Jeremia 2:17 - MUKANDA USANDU WA ZAMBI 1975

¹⁷ Yena mwene walikokela chuma chino ha kwehuka Yehova Zambi ye shimbu te makusongwela mu jila.

Mukanda Wa Zambi 1970

¹⁷ Israele, yena mwene walikokela yino yeswe! Wangwehuka yami, Mwene Zambi, Zambi ye, muze nakusongwelele mu jila.

Jeremia 2:17 Iomraidhean Croise

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

2 Sango Ja Mianangana 15:2

mba yaya kupatwiza Asa. Yamba kuli iye ngwenyi, Ngwivwenu, Asa ni A-Yunda ni A-Mbenjamine eswe; Yehova mapwa hamwe ni yenu nyi yenu munupwa hamwe nenyi. Nyi munumufupa munumuwana, alioze nyi munumwehuka iye manwehuka.

Jobe 34:27

mumu ahambulukile ha kumukaula, majila jenyi kaasele mbunge.

Jobe 4:8

Chize nakumona yami, akwa kulima uhenge ni kukuwa chipi kakucha yiyene.

Miaso (Masamu) 107:7

Waatwalile mu jila ya kululama, akaye ku chihunda cha kutwamamo.

Miaso (Masamu) 136:16

Kuli yoze wasongwelele atu jenyi ndusu mu puya; mumu utu wa zango lienyi wa mutolo.

Miaso (Masamu) 77:20

Watwalile atu je ngwe chendo cha yimuna, ku kwoko lia Mose ni Arone.

Yishima 15:10

Yoze mehuka jila mamona kufumba chimwe chikalu; yoze keshi kuzanga amukanjise kumafwa.

Izaya 1:4

Enu vungu lia yivulumunyi, atu alemewa ni uhenge, ana ja akwa kulinga chipi, ana aze akulinga luchisa! Hanehuka Yehova, hanalelesa Musandu wa A-Izalele, hanalihandununa liakulu ni yami.

Izaya 59:13

Twakuvulumuna, twakulikala Yehova, twakuhambuluka mu jila ya kukaula Zambi yetu, twakuhanjika kupinjisa ni kukolema, twakunyonga mu mbunge maliji a mahuza, twakwahanjika nawa.

Jeremia 13:22

Mba nyi muwamba mu mbunge ye ngwe, Kuchi te yino yuma hiyanguwana? Mumu ha mukunda wa unene wa uhenge we, hanakuzula ni kukulumbula.

Jeremia 19:4

Mumu atu hanangwehuka nikuchisa kuma kuno ha kwochelako insensu ku mazambi eka chipwe ayo, chipwe tulamba two, chipwe mianangana ja Yunda kaanyingikine, ni mumu hazalisako ni manyinga ja waze keshi chitela.

Jeremia 2:13

Mumu atu jami halinga yuma yipi yiali. Hanangwehuka, yami lie fuji lia meya a mwono, mba hanalitotela mashima ene, mashima a miaji, kahashile kupwa ni meya.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 4:18

Ndako jenu ni yitanga yenu hiyanukokela chuma chino. Chino upatwilo wenu usasu chikolo; mba hiwanuheta ndo ku mbunge.

Jeremia 44:3

mumu ha ungulungulu uze alingile nikungwihia ngutenuke, ha kuya nikwocha insensu ni kulingila mazambi eka aze kaanyingikine, chipwe o, chipwe yenu, chipwe tulamba twenu.

Jeremia 5:25

Uhenge wenu hiunahumu yino yuma, ni milonga yenu hiyinanumina yuma yipema.

Ezekiel 39:24

Nalingile no nikulita ni luchisa wo ni milonga yo, ni kwaswekela meso jami.

Hosea 13:9

Enu A-Izalele mungunwonwona mba iya manukwasa?

Mika 1:5

Chino cheswe mumu ha Utanguko wa Yakomba ni milonga ya munyachi ya Izalele. Utanguko wa Yakomba uka? Hi Samaria ko? Mulonga wa munyachi wa Yunda uka? Hi Yerusaleme ko?

Kwalula 32:23

Alioze nyi kunuchi kalinga chocho, kumanyi, nwavulumuna Yehova, nunyingike chamwenemwene, ngwami, shili yenu muyikanukumika.

Shimbi 32:10

Wamuwanyine mu chifuchi cha puya, mwe mu makanga ahululu mwakupozonoka ngongo. Yamujingulula, yamulela, yamufunga ngwe katumba ka liso lienyi.

Shimbi 32:19

Yehova yachimona, yaalelesa mumu ha kwihia cha anenyi a malunga ni a mapwo.