Jeremia 2:11 - MUKANDA USANDU WA ZAMBI 1975

¹¹ Vungu limwe hiliasumbakenya mazambi jalio, chipwe kapwile mazambi amwenemwene? Alioze atu jami hasumbakenya uhenya wo ni chuma chimwe kuchafumbwile.

Mukanda Wa Zambi 1970

¹¹ Kukushi vungu nilimwe lize haasumbakenya mazambi jo, chibwe kaabwile ko mazambi amwenemwene. Alioze atu jami haangusumbakenya, yami Zambi mulemu, ni mazambi waze kaahashile kwalingila Chuma nichimwe.

Jeremia 2:11 Iomraidhean Croise

1 Yitanga Ya Mianangana 11:33

Munguchilinga mumu hanangwehuka akawayile Asatarote zambi ya A-Sendone, ni Chemoshe zambi ya Moape, ni Milikome zambi ya A-Amone. Kendele mu majila jami kulinga chize changupemena, nikufunga yiyulo yami ni upatwilo wami ngwe tato David walingile.

1 MIANANGANA 1:3

Alioze mungelo wa Yehova yamba kuli Eliya Ka-Tishibe ngwenyi, Katuka upatwize mikeji ja mwanangana wa Samaria wambe kuli ayo ngwe, Nunayi kuli Mbale-Zepupe, zambi ya Ekrone, mumu mwe Zambi wakuhi mu Izalele, nyi kuchi?

2 Sango Ja Mianangana 13:9

Ngwami, Hinwahuma asasendote a Yehova ana ja Arone, ni A-Levi. Hinwalilingila asasendote nikulita ni ndako ja atu a yifuchi yikwo. Mweswawo meza ni chimbembe wa kuji ni kuji a mapanga shimbiali akalitumbikile, mahasa kupwa sasendote ya waze hi mazambi ko.

Miaso (Masamu) 106:20

Chocho alumwine ulemu wo ukapwe mu kulifwa cha ngombe yoze wakulia mwambu.

Miaso (Masamu) 115:4

Mahamba jo apwa a prata ni oru, chitanga cha moko ja atu.

Miaso (Masamu) 3:3

Alioze yena Yehova, uli lukepwe wa kungujingilika, uli ulemu wami, uli mukwa kuhetula mutwe wami.

Izaya 37:19

Hambila mazambi jo mu kahia, mumu o hi mazambi ko. O apwile a kutunga ni moko ja atu, a mitondo ni mawe, kashika haonwona.

Jeremia 16:20

Te mutu mahasa kulilingila mazambi? Wano hi mazambi ko!

Jeremia 18:13

Kashika Yehova kanambe ngwenyi, Hula hakachi ka mavungu, iya hanevu chuma ngwe chino? Mwe *virgem Izalele hanalingi chuma cha lwaji.

Jeremia 2:5

Yehova kanambe ngwenyi, Chipi chika akakenu awanyine muli yami mba hangukatuka nikuya kusuku, nikukaula yuma yamokomoko nikwalumuka amokomoko?

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 5:7

Kuchi munguhasa kunukonekena? Ana jenu hanangwehuka, hanalishingi ni waze hi mazambi ko. Muze naalishile kanawa, alingile utanji, ni kakuya mu yendo ku mazuwo ja yikoi.

Ezekiel 14:5

hanga ngukakwate ku mbunge ja akwa munyachi wa Izalele, waze eswe hanalumuka kuli yami ngwe ngeji, ha mukunda wa mahamba jo.

Ezekiel 5:7

Kashika Mwene Yehova kanambe ngwenyi, Mumu nunalitachika kuhiana mavungu a kunujingilika, kunwendele mu yiyulo yami, chipwe kufunga shimbi jami, chipwe kulinga nikulita ni shimbi ja mavungu aze akunujingilika,

Mika 4:5

Mumu mavungu kakwenda vungu lieswe mu jina lia zambi yalio, alioze yetu mutwenda mu jina lia Yehova Zambi yetu ku miaka yeswe ya mutolo.

A-ROMA 1:23

Alumwine uhenya wa Zambi, yoze keshi kupola, mu kulifwa cha Chizulie cha mutu wa kupola, ni wa tujita, ni wa tushitu, ni tututu akukalala.

1 Korintu 8:4

Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika.

Galashia 4:8

Alioze ha miaka yize se kunwanyingikine Zambi, nwapwile mu undungo kuli waze ku chisemewa hi mazambi ko.

Shimbi 32:16

Yamwihia evwe ukwa ni tuzambi twa tundaka, yamwihia ni yitanga yo ya kuzelwokesa.

Shimbi 32:21

Hangwihia ngwivwe ukwa ni chuma kuchalumbunukine ngwe umwe zambi. Hangwihia ni tuponya two. Kashika ni yami mungwehia evwe ukwa wa waze kapwile atu. Mungwehia ni vungu lia uhepuke.

Shimbi 33:29

Izalele! Kuwawaha. Iya walifwa ni yena? Uli vungu alilamwinyine kuli Yehova. Iye lukepwe wa kukukwasa. Iye katana ka kukumba che Akwa kole je kumakeza nikuliumba kuli yena mba kumukaliata ha manangamo jo.

1 Petulu 1:18

se nunanyingika hananukula, hi ni yuma ya kupola ko, ngwe prata hanji oru, ku kwenda chenu chamokomoko, chize anukunjikilecho tulamba twenu;

1 Samuel 4:21

Iye yaluka mwana ngwenyi, Ikabode, mumu ngwenyi, Ulemu hiwakatuka kuli A-Izalele, mumu hatambula mushete wa Zambi ni ha chikuma cha tato-weno ni mukwo-lunga.