Jeremia 2:28 - MUKANDA USANDU WA ZAMBI 1975

²⁸ Alioze mazambi jenu kuli ali waze nwalilingilile yenwene? Nyi mahasa kunulamwina ha mwaka wa lamba lienu, akatuke! Mumu yena Yunda mazambi je hoka ngwe yihunda ye.

Mukanda Wa Zambi 1970

²⁸ “Mazambi jenu waze nwalisongelele yenwene, kuli ali? Muze munubwa mu lamba, hianukwase, nyi kumaahasa! Yuda yenu nuli ni mazambi anji ngwe membo jenu.

Jeremia 2:28 Iomraidhean Croise

1 MIANANGANA 3:13

Elisha yamba kuli mwanangana wa Izalele ngwenyi, Chika nguli nacho ni yena? Yako kuli aprofeta ja tatenu ni aprofeta ja noko. Mwanangana wa Izalele yamba kuli iye ngwenyi, Hi chocho ko, mumu Yehova hakungulula wano mianangana atatu hamuwika akaakunjike mu moko ja A-Moape.

Izaya 45:20

Kungulukenu nwize; kundamenu hamuwika, enu kunwafwile hakachi ka akwa mavungu. Waze akumbatambata tuponya twa mitondo, nikulemba kuli umwe zambi kahashile kulamwina, o keshi yinyingi.

Izaya 46:2

Kanahetama, kanafukama hamuwika, kahashile kulamwina che chiteli, se ene nawa kanayi ku ufunge.

Izaya 46:7

Kakumuzundula ha yipaya yo nikumumbata; kakumumika homa henyi, mba hahene makamana, kahashile kukatukako. Chipwe umwe mateta kuli iye kechi kakumbulula, hanji kumulamwina ku lamba lienyi.

Izaya 57:13

Nyi mulitetwoka, tuponya twe eswe wapita akupulule! Fuji muyiambata, mwiku muuatwala. Alioze yoze maswamina muli yami mazuka chifuchi; mahinga mulundu wami usandu.

Jeremia 1:16

Mungwamba upatwilo wami wa kulimika no, mumu ha ungulungulu wo weswe wa kungwehuka. Hanocho insensu ku mazambi akwo nikuwayila yitanga ya moko jo.

Jeremia 11:12

Mba yihunda ya Yunda ni akwa Yerusaleme maya nikuteta kuli mazambi aze akwaochela insensu alioze o kechi kahasa kwalamwina ha tangwa lia lamba lio.

Jeremia 11:13

Mumu yenu A-Yunda, mazambi jenu hoka ngwe yihunda yenu, ni yilumbilo yize hinwamika ya kunukolesa sonyi, yilumbilo ya kwochelaho insensu kuli Mbale, yoka ngwe matapalo a mu Yerusaleme.

Jeremia 30:7

Lwangu! Mumu lie tangwa lino lialema naye kukushi likwo lia kulifwa. Liapwa tangwa lia lamba kuli Yakomba; hindu makaalamwina ku lamba lino.

Jeremia 37:19

Aprofeta jenu aze aprofetezele kuli yenu ngwo, Mwanangana wa Babilonia kechi kwiza kulimika ni yenu hanji kulimika ni chifuchi chino, kulihi ali haliapwila?

Hosea 10:1

Izalele kapwa ngwe mutondo wa uva wa tachi uze wakwima mihuko yawo. Ha kwoka mihuko yenyi yokesa yilumbilo yenyi. Ha kuwaha chifuchi chenyi chocho yapemesa manguji jenyi.

Habakuke 2:18

Hamba kuchi mahasa kukwasa muze tangi yenyi hamweseka, se aye kaponya wa kuzuzulula; longeshi wa mahuza? Mumu chilangaji kanafuliela chuma cha kutanga iye mwene, muze malinga tumama twa mahamba.

Habakuke 2:19

Lamba kuli yoze akwamba ku chuma cha mutondo ngwenyi, Laula! Hanji mamba ku liwe kulishi kuhanjika ngwenyi, Katuka! Ayo muyimulongesa chimwe? Kumanyi cha kulamikaho oru ni prata; mwiku wakuhimo niumwe.

Shimbi 32:37

Mba mamba ngwenyi, Tuzambi two tulihitwo? Hanji liwe kuze achinyinyine?

Akwa Kuyula 10:14

Yénu nukatete kuli mazambi aze nwatongwele akanupulule ha mwaka wa kupinda chenu.