Jeremia 2:31 - MUKANDA USANDU WA ZAMBI 1975

³¹ Ni yenu akwa chisemuko chino, panjikenu liji lia Yehova. Te hinapwa kuli Izalele ngwe puya? Hinapwa ngwe chifuchi cha milima pwi? Nyi chocho kuchi te atu jami kakwamba ngwo, Tunatusuka, kutuchi kwiza nawa kuli yena?

Mukanda Wa Zambi 1970

³¹ Yenu Aisraele, banjikenu ku liji liami. Kuma hinabwa ngwe muya kuli yenu, ngwe chifuchi cha milima ni cha utoji, nyi? Mumu yika mba nwakwamba ngwenu, munulinga cheswacho chinanuwahila, kunuchikahiluka nawa nichimwe kuli yami?

Jeremia 2:31 Iomraidhean Croise

1 Yitanga Ya Mianangana 11:22

Falau yamba kuli iye ngwenyi, Chimwe chuma wahona kuno kuli yami kashika unafupu kuya ku chifuchi che nyi? Iye ngwenyi, Chahonene, alioze chipwe chocho ngutayize kuya.

2 Sango Ja Mianangana 31:10

Azaria sasendote mukwa lutwe, wa ku munyachi wa Zadoke yamukumbulula ngwenyi, Chize ha tangwa atu aputukile kuneha milambu mu zuwo lia Yehova, etu twakulia ni kukuta, kulia chalisalaho. Mumu Yehova hawahisa atu jenyi, mba chize chalisalaho chapwa kulumbama chino.

Jobe 21:14

Kakwamba kuli Zambi ngwo, Ngukatuke! Kutwazangile kunyingika majila je.

Miaso (Masamu) 10:4

Chingulungulu mu kulengumuka cha meso jenyi keshi kufupa Zambi. Mu kutaka chenyi cheswe Zambi keshiko.

Miaso (Masamu) 12:4

Waze akwamba ngwo, Mutukumba ni malimi jetu. Mivumbo yetu ya mbala ya yetu; iya mapwa mwene wa yetu?

Yishima 30:9

kuchina hanji mungukuta mba mungulikala yena ngwami, Yehova iya? Hanji kuchina ngupwe chiswale mba ngukeye ni kujilula jina lia Zambi yami.

Izaya 45:19

Chahanjikile ku tenga, mu chifuchi chimwe cha milima. Chambile kuli ana ja Yakomba ngwami, Ngufupenu homa ha hululu. Yami Yehova nakuhanjika umwenemwene, nakwambulula chize chinalite.

Jeremia 2:20

Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Jeremia 2:25

Funga molu je kandaya keshi haku, funga muliwu we ku pwila. Alioze wambile ngwe, Hijakangana kulu, mumu hinazanga yilambala mba mungwakaula.

Jeremia 5:5

Munguya kuli anene, munguhanjika no, mumu o kananyingika jila ya Yehova, shimbi ya Zambi yo. Alioze eswe hanamakuna kanga chimuwika, eswe te hanapulu mihipu.

Jeremia 5:6

Kashika ndumba wa ku musenge kumukaashiha; kangunga wa ku puya makaonwona. Changwi kanajikinyina ku yihunda yo, mweswawo matuhukamo mamupapulula; mumu milonga yo yinji, ni chize hanehuka Zambi chahiana.

Ezekiel 14:5

hanga ngukakwate ku mbunge ja akwa munyachi wa Izalele, waze eswe hanalumuka kuli yami ngwe ngeji, ha mukunda wa mahamba jo.

Hosea 13:6

Alioze muze halia hakuta, Mayuka, mba mbunge jo jalifujile; kashika anguvulamine.

Amose 1:1

Maliji ja Amose, aye wapwile hakachi ka tufunga twa mapanga a ku Tekoa; maliji aze amwene ha kutwala kuli Izalele ha matangwa a Uzia mwanangana wa Yunda, ni matangwa a Jeroboame mwana Njoashe mwanangana wa Izalele miaka yiali shimbu munyiko kanda wiza.

Mika 6:9

Liji lia Yehova linatambika mu chihunda; mukwa mana mamona jina lie. Panjikenu ku mulumbu ni yoze waatongwele.

1 Korintu 4:8

Kulu nwayuka, kulu kunwapwa pichi, yetu kutushiko mba nwapwa mianangana; ewa, ngunazange nukayule, ni yetu nawa tukayule hamwe ni yenu.

Shimbi 31:20

Muze mungwahetesa mu chifuchi nalishingile kuli tulamba two mukwaahacho, kuze kunokela yamwa ni wuchi, ha kulia, ha kukuta, ha kutoha, henaho o makatewulukila ku tuzambi tweka, nikutuvumbika, makangulelesa, makatangula usendo wami.

Shimbi 32:15

Yeshurene watohele mba yatwa chishindo, ngwami, Nwatohele, ni kumeta, ni kusenena ni maji mba yehuka Zambi tangi yo, yalelesa Liwe lia ulamwino wo.

Shimbi 32:18

Kunwasele mbunge Liwe yoze wanusemene. Nwavulamine Zambi chisemi chenu.