Jeremia 19:11 - MUKANDA USANDU WA ZAMBI 1975

¹¹ wambe kuli ayo ngwe, Yehova-wa-Tujita kanambe ngwenyi, Chocho mungushiha vungu lino ni chihunda chino, ngwe akushiha mulondo wa tengi chocho kechi kuhasa kuutokeka nawa. Mafunda mu Tofete mumu kukushi chifuka chikwo nawa.

Mukanda Wa Zambi 1970

¹¹ ni kwalweza maliji ja Mwene Zambi Mukwa Ndundo Jeswe ngwenyi: “Mungushiha atu wano ni kwonona limbo lino ngwe chize mulondo uno hiwabalwoka, kaahashile kuutenga nawa. Atu maafunda afu jo chibwe mu Tofete, mumu keechi kumona homa hakwo ha kwafunda.

Jeremia 19:11 Iomraidhean Croise

Miaso (Masamu) 2:9

Kumukaamakuna ni lukanda wa utale, kumukaashiha tuyipinji ngwe sapa ya tengi.

Yishima 6:15

Kashika luyinda wenyi meza susumuku; susumuku kumakamakuka ni kuwuka chakuhi.

Izaya 30:14

kupulika chacho muchipwa ngwe ndeho ya uma yize mapalwola ni uswi. Hakachi ka yipalupalu yayo chipwe chiyo kechi kuchiwana, chize mambachilaho kahia ka ha jiko, chipwe kuswita nacho meya ku shima.

Jeremia 13:14

Mungukaapupa umwe hali mukwo, atato hali ana, chocho kanambe Yehova. Chichi kaavwila vumbi, hanji keke, chipwe kwatetela ngulitwamine kwaonwona.

Jeremia 19:12

Yehova kanambe ngwenyi, Chocho mungulinga ni kuma kuno ni wano atu. Mungupwisa chihunda chino ngwe Tofete.

Jeremia 19:6

Yehova kanambe ngwenyi, Kashika matangwa kaneza muze kuma kuno kechi kutongolako ngwo, Tofete, hanji mungulunga wa Bene-Hinome, alioze mamba ngwo, mungulunga wa Chishihilo.

Jeremia 25:34

Enu tufunga lilenu mbimbi, litetwokenu ni yenu miata ja mapanga lilangumunenu mu uto mumu matangwa a kunushiha ni kunumwanga haneza, mba munufwa ngwe kuji a mapanga a kusakula.

Jeremia 48:38

Ha mafulumba ja mazuwo eswe mu Moape, ni ku malindalinda ja matapalo kukushi nichimwe shina kulishimwoka wika, mumu hinashiha Moape ngwe mulondo umwe kausele mbunge niumwe; chocho kanambe Yehova.

Jeremia 51:63

Mba muze hiwamana kutanga mukanda uno, kashilako liwe ukaumbile he ha muchima Ufrateze

Lungungu 4:2

Ana alemu a malunga a Zaione afwika oru yilemu, alioze kanatesa ni ndeho ja uma milimo ya moko ja tengi.

Yilinga 21:11

Iye yeza kuli yetu, yanda muya wa Paulu, yalikasa moko jenyi ni molu jenyi mwene, yamba ngwenyi, Chocho anambe Spiritu Musandu ngwenyi, Chocho A-Yunda a mu Yerusaleme kumakasa mwenya muya uno, kumamukunjika ku moko ja akwa mavungu.

Usolwelo 2:27

Iye makaayula ni mbwechi ya utale, ngwe sapa ja tengi mujipalwoka tuyihanda; chizechene ngwe ni yami nawa hingunatambula kuli Tata: