Jeremia 18:23 - MUKANDA USANDU WA ZAMBI 1975

²³ Alioze yena Yehova unanyingika kutaka cho cheswe cha kungushiha. Kanda ukonekena uhenge wo; kanda ujimuna shili yo ku meso je. Anunguke kumeso je; ukaapatwile ha tangwa lia utenu we.

Mukanda Wa Zambi 1970

²³ Alioze yena Mwene Zambi, Unanyingika punga jo jeswe ja kungushiha. Kanda wakonekena kama ungulungulu wo ni mulonga wo. Anungune kama ni utenu we ni kwabatwola.”

Jeremia 18:23 Iomraidhean Croise

Miaso (Masamu) 119:126

Mwaka wa Yehova hiweza wa kulinga milimo yenyi, mumu hanatenge shimbi ye yamokomoko.

Miaso (Masamu) 35:4

Waze akufupa mwono wami akevwe sonyi, akasauke. Waze akutaka kungulemeka achinduluke, akachingashane.

Miaso (Masamu) 56:8

Yena wakwalula kwendangana chami. Sako kama masoji jami mu mulangi we. Te mu mukanda we keshimo, nyi?

Miaso (Masamu) 59:5

Chipwe yena Yehova Zambi-wa-Tujita, Zambi ya Izalele, katuka uliwane ni akwa mavungu eswe. Kanda uvwila vumbi waze yivulumunyi akwa Utanguko.(Litulike.)

Izaya 10:3

Yika munulinga ha tangwa lia kunufwetesacho, mu kangonga yoze makatuka kusuku? Kuli iya munuchinyina amukwase? Kulihi munuhichika upite wenu?

Izaya 2:9

Chocho atu kakwakehesa, chocho kakulimbula atu— kanda uakonekena!

Jeremia 11:23

niumwe malisalaho wakuhi. Mumu malunga ja Anatote mungwakokela chipi ha mwaka wa kastigu yo.

Jeremia 15:15

Yehova, ena unanyingika. Ungwiwuluke Ungunangise. Ungukalile hali akwa kunguhungumiona. Mu kulihumikiza che kanda unguchiza. Nyingika kanawa ha mukunda wa yena nakulikoleza ni luchoko.

Jeremia 17:18

Akakolese sonyi waze akunguhungumiona, alioze yami kanda ngwivwa sonyi. Akalishimwoke ayo, alioze kanda ngulishimwoka yami. Koka hali ayo tangwa lipi, Ukaonwone kaali.

Jeremia 17:4

Kumunwecha kwoko lienu, ku chihinga chenu nanuhele, mba mungunutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 26:11

Mba asasendote ni aprofeta yamba kuli alemu ni atu eswe ngwo, Yono mutu katela kufwa mumu haprofeteza kulimika ni chihunda chino, ni yenu hinwachivwa ni matwi jenu.

Jeremia 26:8

Mba muze Jeremia hamana kuhanjika yize yeswe Yehova hamutuma kuhanjika ni atu eswe, henaho asasendote, ni aprofeta ni atu eswe yamukwata ngwo, Kumuofwa!

Jeremia 37:15

Alemu yatenuka chinji ni Jeremia. Yamulamba ni kumuyikila mu zuwo lia mukwa kusonyeka Jonatas, mumu te halialumuna zuwo lia ususu.

Jeremia 38:4

Mba e alemu yamba kuli mwanangana ngwo, Yono lunga chatamba kumushiha mumu kanachiza tachi kuli maswalale waze asala mu chihunda chino, ni kuli atu eswe, ha kuhanjika maliji wano kuli ayo. Yono lunga kafupile kuwahisa akwa vungu lino; kanafupu kwalambula.

Jeremia 6:15

Te sonyi evwile ha kulinga yuma ya lwaji? Kenu! Kevwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka uze muze mungwalamba mungwanunguna. Chocho kanambe Yehova.

Jeremia 6:21

Kashika Yehova kanambe ngwenyi, Mungusa kulutwe lia wano atu yitalingiso hanga akalimbukileho, ni atato ni ana jo hamuwika, ni mwenyembo ni sepa makakuwa.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.

Lungungu 3:60

Hiwamona wuli wo weswe ni yuma yize yeswe angutakilile.

Lungungu 3:61

Yehova, hiwevwa kuchoka cho pi yize yeswe angutakilile.

Luka 21:22

Mumu wano e matangwa a kukala milonga, hanga yuma yize yeswe yinasonewa yikamanunuke.

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;