Jeremia 2:15 - MUKANDA USANDU WA ZAMBI 1975

¹⁵ Ndumba hanatete hali iye, hanatete ni tachi. Hanahichika chifuchi chenyi ngwe puya, yihunda yenyi yinapuzuka, kuyishi atu.

Mukanda Wa Zambi 1970

¹⁵ Yaamukenanyina ngwe tambwe, chifuchi chenyi yaachipwisa puya, yeenyeka yihunda yenyi, yiiyalumuka yikulu.

Jeremia 2:15 Iomraidhean Croise

Jobe 4:10

Kuteta cha ndumba; liji lia ndumba musasu, mazo a mievu ja ndumba kanapalwoka.

Miaso (Masamu) 57:4

Mwono wami watwama hakachi ka ndumba. Ngunapombo hakachi ka waze akuhwilijela kahia; chipwe ana ja atu aze akwete mazo ngwe makunga ni mivu; limi lio liapwa ngwe katana wa kuhela.

Izaya 1:7

Chifuchi chenu chapwa cha hululu; yihunda yenu hanayocho ni kahia; yilambala kanali chifuchi chenu kwe kumeso jenu; chapwa cha hululu, ngwe hanachipupu kuli yilambala.

Izaya 24:1

Yehova kumakenyeka he hashi nikunongesa atu jaho. Kumakalumunaho nikumwanga waze atwamaho.

Izaya 5:29

Kuteta cho ngwe cha ndumba; kanatete ngwe mievu ja ndumba. Kanakenana ha kukwata yifwo yo; kanayimbata mba niumwe mahasa kupulula.

Izaya 5:9

Yehova-wa-Tujita halishinga mwe mu matwi jami ngwenyi, Pundu mazuwo anji mapwa amokomoko. Mazuwo anene apema keshi ni waze matwamamo.

Izaya 6:11

Ami yingwamba ngwami, Mwene, ndo mwiji muka? Aye yamba ngwenyi, Ndo yihunda muyipwa ya hululu, ni yoze matwamamo wakuhi, ni mazuwo keshi malunga, ni chifuchi muchisala cha woya,

Jeremia 10:22

Ivwenu lufuma umwe! Kuchineza! Chizungozungo cha ku chifuchi cha Norte, yihunda ya Yunda yikalumuke ya hululu, yipombelo ya mikuza.

Jeremia 25:30

Kashika muprofeteza maliji ano eswe kulimika no nikwamba kuli ayo ngwe, Yehova kwilu makahanjika lundunjila ku zuwo lienyi lisandu liji lienyi mulikahiohia. Kumakahanjika ni lundunjila wa tachi cha kulimika ni limba lienyi lia mapanga, kumakakololoka kulimika ni akwa hano hashi eswe, ngwe akwa kuliata uva mu ukamino.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 26:9

Kuchi te hiwaprofeteza mu jina lia Yehova ngwe, Zuwo lino mulipwa ngwe Shilo, ni chihunda chino muchipwa cha woya, kuchishi atu? Mba atu eswe yaseleka Jeremia mwe mu zuwo lia Yehova.

Jeremia 33:10

Yehova kanambe ngwenyi, Muno mwene enu nwakwamba ngwenu, Munapu mwa hululu, kumushi atu chipwe yimuna, ni mu yihunda ya Yunda, ni mu matapalo ja Yerusaleme muze munapu mwamokomoko, kumushi atu, chipwe akwa kutungako, chipwe yimuna, ngwami,

Jeremia 34:22

Yehova kanambe ngwenyi, Mungutuma shimbi, mungwahilwisa nawa ku chihunda chino, akase nacho jita, akachitambule, akachoche ni kahia. Mungupwisa yihunda ya mu Yunda mwamokomoko kumushi atu.

Jeremia 4:7

Umwe ndumba hakatuka ku usaki wenyi; mukwa kwonwona mavungu haputuka, hakatuka kuma kwenyi akenyeke chifuchi chenu, akapuzule yihunda yenu, ni kuyihichika kuyishi atu.

Jeremia 44:22

Yehova te kahashile kusúla ni yitanga yenu yipi, ni yuma ya kuzelwokesa yize nwalingile, kashika chifuchi chenu hichalumuka cha hululu, ni cha kwenyeka, ni shingo, kuchishi atu ndo musono uno.

