Jeremia 2:6 - MUKANDA USANDU WA ZAMBI 1975

⁶ Kambile ngwo, Yehova kuli ali? Yoze watuchijile ku chifuchi cha Engitu, watusongwelele mu puya, mu chifuchi cha kango ni mena, mu chifuchi cha pwila ni milima pwi, mu chifuchi kuze niumwe mapalikamo, niumwe matwamamo.

Mukanda Wa Zambi 1970

⁶ Kaangwalwile ko ngwe Chuma, chibwe naalamwinyine ku Egiptu ni kwasongwela mu puya, chifuchi cha masekeseke ni mena, chifuchi cha pwila ni kole ni woma, kuze kukushi mutu niumwe chibwe kwendangana mo.

Jeremia 2:6 Iomraidhean Croise

1 MIANANGANA 2:14

Yakwata hina lia Eliya lize hiliaholoka kuli iye, yalamba e meya, yamba ngwenyi, Yehova Zambi ya Eliya Ulihiye? Muze te halamba meya o yahandunuka sali ni sali, mba Elisha yapalika.

Jobe 3:5

Kulá ni milima pwi yikalizuke. Malelwa akalizulamine; milima ya ha mwalwa yikalikolese mwongo.

Jobe 35:10

Alioze niumwe kakwamba ngwenyi, Zambi Tangi yami kulihi ali? Yoze wakutwaha miaso ha ufuku,

Miaso (Masamu) 23:4

Ewa, chipwe mungwenda ndusu mu chikulo cha Chizulie cha kufwa, chichi kwivwa woma wa chipi nichimwe; mumu yena uli hamwe ni yami; mulumbu we ni lukanda we muyingulembejeka.

Miaso (Masamu) 77:5

Hinanyonga ha matangwa a kushi, ha miaka ya shakulu.

Kutuhuka 20:2

Nakuchijile ku chifuchi cha Engitu, ku zuwo lia upinji, Yami Yehova Zambi ye.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Izaya 64:7

Kukushi yoze unatambika ha jina lie; yoze malisunga kukukwata. Mumu yena hiwasweka meso je kuli yetu, hiwatukunjika ku tachi ja uhenge wetu.

Jeremia 13:16

Chichimiekenu Yehova Zambi yenu shimbu kanda aneha milima, shimbu molu jenu kanda atalinga ha milundu ya kajimba-usoko. Shimbu munufupa pangu iye malialumuna Chizulie cha kufwa, nikulipwisa milima pwi.

Jeremia 2:2

Yako ukambe mu matwi ja A-Yerusaleme ngwe, Yehova kanambe ngwenyi, Ngunewuluka kulalaminya cha ukweze we ni zango lie lia ndungi, chize wangukawile mu puya mu chifuchi chize kakuwilemo mbuto.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 5:12

Hanahanjikila mahuza Yehova ngwo, Kechi kulinga nichimwe; chipi nichimwe kuchichi kutuwana; chipwe katana, chipwe kapunga, kutuchi kuyimona.

Jeremia 5:2

Chipwe akwamba ngwo, Ni mwono wa Yehova, hindu hanalishingi ni mahuza.

Jeremia 51:43

Yihunda yenyi hiyalumuka yuma ya mwongo, chifuchi chenyi cha changa ni puya, chifuchi kuze kukushi atu, kuze niumwe mwana mutu keshi kupalika.

Hosea 12:13

Kuli profeta Yehova wachijile A-Izalele ku Engitu, ni kuli profeta waafungile.

Hosea 13:4

Yami nguli Yehova Zambi yenu chize ku chifuchi cha Engitu. Kunwanyingikine Zambi niumwe shina yami, kukushi niumwe chilamwina shina yami wika.

Amose 2:10

Chikwo nawa nanuchijile mu chifuchi cha Engitu nikungongwela mu puya makumi awana a miaka hanga nukatunge chifuchi cha A-Amore.

Mateu 4:16

Atu aze atwamine mu milima hanamono pangu linene, Waze atwamine mu chifuchi cha kufwa ni Chizulie chacho, Kuli ayo pangu hilinasoloka.

Shimbi 1:19

Yitukatuka ku Horepe, yitupalika ndusu puya yeswe yinene yakola woma, yenu nwayimwene, mu jila ya kuya ku chifuchi cha A-Amore ku milundu ngwe atwambile Yehova Zambi yetu. Yituheta ku Kandeshe-Mbania.

Shimbi 32:10

Wamuwanyine mu chifuchi cha puya, mwe mu makanga ahululu mwakupozonoka ngongo. Yamujingulula, yamulela, yamufunga ngwe katumba ka liso lienyi.

Shimbi 8:2

Iwulukenu jila yeswe anusongwelele kuli Yehova Zambi yenu makumi aze awana a miaka mu puya, hanga anulelese, anweseke, anyingike chize chapwile mu mbunge jenu, shina munufunga maliji jenyi a shimbi, nyi ka.

Akwa Kuyula 6:13

Ngideone yamukumbulula ngwenyi, Mwane, nyi chocho Yehova kwali hamwe ni yetu, kuchi te yuma yino yeswe hiyatuwana? Yikomokeso yenyi yeswe yilihiyo? Yize atata akutulweza ngwo, Te Yehova katuchijile ku Engitu nyi? Alioze haliapwila Yehova hatumbila. Hatukunjika kuli A-Mindiane.