Jeremia 20:16 - MUKANDA USANDU WA ZAMBI 1975

¹⁶ Au mutu akapwe ngwe yihunda yize Yehova wanungwine ni keke ka. Akevwe muteto ha chimene ni mutambi tangwa ha muchima,

Mukanda Wa Zambi 1970

¹⁶ Lunga yoze abwe kama ngwe membo waze Mwene Zambi hoonona, keevwilile ko keke. Lunga yoze evwe kama mutambi wa lamba ha chichamene, ni milolo ya jita tangwa ha muchima,

Jeremia 20:16 Iomraidhean Croise

Jeremia 18:22

Tukevwe muteto ku mazuwo jo, muze muneha akwa kupupa hali ayo susumuku! Mumu o hanangufulila wumbu, nikungutela makambwila.

Jeremia 18:8

mba nyi munyachi uze ngunambe muwalumuka ku upi wawo, ni yami mungwalumuka ku chipi chize namba kuulinga.

Jeremia 23:14

Alioze muli aprofeta ja Yerusaleme namwene chuma cha kuvwisa lwaji. O kakulinga utanji ni kwenda ni mahuza. Kakutakamisa moko ja akwa kulinga yipi, kashika niumwe akuhichika ungulungulu wenyi. Eswe hanalumuka ngwe Sondome kuli yami; ngwe waze atwama mu Ngomora.

Jeremia 26:13

Kashika pemesenu ndako jenu ni yitanga yenu, nukononoke ku liji lia Yehova Zambi yenu, mba Yehova malikonyeka ha chuma chino chikalu hamba kulimika ni yenu.

Jeremia 4:19

Mbunge yamie—mbunge yamie— ngunalifwichi ni yikola. Mama yami—mbungeie— Mbunge yami yinalipupula; Chahashile kuhwima mumu ngunevu liji lia chitavwi, we mutambi wa jita.

Lungungu 4:6

Mumu uhenge wa mwana wa pwo atu jami wahiana shili ya Sondome, yize ayinungwine susumuku ni kusaho kama kwoko ka.

Ezekiel 21:22

Ku kwoko lienyi ha chindume kwejile ngombo ya Yerusaleme akase makina ja kupupa; akapakule kanwa ha kuhana; akakalumuke, akase makina ja kupupa ku mapito, akalumbike milumba ya jita, ni kutunga tuposhi a kuseleka.

Hosea 10:14

kashika Chizungozungo cha jita muchisoloka hakachi ka atu jenu. Yihunda yenu yeswe ya kukolesa mayonwona, chizechene ngwe Shalamane yonwona Mbete-Arabele ha tangwa lia jita. Anaye te aafwenyene hamwe ni ana jo.

Hosea 11:8

Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Hosea 13:14

Mungwakula ku tachi ja Shiole? Mungwahula ku kufwa? Ena kufwa, yilungo ye yilihiyo? Ena Shiole, kwonwona che Chilihicho? Keke hiyanguswamina ku meso jami.

Amose 1:14

Chocho mungukawika kahia mu chipanga cha Raba, mukalalisa mbonge jenyi, ni kulikumbukila ha tangwa lia jita, ni kangonga ha tangwa lia chijimbi.

Amose 2:2

Chocho mungutuma kahia ha Moape mukalalisa mbonge ja Keriote, mba Moape makafwa ni Chizungozungo, ni kukalumioka ni liji lia chitavwi.

Amose 4:11

Nanungwine amwe hakachi kenu ngwe Zambi wanungwine Sondome ni Ngomora, ni yenu nwapwile ngwe lukunyi wa kuchanga mu mbwemena. Hindu kunwahilukile kuli yami. Chocho kanambe Yehova.

Yona 3:4

Yona yaputuka kunjila mu limbo kwenda cha tangwa limuwika, nikukololoka ngwenyi, Kwasala makumi awana a matangwa mba manunguna Ninive.

Yona 4:2

Yalemba kuli Yehova ngwenyi, Yehova, ngunalembe kuli yena, te chambile chino chene shimbu te nguchili mu chifuchi chami nyi? Kashika naliangile kuchinyina ku Tashi, mumu nanyingikine ngwami, Uli Zambi ya vumbi, wa tò ni keke, makoke kutenuka, mukwa kulumbamisa utu wa zango, kuwakulikonyeka ha chuma chikalu.

Zefania 1:16

tangwa lia liji lia chitavwi ni kukalumioka cha jita kulimika ni yihunda ya kukolesa; cha kulimika ni yipanga-ya-mawe yisuku.

Zefania 2:9

Yehova-wa-Tujita, Zambi ya Izalele kanambe ngwenyi, Kashika, ni mwono wami Moape malumuka ngwe Sondome, ni A-Amone mapwa ngwe Ngomora, chifuchi cha kutakana ni mikalale ni matenga a mungwa, chifuchi cha hululu ndo ku miaka. Masalila ja atu jami maapupa, ni atu jami aze alisalaho maazuka.

Luka 17:29

alioze ah tangwa lize Lote watuhukile mu Sondome kwanokene kahia ni fundanga mwilu, chonwene eswe;

Shimbi 29:22

Mba chisemuko muchikapwa, ana jenu aze makasemuka kulutwe lienu, ni kandaka yoze makakatuka ku chifuchi chisuku, ha kumona lamba lia chifuchi chenu, ni weji Yehova anuyijishile nawo.

Shimbi 29:23

Chifuchi cheswe chapwa fundanga, ni mungwa, ni mbwemena, chifuchi kachikuwile ni mbuto, kuchemine, chipwe mwambu niumwe kuwasokelemo, ngwe apupile Sondome ni Ngomora, ni Andama, ni Zepoime, Yehova wayipupile ni utenu wenyi, ni ufwatulo wenyi.

2 Petulu 2:6

Wajindwolele membo ja Sondome ni Ngomora ku uto, waahishile ni kupupa, se waapwishile chilweza kuli waze menda ni utanganyanyi.

Yuda 1:7

Chizechene ngwe Sondome ni Ngomora, ni membo a kwajingilika, se chizechene ngwe wano alitumbikilile ku utanji, nikukaula musunya weka, hanaasela ngwe chilweza, ha kwivwa upatwilo wa kahia ka mutolo.