Jeremia 2:19 - MUKANDA USANDU WA ZAMBI 1975

¹⁹ Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Mukanda Wa Zambi 1970

¹⁹ Muukamona lamba mumu ha ungulungulu we, muukalihiza ha kungwehuka. Alioze muukanyingika ngwe, chili chibi chahiana kungwehuka yami, Mwene Zambi, Zambi ye, kungulemesa nawa ka. Yami Mwene Zambi Mukwa Ndundo Jeswe nachamba.”

Jeremia 2:19 Iomraidhean Croise

1 Yitanga Ya Mianangana 18:18

Aye yakumbulula ngwenyi, Hi yami ko nakupinjisa A-Izalele alioze yena ni munyachi wa tatenu se hinwehuka shimbi ja Yehova, hinwakaula Ambale.

2 Sango Ja Mianangana 12:5

Henaho profeta Shemaia yeza kuli Rehoboame ni e alemu a Yunda waze hakungulukila ku Yerusaleme mumu hali Shishake. Yamba kuli ayo ngwenyi, Yehova kanambe ngwenyi, Enu hinwangwehuka, kashika ni yami hinanwehuka mu kwoko lia Shishake.

2 Sango Ja Mianangana 21:10

Kashika A-Endome yakatuka kushi lia chiyulo cha A-Yunda ndo musono. Henaho A-Libna o nawa yakatuka ku chiyulo chenyi, mumu te hanehuka Yehova, Zambi ya tulamba twenyi.

2 Sango Ja Mianangana 25:16

Shimbu machihanjika nenyi, mwanangana yamba kuli iye ngwenyi, Te hitwakupwisa kaliamanga ka mwanangana? Holako! Nyi unazange akulambe? Kashika profeta yahola. Yamba ngwenyi, Ngunanyingika Zambi kanapale kukwonwona mumu hiwalinga chino, kusolo kupanjika ku chiyulo chami.

Miaso (Masamu) 36:1

Utanguko wa chingulungulu kuunambe mu mbunge yami ngwo, Kukushi woma wa Zambi kumeso jenyi.

Kutuhuka 33:6

A-Izalele alichijile yuma yo ya uhenya katuke ku mulundu wa Horepe ni kulutwe.

Yishima 1:31

Kashika kumakalia mihuko ya kwenda cho. Kumakakuta ni yitaka yo ene.

Yishima 1:32

Mumu yizuzuke kakufwa mumu ha kumba nyima; yihepuke kakulionwona ni kusehejela cho.

Yishima 5:22

Chingulungulu kakukwachika mu uhenge wenyi mwene. Kumakakashiwa ni mihipu ya shili yenyi.

Izaya 3:9

Katonde ko kukanaashindakenya; ene kakusolola shili yo ngwe Sondome, kayiswekele. Lamba lio! Mumu ene hanalikokela chipi.

Izaya 5:5

Mba mungunulweza chize mungulinga ni munda wami wa uva. Munguchizako lusaso wawo, mba mawenyeka. Mungupuzula chipanga chawo, hanga auliateliate.

Izaya 50:1

Yehova kanambe ngwenyi, Mukanda wa noko, wa kumulakula ulihiwo, uze namulakwile nawo? Nanuhanyine tombo kuli iya hakachi ka akwa mikuli yami? Nwalanjiwile mumu ha uhenge wenu; ha Utanguko wenu ahumine noko.

Jeremia 1:16

Mungwamba upatwilo wami wa kulimika no, mumu ha ungulungulu wo weswe wa kungwehuka. Hanocho insensu ku mazambi akwo nikuwayila yitanga ya moko jo.

Jeremia 13:22

Mba nyi muwamba mu mbunge ye ngwe, Kuchi te yino yuma hiyanguwana? Mumu ha mukunda wa unene wa uhenge we, hanakuzula ni kukulumbula.

Jeremia 2:17

Yena mwene walikokela chuma chino ha kwehuka Yehova Zambi ye shimbu te makusongwela mu jila.

