ku chikolo cha mbango, ni chize ku kaposhi ka Hananele ndo ku ukamino wa vinyu wa mwanangana.

Mateu 21:35

Ahoze njimi akwachile ndungo jenyi, umwe amulambile, mukwo amushihile, ni mukwo amwashile mawe.

Yilinga 4:3

O aakwachile, aafungile ndo hikwacha, mumu hapwile chingoloshi kulu.

Yilinga 5:18

Akwachile apostolo, aasele mu zuwo lia ususu.

Yilinga 5:40

O yatá kuli iye: ni muze te hatambika apostolo, aalambile, aahele koki ngwo, Kanda nukahanjika mu jina lia Yesu, mba aechele kuya.

Yilinga 7:52

Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe.

Usolwelo 17:6

Namwene pwo kanazengewa ni manyinga ja asandu, ni manyinga ja yela ja Yesu. Muze namumwene, nakomokene ni kukomoka chinene.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.