Jeremia 19:2 - MUKANDA USANDU WA ZAMBI 1975

² ukatuhuke ku mungulunga wa Bene-Hinome ku unjililo wa chikolo cha Chiyo-cha-ndeho, wambulule maliji aze mungukulweza.

Mukanda Wa Zambi 1970

² tutuhuke ku chikolo cha Chiyo cha Ndeho (yimbia) nikuya ku chikulo cha Hinome, hanga ngwambujolele ko maliji waze iye mangulweza.

Jeremia 19:2 Iomraidhean Croise

1 MIANANGANA 23:10

Yachisa nawa Tofete yize yapwile mu chikulo cha A-Hinome hanga niumwe mapalikisa mwanenyi wa lunga hanji wa pwo mu kahia kuli Moleke.

2 Sango Ja Mianangana 28:3

Chikwo nawa wochelele insensu mu chikulo cha mwana Hinome, ni kwocha ana jenyi mu kahia, nikulita ni yizelwokeso ya akwa mavungu waze Yehova wambilile kumeso ja A-Izalele.

2 Sango Ja Mianangana 33:6

Wapalikishile ana jenyi mu kahia mu chikulo cha mwana wa Hinome. Walingile nawa yuma ya munanyi, ni ya umbanda, ni ya wanga; wayile kuli akwa mahamba ni akwa tufutafuta. Walingile yipi yinji kumeso ja Yehova kumwihia ku utenu.

Nehemia 3:29

Hikuhatako Zadoke mwana Imere, yalulika hatalanganyi ni zuwo lienyi. Yahatako ku milimo Shemaia mwana She kania kalayi ka chikolo cha Chivumbuko.

Jeremia 1:7

Alioze Yehova yamba kuli yami ngwenyi. Kanda wamba ngwe, Nguchili mukweze, mumu muoya kuli waze eswe mungukutuma, muhanjika cheswacho mungukwamba.

Jeremia 11:6

Yehova wambile kuli yami ngwenyi, Ambujola maliji wano eswe mu yihunda ya Yunda, ni mu matapalo a Yerusaleme ngwe, Ivwenu maliji a usendo uno nukaalinge.

Jeremia 18:2

Katuka ukapalu muke ku zuwo lia tengi, mba kwenako mungukuvwisa maliji jami.

Jeremia 26:2

Yehova kanambe ngwenyi, Manyina mu yize ya zuwo lia Yehova ukahanjike kuli akwa yihunda yeswe ya Yunda waze akwiza kuwayila mu zuwo lia Yehova maliji eswe mungukwaha kuhanjika no. Kanda uhichika chipwe liji limuwika.

Jeremia 3:12

Yako ukambe maliji ano nikutalikisa ku Norte ngwe, Yehova kanambe ngwenyi, Mukwa mafwefwe Izalele, hiluka. Chichi kukutala ni utenu mumu nguli mukwa keke. Yehova kanambe ngwenyi, Chichi kutenuka ndo ku miaka yeswe.

Jeremia 32:35

Atungile manangamo a Mbale mu mungulunga wa mwana Hinome akalambule ana jo a malunga ni a mapwo kuli Moleke, chuma yami chaatuminecho chipwe kuchinyonga akalinge chuma chino cha kuzelwokesa akavulumwise Yunda.

Jeremia 7:2

Manyina mu chikolo cha zuwo lia Yehova ukambujoleko liji lino ngwe, Ivwenu liji lia Yehova enu A-Yunda eswe nwakunjilila ku yikolo yino kuwayila Yehova.

Yona 3:2

Katuka uye ku Ninive, lie limbo linene, ukakololoke chize ngunakutumu.

Mateu 10:27

Chize ngunambe kuli yenu mu milima, hanjikenu ha mwalwa; chize nunevu mu twitwi, ambujolenu ha mafulumba ja mazuwo.

Yilinga 20:27

Mumu chalitwaminyine kwambujola kuli yenu mana eswe a Zambi.

Yilinga 5:20

Yénu, nukamane mu tembele, nukahanjike kuli atu maliji eswe a mwono uno.

Yoshua 15:8

Mba njiza yakandukila ku chikulo cha mwana wa Hinome nikulisesa ni mulundu wa Yepushe ku Sule (acho ngwami, Yerusaleme). Njiza yakanduka ndo ku songo lia mulundu uze watalangana ni chikulo cha Hinome ku Chitokelo, sali lia ku Norte lia chikulo cha Refane.