Jeremia 2:16 - MUKANDA USANDU WA ZAMBI 1975

¹⁶ Chikwo nawa, malunga a ku Nofe ni Tafane hanalokola mbanda-mutwe we.

Mukanda Wa Zambi 1970

¹⁶ Malunga a ku membo ja Memfise ni Tapane haamulokola mutwe.

Jeremia 2:16 Iomraidhean Croise

1 MIANANGANA 18:21

Unajikijila hali A-Engitu, mulumbu wa lumbungu wa kumakuna. Nyi mutu mashindakenyaho muumutuwa kwoko. Falau mwanangana wa Engitu chocho apwa kuli waze eswe mamujikijila.

1 MIANANGANA 23:33

Falau-Neko yamukashila mu Ribila mu chifuchi cha Hamate kumuchinda kuyula mu Yerusaleme; yafwetesa nawa che chifuchi milambu ya kulakaji lia *talentu ja prata ni *talentu yimuwika ya oru.

Izaya 19:13

Alemu a Zoane hanalumuka yihepuke; alemu a Nofe hanongoloka. Waze anapu mawe a ha mbango ja minyachi hanapiangula Engitu mu jila.

Izaya 59:13

Twakuvulumuna, twakulikala Yehova, twakuhambuluka mu jila ya kukaula Zambi yetu, twakuhanjika kupinjisa ni kukolema, twakunyonga mu mbunge maliji a mahuza, twakwahanjika nawa.

Izaya 8:8

Kumakapukumukina hali A-Yunda, nikusupwokelako nikuhiana ndo maheta ku kota. Mapulwa jo a kuzazulula kumakazalisa kutoha cheswe cha chifuchi che, Emanuele.

Jeremia 44:1

Liji liejile kuli Jeremia ha kutwala kuli A-Yunda eswe waze atwamine mu chifuchi cha Engitu, mu Mingondole, ni Tafane, ni Nofe, ni mu chifuchi cha Patarose, lino:

Jeremia 46:14

Amba mu Engitu, tambika mu Mingondole; tambika mu Nofe ni mu Tafane; Amba ngwe, Manenu kanawa nulilulike, mumu katana makakuwisa kweswe kwa kunujingilika. Apise, kuchi te hachina?

Jeremia 46:19

Lulikenu yikashi yenu nuye ku unjize enu akwa Engitu. Mumu Nofe muyalumuka ya hululu, muyipuzuka ni atu kechi katwamamo.

Jeremia 48:45

Mu Chizulie cha Heshebone akwa kuchina kakumana, tachi jakuhi, mumu kahia hikanatuhuka mu Heshebone, mulengi unatuhuka mu munyachi wa Sahone. Hiwalia wa ku lumbu lia Moape ni ku mbanda-mutwe wa akwa Chizungozungo.

Ezekiel 30:13

Mwene Yehova kanambe ngwenyi, Mungukonwona mahamba, mungukasulisa tuponya mu Nofe. Kumuchi kapwa nawa mulemu mu chifuchi cha Engitu; chocho mungukakolesa woma chifuchi cha Engitu.

Ezekiel 30:16

Mungukachocheka kahia ku Engitu; Shini mapwa ni yikola yinji. Makalokola No, yipanga yako ya mawe makayipuzula.

Hosea 9:6

Mumu kanayi ku Asuria; A-Engitu makaakunga; akwa Memefiji makaafunda. Mazo-a-lunoka makazuka yuma yo yilemu ya prata; mingonga muyikapwa mu mbalaka jo.

Shimbi 33:20

Ha kutwala kuli Ngate yamba ngwenyi, Kawaha mweswe matohesa Ngate! Ngate katwama ngwe ndumba. Yapapulula kwoko, chipwe mbanda-mutwe.