Jeremia 2:30 - MUKANDA USANDU WA ZAMBI 1975

³⁰ Hinalamba ana jenu alioze chamokomoko, mumu katambwile kufumba nichimwe. Katana ka yenwene wonwene aprofeta jenu ngwe ndumba mukwa kupapulula.

Mukanda Wa Zambi 1970

³⁰ Hingunakumwesa lamba, hindu ngwe Chuma chamokomoko, kuushi kuzanga ngukufumbe. Hiunashihi akwa munanyi je ngwe chize akulinga tambwe.

Jeremia 2:30 Iomraidhean Croise

1 Yitanga Ya Mianangana 19:10

Aye ngwenyi, Nguli ni mbunge ya kuzanga wika Yehova Zambi-ya-Tujita. Alioze A-Izalele hehuka usendo we, hanunguna yilumbilo ye, hashiha aprofeta je ni katana. Yami wika ukawami nasala. Mba kanafupu kungutambula mwono wami.

1 Yitanga Ya Mianangana 19:14

Aye yamba ngwenyi, Nguli ni mbunge ya kuzanga wika Yehova Zambi-ya-Tujita, mumu A-Izalele hehuka usendo we, hanunguna yilumbilo ye, hashiha aprofeta je ni katana. Yami wika ukawami nasala mba kanafupu kungutambula mwono wami.

2 Sango Ja Mianangana 24:21

Alioze amutwamine punga. Yamwasa mawe nikulita ni liji lia mwanangana, mu yize ya zuwo lia Yehova.

2 Sango Ja Mianangana 28:22

Ha miaka ya kupinda chenyi (yono mwene mwanangana Ahaze) yatangula kuhiana shimbi ja Yehova.

2 Sango Ja Mianangana 36:16

Alioze alenyene tunganda twa Zambi; yalelesa maliji jenyi; ni kuchimbunguna aprofeta jenyi ndo ufwatulo wa Yehova wavundukile kulimika ni atu jenyi, mumu chize malinga kwakwasa chakuhi nawa.

Nehemia 9:26

Chipwe chocho akolemene ni kukukatukila, ni kumbila shimbi je kunyima yo, ni kushiha aprofeta je waze aashindakenyene akaatewulwise kuli yena nawa. Akwihile chikolo.

Izaya 1:5

Kuchi te munulikoleza kukolema? Kuchi te manulambalamba nawa? Mutwe weswe unayiji, mbunge yeswe yinalezumuka.

Izaya 59:3

Mumu moko jenu hapiha ni manyinga, minwe yenu hiyapiha ni uhenge. Mivumbo yenu hiyahanjika mahuza, malimi jenu kananyinguna ungulungulu.

Izaya 9:13

Atu katewulukilile kuli yoze waalambile, kafupile Yehova-wa-Tujita.

Jeremia 31:18

Hinevwa A-Eframe nikutwa mikuma ngwenyi, Hiwangufumba mba nafumbiwa ngwe musamba wa ngombe yoze kanda amuhombwesa. Nguhilwise kama hanga ngukahuzuluke mumu uli Yehova Zambi yami.

Jeremia 46:14

Amba mu Engitu, tambika mu Mingondole; tambika mu Nofe ni mu Tafane; Amba ngwe, Manenu kanawa nulilulike, mumu katana makakuwisa kweswe kwa kunujingilika. Apise, kuchi te hachina?

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Jeremia 7:28

Muwamba kuli ayo ngwe, Wano e atu kononokene ku liji lia Yehova Zambi yo, katambwile lufumbo; umwenemwene hiwatoka, hauteta ku mivumbo yo.

Lungungu 4:13

Chino chapwile mumu ha milonga ya aprofeta jenyi, ni ha uhenge wa asasendote jenyi, waze amwangine hakachi ko manyinga ja akwa ululi.

Ezekiel 22:24

Mwana mutu, amba kuli iye ngwe, Ena uli chifuchi kachipemesene chipwe kachinokesene vula ha tangwa lia ufwatulo.

Ezekiel 24:13

Ngengeya yamo ayo usolo wenu wa luchisa. Ami nazangile kunupemesa, ni yenu kunwapemene ku luchisa wenu, kashika yenu kunuchi kapema nawa ndo mungukahwisa ufwatulo wami hali yenu.

Daniel 9:13

Kuji-ni-tomo lino hilieza hali yetu nikulita ni chize chinasonewa mu shimbi ja Mose, hindu kutwalembelele vumbi lia Yehova Zambi yetu, ni kuhichika uhenge wetu, nikusa mbunge jetu ku umwenemwene we.

Zefania 3:2

Kapanjikile ku liji nilimwe, katayile kumufumba, kafulielele Yehova, kakundamine kuli Zambi yenyi.

Mateu 23:29

Lamba lienu, akwa kusonyeka ni A-Fwariseu, yilembese! mumu nwakutunga mafuka ja aprofeta, nwakupemesa mafuka ja akwa ululi.

Yilinga 7:52

Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe.

1 Tesalonika 2:15

waze ashihile Mwene Yesu ni aprofeta jo ene; atuhumine haze nawa; keshi kupemena kuli Zambi; kakulimika ni atu eswe.

Usolwelo 16:9

Ni atu apapiwile ni chivukuminya chinene: mba ashililikile jina lia Zambi, yoze wapwile ni chiyulo ha lamba lino: aiioze kalikonyekene akamuchichimieke.