Jeremia 3:22

Enu ana a mafwefwe hilukenu, mba munguwuka mafwefwe jenu. Tuneza kuli yena mumu uli Yehova Zambi yetu.

Jeremia 4:18

Ndako jenu ni yitanga yenu hiyanukokela chuma chino. Chino upatwilo wenu usasu chikolo; mba hiwanuheta ndo ku mbunge.

Jeremia 5:22

Yehova kanambe ngwenyi, Kunwanguvwilile woma nyi? Kunwachikimine kumeso jami nyi? Nasele masekeseke akapwe njiza ya kalunga-lwiji, chikwiko cha miaka yeswe kahashile kupalika. Chipwe mikanya muyilifwita hindu kuyahashile kukumba, chipwe muyichungula hindu kuyichi kupalika helu.

Jeremia 5:24

Kambile mu mbunge jo ngwo, Tuvwilenu woma Yehova Zambi yetu, yoze wakutwaha vula ha kangonde kenyi, vula wa samakwasa ni vula musazu, ni kakutufungila semana ja kufunjika ja kucha.

Jeremia 5:6

Kashika ndumba wa ku musenge kumukaashiha; kangunga wa ku puya makaonwona. Changwi kanajikinyina ku yihunda yo, mweswawo matuhukamo mamupapulula; mumu milonga yo yinji, ni chize hanehuka Zambi chahiana.

Jeremia 7:19

Yehova kanambe ngwenyi, Yami anehi? Hi ene ko hanga akevwe sonyi?

Jeremia 8:5

Nyi chocho wano atu kuchi te kakupiangukila mu kukokoloka cha mutolo? Kanakakaminya ku kwonga; kasolo kuhiluka.

Ezekiel 23:30

hiwakukokela chuma chino mumu hiwalinga ukoi ni akwa mavungu ni kulichisa ni mahamba jo.

Ezekiel 39:24

Nalingile no nikulita ni luchisa wo ni milonga yo, ni kwaswekela meso jami.

Hosea 11:7

Atu jami hasa mbunge jo akangwehuke, kashika hinaafunjikila kanga mba niumwe maachizayo.

Hosea 13:9

Enu A-Izalele mungunwonwona mba iya manukwasa?

Hosea 14:1

Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Hosea 4:16

Ngwe chimbembe cha ngombe mukwa pami chocho japwa pami ja Izalele. Yehova te mahasa kwalisa ngwe mwana-panga mu ulilo unene?

Hosea 5:5

Kulengumuka cha Izalele chakumushindakenya kumeso jenyi; Eframe matalinga ni uhie wenyi; Yunda nawa matalinga hamwe no.

Hosea 7:2

Hindu kazewile ngwe yami mungwiwuluka yitanga yo yeswe yipi. Haliapwila yilinga yo hiyaalimba; kuyili kumeso jami.

Hosea 9:1

Ena, Izalele, kanda uwahilila! Kanda ulikwiza ngwe akwa mavungu, mumu hiwalinga ukoi nikuhichika Zambi ye. Hiwazanga fweto ya chikoi ha yizungwilo yeswe.

Amose 8:10

Mungukalumuna yiwanyino yenu mu kulishimwoka, ni miaso yenu mu kulila lungungu. Mungukajika mijimba yeswe ni yikeleyi, mungukasa lwole ha mitwe yeswe. Munguchipwisa ngwe kulila hali mwana wa lunga wa wika. Songo liacho mulipwa ngwe tangwa lisasu.

Mika 1:5

Chino cheswe mumu ha Utanguko wa Yakomba ni milonga ya munyachi ya Izalele. Utanguko wa Yakomba uka? Hi Samaria ko? Mulonga wa munyachi wa Yunda uka? Hi Yerusaleme ko?

Zakaria 7:11

Alioze katayile kupanjika; yangutalikisa chipaya cha pami; yajika matwi jo kuchina mevwa.

A-ROMA 3:18

woma wa Zambi wakuhi kumeso jo, niumwe.

Akwa Kuyula 10:13

Hindu hinwangwehuka nikulingila mazambi eka, kashika chichi kunupulula nawa.