Jeremia 2:20 - MUKANDA USANDU WA ZAMBI 1975

²⁰ Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Mukanda Wa Zambi 1970

²⁰ Mwene Zambi kanambe ngwenyi: “Israele, hasuku walitunyinine chiyulo chami; hiunalitunu kungwononokena ni kunguwayila. Ha milundu yeswe, ni mushi lia mitondo yeswe ya wisu, te wakuwayila mazambi a utanji.

Jeremia 2:20 Iomraidhean Croise

1 Yitanga Ya Mianangana 12:32

Jeroboame yasela chiwanyino mu kakweji wamuchinake ha tangwa kumi ni liamuchitano lia kakweji ngwe chiwanyino chize chili mu Yunda mba iye yakundama ku chilumbilo. Yalinga chocho mu Mbetele nikushihila yitapo ana-a-ngombe aze halinga. Yatungisa ku Mbetele asasendote a manangamo aze halinga.

1 Yitanga Ya Mianangana 14:23

No nawa atungile manangamo, ni manguji, ni Ashera ha milundu yeswe yisuku ni mushi lia mitondo yeswe ya wisu.

Miaso (Masamu) 107:14

Waachijile ku milima ni ku Chizulie cha kufwa. Wapatwile malenge jo tuyipatupatu.

Miaso (Masamu) 2:3

Tupatulenu makana jo; tumbilenu mihipu yo!

Miaso (Masamu) 78:58

Mumu amwihile atenuke ni milundu yo ya kunangama. Amunehenene ukwa tuponya two twa kwola.

Kutuhuka 19:8

Atu eswe yakumbulula hamuwika ngwo, Yuma yeswe hamba Yehova, kumutukalinga. Mose yambulwila Yehova maliji a e atu.

Kutuhuka 24:3

Mose yaya, yambulwila atu maliji eswe a Yehova ni chiyulo cheswe. Atu eswe akumbulwile ni liji limuwika ngwo, Maliji ano eswe Yehova hahanjika kumutukaalinga.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Izaya 1:21

Tala chihunda chize chapwile chamwenemwene, hichalumuka chikoi, chapwile cha tò ni upatwilo wa kulita. Te ululi Watwamine muli iye, alioze haliapwila yingalwe wika.

Izaya 10:27

Mba ha tangwa lize chiteli chenyi muchikatuka ha chipaya chenu, ni kanga yenyi mayichiza ha kota yenu, ni ye kanga mayishiha mumu ha maji.

Izaya 14:25

Mungumakuna mwe Ka-Asuria mu chifuchi chami, mungumuliachila ha milundu yami; kanga yenyi muyiakatuka, ni chiteli chenyi muchikatuka ha yipaya yo.

Izaya 9:4

Mumu hiwamakuna kanga ya chiteli chenyi, ni pango ya ha chipaya chenyi, ni mbwechi ya mukwa kumupinjisa, ngwe ha tangwa lia Mindiane.

Jeremia 13:27

Hinamona yizelwokeso yenu, ni utanji wenu, ni kulikumbukila chenu ni ukoi wenu wa usolo, ha milundu mu yambu. Lamba lie, Yerusaleme! Miaka yingahi ndo makupemesa?

Jeremia 17:2

shimbu ana jo anewuluka yilumbilo yo, ni Ashera jo, ku mutondo weswe wa wisu ni ha milundu yisuku,

Jeremia 2:31

Ni yenu akwa chisemuko chino, panjikenu liji lia Yehova. Te hinapwa kuli Izalele ngwe puya? Hinapwa ngwe chifuchi cha milima pwi? Nyi chocho kuchi te atu jami kakwamba ngwo, Tunatusuka, kutuchi kwiza nawa kuli yena?

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Jeremia 30:8

Yehova-wa-Tujita kanambe ngwenyi, Muchikapwa ha tangwa lize mungukamakuna kanga ha makota jo; mungukapatwola mihipu yo, mba yilambala kechi kaatenga nawa ngamba.

Jeremia 5:5

Munguya kuli anene, munguhanjika no, mumu o kananyingika jila ya Yehova, shimbi ya Zambi yo. Alioze eswe hanamakuna kanga chimuwika, eswe te hanapulu mihipu.

Ezekiel 16:28

Walingile ukoi ni A-Asuria mumu kusolo kuyuka; ewa, walingile no ukoi hindu kuchakuhwile.

Ezekiel 16:31

ni kutunga zuwo lia foro ku songo ha tapalo heswe, ni kulinga zuwo lie lisuku ha lwaza mweswe. Hindu kwapwile ngwe chikoi mumu walelesele fweto.

Ezekiel 16:41

Makocha mazuwo je nikukulinga upatwilo kumeso ja mapwo anji. Mungukamanyisa ndako je ja ukoi; kuchi kafweta nawa malunga.

Ezekiel 20:28

Mumu muze hinaaneha mu chifuchi chize nalishingile kwaaha, mba heswaho amwene mulundu umwe usuku hanji mutondo umwe wa mafwo, kwenako alambwile yitapo yo ni kukunjika milambu yo ya kwihia; kwenako afwinjishile lupembo wo wa kutulisa mbunge, ni kuzujila milambu yo ya kunwa.

