Jeremia 20:11 - MUKANDA USANDU WA ZAMBI 1975

¹¹ Alioze Yehova kwali hamwe ni yami ngwe kajita wa kukolesa woma. Kashika akwa kunguhungumiona malimbuka kechi kangukumba. Makevwa sonyi jinji mumu kechi kuhasa kumanununa. Kusauka cho cha mutolo kechi kuchivulama nilimwe tangwa.

Mukanda Wa Zambi 1970

¹¹ Yena Mwene Zambi uli hehi ni yami, mukwa tachi ni ndundo; eswe waze akunguhungumiona kumaalimbwoka. Maakevwa sonyi ndoo ku miaka yeswe, mumu keechi kuhasa kukumba. Sonyi jo keechi kajivulama.

Jeremia 20:11 Iomraidhean Croise

Miaso (Masamu) 129:2

Kanji hanangupinjisa chize ku ukweze wami, hindu kangukumbile.

Miaso (Masamu) 35:26

Waze akuwahilila ha lamba liami akevwe sonyi, akachingashane hamuwika. Waze alitohesa kuli yami aakolese sonyi, asauke.

Miaso (Masamu) 40:14

Waze eswe akufupa mwono wami kuwonwona akevwe sonyi, alitupieke hamuwika. Akachinduluke, akasauke, waze akuwahilila ha yikola yami.

Miaso (Masamu) 47:2

Mumu Yehova, mwe Chitunda iye kole ni woma, iye mwanangana munene helu lia hashi heswe.

Miaso (Masamu) 6:10

Akwa kole jami eswe kumevwa sonyi; kumachikima chikolo; kumachinduluka akevwe sonyi nikawashi. Shigayone ya David, yize embile kuli Yehova ha kutwala ku maliji a Kushe Ka-Mbenjamine.

Miaso (Masamu) 65:5

Yena Zambi ya ulamwino wetu, ni ululi mukatukumbulula ni yuma ya mwongo. Kuli yena atu eswe ndo ku masongo a hashi kakujikijila, ni waze atwama kusuku ha kalunga-lwiji.

Miaso (Masamu) 66:5

Tweyenu numone yitanga ya Zambi; kakukolesa woma ni yilinga yenyi kuli ana ja atu.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 41:14

Ena katutu Yakomba, kanda wivwa woma, enu malunga a Izalele! Yehova kanambe ngwenyi, Mungunukwasa; Mukwa-Kunukula iye mwe Musandu wa Izalele.

Izaya 45:16

Atu akwo eswe kakwivwa sonyi ni kutatajala, ni akwa kulinga tuponya kakutatajala hamuwika.

Jeremia 1:18

Ni yami, tala, ngunakupwisa musono chihunda cha kukolesa, kanda nguji lia utale, kanda ni yipanga ya unengu kulimika ni chifuchi cheswe. Mulimika ni mianangana ja A-Yunda, ni alemu jako, ni asasendote jako ni e atu a mu chifuchi.

Jeremia 1:19

Kumakasa jita ni yena; alioze kechi kakukumba, mumu yami nguli hamwe ni yena kukupulula. Chocho kanambe Yehova.

Jeremia 1:8

Kanda wavwila woma mumu kunguli hamwe ni yena kukupulula. Chocho kanambe Yehova.

Jeremia 15:15

Yehova, ena unanyingika. Ungwiwuluke Ungunangise. Ungukalile hali akwa kunguhungumiona. Mu kulihumikiza che kanda unguchiza. Nyingika kanawa ha mukunda wa yena nakulikoleza ni luchoko.

Jeremia 15:20

Yehova kanambe ngwenyi, Mungukupwisa kuli wano atu ngwe chipanga cha unengu cha kukolesa. O masa jita ni yena, alioze kechi kukukumba. Mumu yami nguli hamwe ni yena kukulamwina ni kukupulula.

Jeremia 17:18

Akakolese sonyi waze akunguhungumiona, alioze yami kanda ngwivwa sonyi. Akalishimwoke ayo, alioze kanda ngulishimwoka yami. Koka hali ayo tangwa lipi, Ukaonwone kaali.

Jeremia 22:22

Fuji muyikafunga tufunga twe eswe, ni akwa zango lie maya ufunge. Henaho mba muwivwa sonyi ni kutatajala mumu ha ungulungulu we weswe.

Jeremia 23:40

Mba mungunukokela luchoko wa mutolo ni sonyi ja miaka yeswe jize kechi kajivulama.

Jeremia 32:18

Kuwakulweza utu wa zango lie kuli tununu, alioze kuwakufwetesa uhie wa atato kuli ana jo waze anaakaula. Yena Zambi munene wa ndundo, uli ni jina lia Yehova-wa-Tujita.

Daniel 12:2

Anji a waze akupomba tulo mu mavu a hashi kumakahinduka, amwe ku mwono wa mutolo, amwe ku sonyi ni sau lia mutolo.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

2 Timoteu 4:17

Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba.