Jeremia 2:8 - MUKANDA USANDU WA ZAMBI 1975

⁸ Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Mukanda Wa Zambi 1970

⁸ Mahako kaahulile ko ngwo: ‘Mwene Zambi kulihi ali?’ Mahako ja yami mwene kaangunyingikine ko. Akwa kuyula yaangukatukila, akwa munanyi yaahanjika munanyi mu jina lia zambi Bale, yaakombelela mahamba.

Jeremia 2:8 Iomraidhean Croise

1 Yitanga Ya Mianangana 18:22

Aho Eliya yamba kuli atu ngwenyi, Ami wika ukawami nasala profeta wa Yehova, alioze aprofeta ja Mbale o kulakaji awana a malunga ni makumi atano a malunga.

1 Yitanga Ya Mianangana 18:29

Muze tangwa haputuka kusendala aprofetezele ndo kwakuya ku ola ya mulambu wa ngoloshi hindu chipwe liji, chipwe kumbululo, chipwe mukwa kwivwa; nichimwe.

1 Yitanga Ya Mianangana 18:40

Eliya yamba kuli ayo ngwenyi, Kwatenu aprofeta a Mbale; niumwe kanda omboka. Yaakwata, mba Eliya yaatwala ku chitwetwe Kishone yaashihilako.

Jobe 35:10

Alioze niumwe kakwamba ngwenyi, Zambi Tangi yami kulihi ali? Yoze wakutwaha miaso ha ufuku,

Izaya 28:7

Wano nawa kakuzeketa mumu ha vinyu, kakupiepieta mumu ha kunwa chisasu; ni asasendote ni aprofeta kakuzeketa ni kunwa chisasu, kakutatajala mumu ha vinyu, kakupiepieta ni kunwa chisasu. Kamwene kanawa yuma ya kulutwe; kanatalinga ha kupatula.

Izaya 29:10

Mumu Yehova hanazukula hali yenu Spiritu ya kuya tulo anji. Hanajiki meso jenu, ngwami, aprofeta, hanafuku mitwe yenu, ngwami, akwa kumona.

Izaya 30:5

eswe kakwivwa sonyi kuli atu aze hahashile kwakwasa, kaanehenene kukwasa hanji kufumbuka, alioze sonyi ni kusauka.

Jeremia 10:21

Mumu tufunga kapwa yelo, kahulile kuli Yehova. Kashika kawahile mu milimo yo, ni mbunga yo yeswe ya mapanga hiyamwangana.

Jeremia 12:10

Tufunga anji hanenyeka munda wami wa uva, hanaliate chihinga chami ni molu jo, hanapwisa chihinga chami chipema ngwe puya ya hululu.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 2:11

Vungu limwe hiliasumbakenya mazambi jalio, chipwe kapwile mazambi amwenemwene? Alioze atu jami hasumbakenya uhenya wo ni chuma chimwe kuchafumbwile.

Jeremia 2:6

Kambile ngwo, Yehova kuli ali? Yoze watuchijile ku chifuchi cha Engitu, watusongwelele mu puya, mu chifuchi cha kango ni mena, mu chifuchi cha pwila ni milima pwi, mu chifuchi kuze niumwe mapalikamo, niumwe matwamamo.

Jeremia 4:22

Mumu atu jami kanahepuka, kangunyingikine, yelo ja ana keshi yinyingi. Mana a kulinga yipi kali no, alioze kanyingikine kulinga yipema.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Jeremia 7:8

Mokomoko nunafuliela maliji a kwonga.

Jeremia 9:14

hanakaula mbunge jo ene ni pami, nikukaula Ambale nikulita ni longeso lia tulamba two,

Ezekiel 22:26

Asasendote jenyi hatangula shimbi jami ni kujilula yuma yami yisandu. Kasele chinyingi hakachi ka yuma yisandu ni yuma yeswayo; kalongesele atu kusa chinyingi hakachi ka yuma ya luchisa ni yuma yipema. Halelesa masambata jami, chocho yami napwa kuli ayo wa kujilula.

Ezekiel 34:2

Mwana mutu, profeteza kulimika ni tufunga twa Izalele. Profeteza wambe kuli ayo, kuli tufunga, ngwe, Mwene Yehova kanambe ngwenyi, Enu! Tufunga twa A-Izalele, enu nwakulilisa yenwene! Kuchatambile tufunga kulisa mapanga?

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Habakuke 2:18

Hamba kuchi mahasa kukwasa muze tangi yenyi hamweseka, se aye kaponya wa kuzuzulula; longeshi wa mahuza? Mumu chilangaji kanafuliela chuma cha kutanga iye mwene, muze malinga tumama twa mahamba.

Mateu 16:26

Mumu kuchi mutu mafumbuka kachi malipichisa hashi heswe, alioze matokesa mwono wenyi? Hanji kuchi mutu mahana cha kusumbakenya mwono wenyi?

Luka 11:52

Lamba lienu akwa shimbi! mumu nwachijile sapi ya chinyingi; kunwanjilile yenwene, ni waze apwile nikunjila nwaakwikile.

Yoano 16:3

Yino yuma makalinga, mumu kanyingikine Tata, chipwe yami, ka.

Yoano 8:55

Kunwamunyingikine: alioze yami nakumunyingika; kachi mungwamba ngwami, Chamunyingikine, kachi mungupwa mukwa mahuza ngwe yenu; alioze nakumunyingika, nakufunga liji lienyi.

2 Korintu 4:2

alioze hitunalituna yuma ya kuhengama ya sonyi; kutwendele ni kalimbavuli, chipwe kutwalongesele liji lia Zambi ni kalimbalimba; alioze ha kwambulula umwenemwene, twakusoloka kanawa ku mbunge ya atu eswe kumeso ja Zambi.

Shimbi 33:10

Makalongesa Yakomba upatwilo we. Makalongesa Izalele shimbi je. Makasa insensu kumeso je. Makasa milambu ya kulumba ya muwundu ha chilumbilo che.

1 Samuel 12:21

Kanda nupiasukila ha kukaula yuma yamokomoko yize kuyichi kuhasa kunukwasa hanji kunupulula mumu kuyapwa yamokomoko.

1 Samuel 2:12

Ana ja Eli o apwile atu amokomoko. Kanyingikine Yehova.