Jeremia 2:2 - MUKANDA USANDU WA ZAMBI 1975

² Yako ukambe mu matwi ja A-Yerusaleme ngwe, Yehova kanambe ngwenyi, Ngunewuluka kulalaminya cha ukweze we ni zango lie lia ndungi, chize wangukawile mu puya mu chifuchi chize kakuwilemo mbuto.

Mukanda Wa Zambi 1970

² ngulweze akwa Yerusaleme eswe maliji wano ngwenyi: “Ngunewuluka kushishika che ha ukweze we, ni chize twalizangile ha matangwa atangu a umbachiso wetu; yiungukaula mu puya, mu chifuchi chize kaakuwile mbuto.

Jeremia 2:2 Iomraidhean Croise

Miaso (Masamu) 129:1

Kanji hanangupinjisa chize ku ukweze wami. Izalele ambe haliapwila ngwo,

Kutuhuka 14:31

A-Izalele amwene chitanga cha tachi alingile Yehova kuli A-Engitu. E atu yavwila woma Yehova. Yafuliela muli Yehova ni muli Mose kavumbi kenyi.

Kutuhuka 16:8

Mose yamba ngwenyi, Muze ha chingoloshi Yehova makanwaha yifwo nukalie; mba ha kucha mbolo nukakute mununyingika Yehova kanevu kulinyenyeta chenu ni iye. Yetu aya kevwe? Kunwalinyenyetene ni yetu, ka, alioze ni Yehova.

Yishima 1:20

Mana kakukololoka mu matapalo, kakutambika mu yitanda.

Mwaso Ubema Wahiana 3:11

Tuhukenu, ana-mapwo a Zaione, nukatale mwanangana Solomone, ni chipangula chize naye wamusele ha tangwa lia umbachiso wenyi, ha tangwa lia chiseke cha mbunge yenyi.

Mwaso Ubema Wahiana 3:6

Iya auze unakatuka ku puya ngwe nguji lia mwishi, wa kukwichila ni mira ni libano, ni yitumbo yeswe ya lupembo mupema ya akwa kutalika?

Izaya 58:1

Kololoka! Kanda utepululako! Zundula liji lie ngwe chitavwi; ambulula kuli atu jami Utanguko wo, ambulula kuli akwa munyachi wa Yakomba milonga yo.

Jeremia 11:6

Yehova wambile kuli yami ngwenyi, Ambujola maliji wano eswe mu yihunda ya Yunda, ni mu matapalo a Yerusaleme ngwe, Ivwenu maliji a usendo uno nukaalinge.

Jeremia 19:2

ukatuhuke ku mungulunga wa Bene-Hinome ku unjililo wa chikolo cha Chiyo-cha-ndeho, wambulule maliji aze mungukulweza.

Jeremia 2:1

Liji lia Yehova liejile kuli yami ngwo,

Jeremia 2:6

Kambile ngwo, Yehova kuli ali? Yoze watuchijile ku chifuchi cha Engitu, watusongwelele mu puya, mu chifuchi cha kango ni mena, mu chifuchi cha pwila ni milima pwi, mu chifuchi kuze niumwe mapalikamo, niumwe matwamamo.

Jeremia 3:4

Ngwami haliapwila wangusanyika ngwe, Tata, uli sepa lia ukweze wami—

Jeremia 7:2

Manyina mu chikolo cha zuwo lia Yehova ukambujoleko liji lino ngwe, Ivwenu liji lia Yehova enu A-Yunda eswe nwakunjilila ku yikolo yino kuwayila Yehova.

Ezekiel 16:22

Ni ha yitanga ye yeswe ya lwaji, ni ukoi we, kwewulukile matangwa a wana-mapwo we muze wapwile wa uselesele, kushi mazalo, ni kutunya mu manyinga je.

Ezekiel 16:60

hindu yami mungwiwuluka usendo wa yami ni yena ha matangwa a wana-mapwo we, mba mungukakukolesa ni usendo wa mutolo.

