Jeremia 19:13 - MUKANDA USANDU WA ZAMBI 1975

¹³ Mazuwo a Yerusaleme ni mazuwo ja mianangana ja Yunda maachisa ngwe chihela cha Tofete, mazuwo aze eswe ha mafulumba jo hochela insensu ku mbunga yeswe ya mwilu, ni kuzuza milambu ya kunwa ku mazambi akwo.

Mukanda Wa Zambi 1970

¹³ Mazuwo ja Yerusaleme ni ja Ayuda, ni mazuwo eswe haze akwochela yitumbo ya vumba libema ku matongonoshi ni haze akuzujila vinyu ya milambu kuli mazambi eka, ayo eswe kumaakabwa ngwe Tofete.”

Jeremia 19:13 Iomraidhean Croise

1 MIANANGANA 17:16

Ehukile shimbi jeswe ja Yehova Zambi yo nikulilingila tuponya twa kuzuzulula, te ana-a-ngombe aali. Alingile Ashera nawa, nikuwayila mbunga yeswe ya mwilu, nikuvumbika Mbale.

1 MIANANGANA 23:10

Yachisa nawa Tofete yize yapwile mu chikulo cha A-Hinome hanga niumwe mapalikisa mwanenyi wa lunga hanji wa pwo mu kahia kuli Moleke.

1 MIANANGANA 23:12

Yilumbilo yize yapwile ha fulumba ya zuwo lia Ahaze lia kwilu, yize te mianangana ja A-Yunda halinga, ni yilumbilo yize Manase halinga mu maze aali a zuwo lia Yehova, mwanangana yayinungwinako, yayifwenya nikumbila we wunga wayo mu chitwetwe cha Kendrone.

1 MIANANGANA 23:14

Yapalwola tuponya; yateta Ashera nikusalakanyisako yifwaha ya afu.

Miaso (Masamu) 74:7

Hanachocheka kahia muma mwe musandu. Hanajitula ndo ku mavu kuma kuze kwatwama jina lie.

Miaso (Masamu) 79:1

Zambi, akwa mavungu hanjila mu chihinga che. Hanajitula tembele ye yisandu. Hapwisa Yerusaleme yikulu.

Izaya 22:1

Liji Iia kutwala ku chikulo cha usolwelo ngwo, Kuchi chinalumbunuka hinwakanduka eswe helu lia mazuwo,

Jeremia 19:12

Yehova kanambe ngwenyi, Chocho mungulinga ni kuma kuno ni wano atu. Mungupwisa chihunda chino ngwe Tofete.

Jeremia 32:29

A-Kaletea wano anase jita ni chihunda chino meza ni kuchocheka kahia ni kuchocha hamwe ni mazuwo haze hanalambwila insensu ha mafulumba kuli Mbale, ni kuzuza milambu ya kunwa kuli mazambi eka akangwihie.

Jeremia 44:18

Alioze muze twalitwaminyine kwochela insensu mwanangana wa pwo wa malilu ni kumuzujila milambu ya kunwa twahona yeswe; tunakuwu ni katana ni kapunga.

Jeremia 52:13

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

Jeremia 7:18

Ana kakucha kunyi, atato mawika kahia, mapwo machika wunga akalingile tumbolo mwanangana wa pwo wa malilu. Mba kakuzuza milambu ya kunwa kuli mazambi eka akangwihie.

Jeremia 8:2

Mayimwanga kumeso ja tangwa ni kakweji ni mbunga yeswe ya mwilu, aze azangile nikwalingila, nikwakaula, nikwafupa, nikwawayila. Kechi kayikungulula chipwe kuyifunda. Kumuyikapwa ngwe wilo ha mavu.

Ezekiel 20:28

Mumu muze hinaaneha mu chifuchi chize nalishingile kwaaha, mba heswaho amwene mulundu umwe usuku hanji mutondo umwe wa mafwo, kwenako alambwile yitapo yo ni kukunjika milambu yo ya kwihia; kwenako afwinjishile lupembo wo wa kutulisa mbunge, ni kuzujila milambu yo ya kunwa.

Zefania 1:5

waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Yilinga 10:9

Muze hikwacha shimbu wano apwile mu jila, machikundama ku limbo, Petulu wakandukile helu lia zuwo mukulemba, ngwe ha ola amuchisambano:

Yilinga 7:42

Alioze Zambi wombile nyima, waechelele kulingila chizavu cha mwilu, ngwe chinasonewa mu mukanda wa aprofeta ngwo, Yenu akwa zuwo lia Izalele, nwangulambwile yitapo ni milambu makumi awana a miaka mu puya, nyi?

Shimbi 4:19

Kuchina munuhetula meso jenu ku malilu mba ha kumona tangwa, ni kakweji, ni matongonoshi, te yizavu yeswe ya ha malilu, munuhungumuka nikuyiwayila nikuyivumbika, yuma Yehova Zambi yenu wayipangilile mavungu, eswe ali kushi lia malilu.