Jeremia 2:34 - MUKANDA USANDU WA ZAMBI 1975

³⁴ Chikwo nawa ha mahina je hwali manyinga a mwono wa yiswale keshi chitela, kwaawanyine hanji kulokola zuwo. Hindu, chipwe ni yino yuma yeswe

Mukanda Wa Zambi 1970

³⁴ Chikwo nawa, mahina jenu haasapukila manyinga ja yiswale ni waze keeshi yitela, hi manyinga ja akwa kulokola mazuwo ko.

Jeremia 2:34 Iomraidhean Croise

1 MIANANGANA 21:16

Helu lia yino yuma Manase wamwangine manyinga anji, chitela chakuhi, ndo Yerusaleme yeswe yazala chize ku songo limwe ndo ku songo likwo. Chino chapwile helu lia mulonga uze wavulumwishine A-Yunda ha kulinga chipi kumeso ja Yehova.

1 MIANANGANA 24:4

ni ha manyinga aze amwangine chitela chakuhi. Mumu wazalishile Yerusaleme ni manyinga keshi chitela, mba Yehova kasolo kuchikonekena.

Kutuhuka 22:1

Kachi mutu meya ngombe hanji panga mba mamushiha chipwe mamulanjisa, iye akafwete ngombe atano ha ngombe umuwika. Mapanga awana ha panga umuwika.

Kutuhuka 22:2

Nyi makwata mwiji kanalokola zuwo, mamulamba chocho mafwa, kukuchi kapwa uhiso wa manyinga mumu hali iye.

Izaya 57:5

Nwakusasaminya ni usolo hakachi ka carvalho, mushi lia mutondo weswe wa wisu; enu nwakushiha ana jenu mu yikulo, mu yivwenge ya mawe.

Izaya 59:3

Mumu moko jenu hapiha ni manyinga, minwe yenu hiyapiha ni uhenge. Mivumbo yenu hiyahanjika mahuza, malimi jenu kananyinguna ungulungulu.

Izaya 59:7

Molu jo kakuzomboka ku yipi, kakutambuka kumwanga manyinga a kusamba. Manyonga jo manyonga a uhenge, kwenyeka ni kwonwona yapwa mu majila jo.

Jeremia 19:4

Mumu atu hanangwehuka nikuchisa kuma kuno ha kwochelako insensu ku mazambi eka chipwe ayo, chipwe tulamba two, chipwe mianangana ja Yunda kaanyingikine, ni mumu hazalisako ni manyinga ja waze keshi chitela.

Jeremia 2:33

Wakutalikisa kanawa jila ye ya kufupa akwa zango lie? Chipwe yingulungulu ja mapwo lianalilongesa ndako jipi kuli yena.

Jeremia 6:15

Te sonyi evwile ha kulinga yuma ya lwaji? Kenu! Kevwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka uze muze mungwalamba mungwanunguna. Chocho kanambe Yehova.

Jeremia 7:31

Hanatungu nangamo lia Tofete lize lili mu mungulunga wa mwana wa Hinome, akalumbe ana jo a malunga ni a mapwo mu kahia, chuma chachitumine, kuchanjilile mu mbunge yami.

Jeremia 7:6

nyi kunuchi kupinjisa chilambala hanji mwana-shiwa, hanji tuliwa, kunuchi kumwanga muma muno manyinga keshi chitela, nyi kunuchi kukaula mazambi akwo kulilemeko no,

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.

Lungungu 1:9

Luchisa wenyi wapwile ha mahina jenyi; kanyongene upatwilo wenyi, kashika kulimbuka chenyi chakola woma, keshi ni yoze mamuwumbijeka. Yehova! Tala kama luyinda wami, mumu mukwa kole yami hakumba.

Lungungu 4:14

Endanganyine ku matapalo nikupuputa, a kuchisa ni manyinga chocho niumwe wahashile kukwata ku mazalo jo.

Ezekiel 20:31

Ha kuhana milambu yenu, ni kulambula anenu a malunga mu kahia nwakulichisa ni mahamba jenu eswe ndo musono. Mba mungutá nukanguhule, enu akwa munyachi wa Izalele? Mwene Yehova kanambe ngwenyi, Ni mwono wami, chichi kutá nukahule kuli yami.

Ezekiel 22:25

Alemu jenyi muchima lienyi kapwa ngwe ndumba umwe kanahiohio shimbu machipapulula yifwo. Hanali mwono wa atu; hapunda upite ni yuma yilemu; hapwisa tuliwa anji hakachi ko.

Ezekiel 23:45

Alioze akwa ululi makaapatwila ni upatwilo uze akuhana kuli yitanji, ni kuli mapwo aze akumwanga manyinga, se o yitanji, kali ni manyinga ha moko jo.

Ezekiel 24:7

Mumu manyinga aze amwangine achili hakachi ko. Yaasa ha luliwe lwamokomoko; kasele ha mavu akaafuke ni fufuta.

Ezekiel 9:9

Aye yamba kuli yami ngwenyi, Uhie wa munyachi wa Izalele ni wa Yunda unene Wahiana. Chifuchi chazala ni manyinga ni chihunda chazala ni uhenge, mumu kakwamba ngwo, Yehova hanakatuka mu chifuchi; Yehova kamweneko.