Jeremia 20:10 - MUKANDA USANDU WA ZAMBI 1975

¹⁰ Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Mukanda Wa Zambi 1970

¹⁰ Nakwivwa atu eswe kulinyenyeta ngwo: “Mwongo kuma kweswe! Tumusumenu ku meso ja akwa kuyula!” Chibwe masepa jami kaakuzanga kachi ngulimbuke kama. Kaakwamba ngwo: “Hanji tunahase kumwonga, mba hanga tumukwate, tumufwetese.”

Jeremia 20:10 Iomraidhean Croise

1 Yitanga Ya Mianangana 19:2

Henaho Jezebele yatuma mukeji kuli Eliya ngwenyi, Nyi chapwishile mwono we ngwe mwono wo ha ola yino hamene, mazambi achilinge kuli yami, akawezeko nawa.

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

1 Yitanga Ya Mianangana 22:27

ngwenu, Mwanangana kanambe ngwenyi, Yikila yono mu zuwo lia ususu nukamulise kulia cha luyinda ni meya a luyinda ndo mungwiza nawa ni sambukila.

1 Yitanga Ya Mianangana 22:8

Mwanangana wa Izalele yamba kuli Yehosofate ngwenyi, Kwali mutu umuwika mutuhasa kumuhula liji lia Yehova, Mikaia mwana Imala alioze kole ngunamuvwila mumu kakuprofeteza chipi hali yami hi chipema ko. Yehosofate ngwenyi, Kanda wambamo mwanangana.

Jobe 19:19

Masepa jami a ha muchima kakunguvwila lwaji; waze nazangile hanalumuka kulimika ni yami.

Miaso (Masamu) 31:13

Mumu hinevwa kulamikiza cha anji, ni woma sali ni sali, shimbu mangutwama punga. Alitesele kuchiza mwono wami.

Miaso (Masamu) 31:14

Hindu nafulielele yena Yehova. Nambile ngwami, Yena uli Zambi yami.

Miaso (Masamu) 41:10

Alioze yena Yehova, nguvwile kama keke, unguzundule hanga ngukalikale hali ayo.

Miaso (Masamu) 41:9

Chipwe sepa liami yoze nalikata nenyi, yoze nafulielele, yoze walile kulia chami, hananguzundwila kashijino kenyi.

Miaso (Masamu) 57:4

Mwono wami watwama hakachi ka ndumba. Ngunapombo hakachi ka waze akuhwilijela kahia; chipwe ana ja atu aze akwete mazo ngwe makunga ni mivu; limi lio liapwa ngwe katana wa kuhela.

Yishima 10:18

Yoze masweka kole kali ni kanwa lia mahuza; mukwa kulamikiza iye chihepuke.

Izaya 29:21

waze te ha liji limuwika kakupwisa mutu chivulumunyi. Yoze makanjisa mamutela muheto mu chikolo; yoze unasambe mamupiangula ni ungaji wamokomoko.

Jeremia 1:19

Kumakasa jita ni yena; alioze kechi kakukumba, mumu yami nguli hamwe ni yena kukupulula. Chocho kanambe Yehova.

Jeremia 11:19

Alioze napwile ngwe mwana-panga chimbovu wa kutwala ku chishihilo. Chanyingikine ngwami, Yami anatakila yuma ngwo, Tukenyeke we mutondo ni mihuko yawo; tukamuteteko ku chifuchi cha amwono, hanga akavulame jina lienyi ndo ku miaka.

Jeremia 11:21

Kashika Yehova kanambe ha kutwala kuli malunga a Anatote, waze anafupu kukushiha, nikwamba ngwo, Kanda uprofeteza ni jina lia Yehova, kumuofwa ku kwoko lietu—

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 20:3

Muze hikwacha Pashure yeza kumuyikula mu kuli mba Jeremia yamba kuli iye ngwenyi, Yehova kakuhele nawa jina lia Pashure, alioze Magore-misavwe.

Jeremia 37:13

Muze te haheta ku chikolo cha Mbenjamine, umwe kalayi jina lienyi Ilija mwana Shelemia, mwana Hanania yakwata profeta Jeremia ngwenyi, Unayi kuli A-Kaletea!

Jeremia 6:25

Kanda nutuhuka kuya ku munda, chipwe kwenda mu jila, mumu mukwa kole kali ni katana, mwongo uliko sali ni sali.

Ezekiel 22:9

Muli yena kwali malunga akwa kulamikiza hanga akamwange manyinga, ni malunga akwa kulila ha milundu, ni malunga akwa kulinga luchisa.

Daniel 6:4

Kashika akwa lutwe ni yilolo afupile chitela cha kusuma nacho Daniel ha kutwala ku wanangana. Alioze kawanyine chitela, hanji kapalia, mumu aye mukwa jika; kawanyine kulweza hanji kapalia muli iye.

Luka 20:20

O amulayilile, atumine ngendeshi, waze aliongele kupwa akwa ululi, hanga akamulimbe ni kuhanjika chenyi, hanga akahase kumukunjika ku chiyulo ni poko ya nguvulu.

Yilinga 24:13

Chipwe yinyingi ya yuma yize anangusumu nayo haliapwila, kahashile kuyisolola.

Yilinga 5:33

Alioze, muze evwile chino, alichokele mu mbunge, azangile kwashiha.

Yilinga 7:54

Achi, muze evwile yino yuma, alichokele mu mbunge, alikopwele ku mazo hali iye.