Ezekiel 16:8

Ha kukupalika cheka nawa nikukutala, kumanyi hiwaheta ha mwaka wa zango. Yingukuzazulwila hina liami kufuka uselesele we. Yingulishinga ni yena nikukolesa usendo ni yena (chocho kanambe Mwene Yehova), yiwalumuka niwami.

Ezekiel 23:19

Hindu yaweza ku ukoi wenyi nikwiwuluka matangwa ja wana-mapwo wenyi muze machilingalinga ukoi mu chifuchi cha Engitu.

Ezekiel 23:3

O yalinga ukoi mu Engitu; yalinga ukoi ha wana-mapwo wo; kwenako ashindakenyene mele jo; kwenako akwachilekwachile mele jo ja *uvirgem.

Ezekiel 23:8

Kambilile ukoi wenyi uze te halinga chize ku matangwa jenyi mu Engitu. Mumu shimbu achili mwana-pwo malunga hapomba nenyi, ni kukwatakwata mele jenyi ja *uvirgem, ni kuzukula hali iye usolo wo.

Hosea 11:1

Muze Izalele wapwile mwana namuzangile. Ku Engitu nasanyikine mwanami wa lunga.

Hosea 2:15

Kwenako mungukamwaha minda ya uva, ni kupwisa chikulo cha Akore chikolo cha kutalatala. Kwenako makatá ngwe ha matangwa ja wana-mapwo wenyi, ngwe ha miaka muze machikatuka ku Engitu.

Hosea 2:17

Mumu mungukachiza majina ja Ambale ku kanwa lienyi. Kechi kaatongola ni majina jo nawa.

Hosea 2:7

Makakaula akwa zango lienyi kechi kaaheta. Makaafupa, alioze kechi kaawana. Mba makamba ngwenyi, Munguya kuli lunga liami mutangu mumu ha matangwa aze yuma yawahile, hi haliapwila ko.

Hosea 8:1

Senu chitavwi ku mivumbo yenu, mumu pupa kanahulumuka ha zuwo lia Yehova. Mumu hanatangula usendo wami hanavulumuna shimbi jami.

Hosea 9:10

Nawanyine Izalele ngwe uva ja mu puya. Namwene tulamba twenu ngwe mihuko yitangu ya mikuyu ha mwaka wayo litangu. Alioze ejile ku Mbale-Peore ni kulitumbikila kuli Mbale, ni kwalumuka a kuvwisa lwaji chizechene ngwe che chuma chize azangile.

Yona 1:2

Katuka uye ku Ninive, lie limbo linene, ukakololoke kuli ayo, mumu ungulungulu wo hiunahete kuli yami.

Mateu 11:15

Yoze uli ni matwi a kwivwa, evwe.

Luka 12:13

Mba umwe wa ku mbunga, wambile kuli iye ngwenyi, Longeshi, amba mwanakwetu akalianyine chihinga ni yami.

Shimbi 2:7

Mumu te Yehova Zambi yenu hananuwahisa ni milimo yeswe ya moko jenu, iye kananyingika kwendangana chenu mu puya yino yinene. Makumi aze awana a miaka Yehova wapwile hamwe ni yenu, kunwahonene nichimwe.

Shimbi 33:3

Chamwenemwene kazanga atu jenyi. Asandu jenyi eswe ali mu kwoko lie. Eswe kakutwama ku molu je. Kakutambula maliji je.

Shimbi 8:2

Iwulukenu jila yeswe anusongwelele kuli Yehova Zambi yenu makumi aze awana a miaka mu puya, hanga anulelese, anweseke, anyingike chize chapwile mu mbunge jenu, shina munufunga maliji jenyi a shimbi, nyi ka.

Tiangu (Jake) 4:4

Yenu yitanji, kunwanyingikine kufwila cha hano hashi, kole kuli Zambi, nyi? Kashika mweswe mapala kupwa kasendo ka akwa hashi, malipwisa mukwa kole kuli Zambi.

Usolwelo 2:4

Alioze chino ngukuli nacho ngwami, Hiunahichika zango lie litangu.