Jeremia 5:6

Kashika ndumba wa ku musenge kumukaashiha; kangunga wa ku puya makaonwona. Changwi kanajikinyina ku yihunda yo, mweswawo matuhukamo mamupapulula; mumu milonga yo yinji, ni chize hanehuka Zambi chahiana.

Jeremia 50:17

Izalele kapwa ngwe panga wa kuhanga kuli ndumba. Hatangu mwanangana wa Asuria wamukumbile, mba haliapwila ku songo Nabukanezore mwanangana wa Babilonia hanapolota yifwaha yenyi.

Jeremia 51:38

Kumakateta hamuwika ngwe ndumba, kumakakenana ngwe mievu ja ndumba.

Jeremia 6:8

Ivwa kutoweza chino, ena Yerusaleme kuchina mungukuchiza mbunge; kuchina mungukupwisa chihunda cha hululu, chifuchi kuchishi atu.

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Jeremia 9:11

Mungupwisa Yerusaleme mulumba wa yipuzu, chipombelo cha mikuza. Mungupwisa yihunda ya Yunda puya, kuze kukwatwamine atu.

Ezekiel 36:3

kashika profeteza wambe ngwe, Mwene Yehova kanambe ngwenyi, Ha chikuma chino chene, mumu anupwishile a kwenyeka nikunupalakenya sali ni sali, chocho hinwalumuka upite wa akwa mavungu akwo, hinwalumuka pande ni saki ja atu,

Ezekiel 5:14

Chikwo nawa mungukanupwisa a kwenyeka; makanuchoka ku mavungu a kunujingilika ni kumeso ja akwa kupalika eswe.

Hosea 11:10

O kumakakaula Yehova, mba iye makateta ngwe ndumba. Ewa makateta mba anenyi-a-malunga meza nikuchikima ni kukatuka ku Chitokelo.

Hosea 5:14

Mumu mungupwa ngwe ndumba kuli Eframe mungupwa ngwe mwevu wa ndumba ku munyachi wa Yunda. Yami, yami mwene mungupapulula ni kukatukako. Mungumbata mba niumwe malamwina.

Amose 3:12

Yehova kanambe ngwenyi, Ngwe kafunga matambula ku kanwa lia ndumba molu aali hanji chipinji cha twitwi, chocho makupulula A-Izalele waze anatwama mu Samaria, ha mbango ya muu, hanji ha muhela wa kulilengela.

Amose 3:4

Ndumba kakuhiohia mu yambu nyi keshi ni yifwo? Mwevu wa ndumba kakuteta mu chivwenge chenyi nyi kakwachile chimwe?

Amose 3:8

Ndumba hahiohia, iya kechi kwivwa woma? Mwene Yehova hanahanjika, iya mahasa kuhola ni uprofeto?

Nahume 2:11

Chivwenge cha ndumba Chilihicho? Wendelo wa mievu ja ndumba ulihiwo? Kuze te ndumba wapwile nikuneha yifwo yenyi, kuze kwatwamine ana jenyi mba niumwe mahasa kwasunga.

Zefania 1:18

Ha tangwa lia ufwatulo wa Yehova kechi kahasa kulipulula chipwe ni prata yo, chipwe ni oru yo. Mu kahia ka ufwatulo wenyi wa ukwa hashi heswe muhaliwa, mumu makasulisa akwa hashi eswe liakulu, susumuku lume.

Zefania 2:5

Lamba kuli yenu nwatwama ku mbaka, enu akwa vungu lia A-Cherete! Liji lia Yehova Malimika ni yenu, enu A-Kanana, chifuchi cha A-Filistea. Mungukanwonwona ndo niumwe mwenyembo kechi kasalako.

Zefania 3:6

Hinasutula mavungu; yipanga yo ya mawe yinapuzuka. Hinenyeka matapalo jo, chocho niumwe keshi kwendelamo. Yihunda yo hiyalumuka ya hululu; kumushi mutu; kumushi mwenyayo.

Zakaria 11:3

Halakanenu mbimbi ya tufunga; mumu uhenya wo haupupa! Halakanenu kuhiohia cha ndumba, mumu mushitu ya Yordau hayiteta!

Akwa Kuyula 14:5

Chocho Samasone wapalumukine ku Timna hamwe ni tato ni naye. Yaheta ku minda ya uva ya Timna, kumanyi mwevu wa ndumba wamuhanjikilile.