Ezekiel 23:5

Ohola yalinga ukoi shimbu achili niwami ni kufwila akwa zango lienyi A-Asuria,

Hosea 1:2

Muze Yehova wahanjikile kuli Hozea hatangu Yehova wambile kuli Hozea ngwenyi, Yako umbate umwe pwo chikoi ukaseme ana ja ukoi, mumu akwa chifuchi kanalingi ukoi unene ha kwehuka Yehova.

Hosea 2:5

Mumu naye halinga ukoi, yoze waasemene halinga sonyi. Mumu iye hamba ngwenyi, Mungukaula akwa zango liami, waze akungwaha kulia chami ni meya a kunwa, kakungwaha wona wa mapanga, ni linyu, ni maji ni yuma ya kunwa.

Hosea 3:3

Yingumwamba ngwami, Mukapwa pwo liami matangwa anji; kuchi kalinga utanji, hanji kupwa wa mbala, ni yami nawa chocho mungukapwa kuli yena.

Hosea 4:13

Kakushiha yitapo ha mbulwa milundu; kakulambula ha mindundena mushi lia mitondo ya carvalho, ni alamo, ni terebine, mumu chihuhumuke chayo Chinapeme. Kashika anenu a mapwo kakulinga ukoi, ni ndungi jenu kakulinga utanji.

Hosea 9:1

Ena, Izalele, kanda uwahilila! Kanda ulikwiza ngwe akwa mavungu, mumu hiwalinga ukoi nikuhichika Zambi ye. Hiwazanga fweto ya chikoi ha yizungwilo yeswe.

Alevi 26:13

Yami Yehova Zambi yenu. Nanuchijile ku chifuchi cha Engitu hanga nukatusuke ku upinji wo. Namakwine mitondo ya kúli jenu. Nanwendesele nikwoloka.

Nahume 1:13

Mba haliapwila mungunumakwina kanga yenyi nikupula mihipu yenu ndusu.

Shimbi 12:2

Chamwenemwene nukonwone yihela yeswe mavungu munwahuma avumbikilileho tuzambi two, ni ha milundu yisuku ni ha milundu ni ku mitondo yeswe ya wisu.

Shimbi 15:15

Wiwuluke ngwami, Ena wapwile kapinji mu chifuchi cha Engitu, Yehova Zambi ye yakukula. Kashika ngunakwambe chuma chino musono.

Shimbi 26:17

Nwalishika ni Yehova musono ngwenu, Yehova iye Zambi yetu, kumutwenda mu majila jenyi eswe, ni kufunga yiyulo yenyi ni maliji jenyi a shimbi, ni upatwilo wenyi, mukupanjika ku liji lienyi.

Shimbi 4:20

Alioze Yehova wanuchijile ku Engitu kwe ku lutengo wa utale, nukapwe atu a kuzuka iye mwene ngwe kuchapwa musono.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Shimbi 5:27

Ukundame wivwe yeswe Yehova Zambi yetu mamba; uhanjike ni yetu yeswe Yehova Zambi yetu mamba kuli yena; mutuyivwa, mutuyilinga.

Yoshua 1:16

O yakumbulula kuli Yoshua ngwo, Yuma yeswe watutuma mutulinga; kweswako mututuma mutuya.

Yoshua 24:24

Atu yamba kuli Yoshua ngwo, Yehova Zambi yetu mutumulingila; liji lienyi mutuliononokena.

Yoshua 24:26

Mba Yoshua wasonekene maliji ano eswe mu mukanda wa shimbi ya Zambi. Yanda luliwe, yalumika kuze kwene mushi lia mutondo wa carvalho muma musandu mwa Yehova.

Usolwelo 17:1

Mba umwe wa kuli angelo shimbiali, waze apwile ni misenge shimbiali, wejile, wahanjikile ni yami, ngwenyi, Tweya kuno, mungukulweza upatwilo wa chikoi munene, yoze watwama ha meya anji eka ni eka.

Akwa Kuyula 10:6

Mba A-Izalele alingile chipi kumeso ja Yehova cheka nawa, nikulingila Ambale ni Asatarote mazambi ja A-Seria, ni mazambi ja A-Sendone, ni mazambi ja A-Moape, ni mazambi ja A-Amone, ni mazambi ja A-Filistea. Yehuka Yehova. Kamulingilile.

Akwa Kuyula 2:11

A-Izalele alingile chipi kumeso ja Yehova nikuvumbika Ambale,

Akwa Kuyula 2:13

Ehukile Yehova nikuvumbika Ambale ni Asatarote.

1 Samuel 12:10

Yateta kuli Yehova nikwamba ngwo, Hitwavulumuna mumu ha kwehuka Yehova nikulingila Ambale ni Asatarote. Alioze utupulule kama haliapwila kuli akwa kole jetu mba mutukalingila.