Jeremia 18:21 - MUKANDA USANDU WA ZAMBI 1975

²¹ Kashika kunjika ana jo ku kapunga; wakunjike ku chiyulo cha katana. Mapwo jo apwe ndumba ni tuliwa. Malunga jo akafwe ni chilungo, ni akweze jo akaashihe ni katana mu jita.

Mukanda Wa Zambi 1970

²¹ Alioze Mwene Zambi, haliabwila, shiha kama ana jo ni zala; afwile kama mu jita. Mapwo apwise kama tuliwa, shiha kama ana jo; malunga afwe kama ni misongo ni akweze afwile kama mu jita.

Jeremia 18:21 Iomraidhean Croise

2 Sango Ja Mianangana 36:17

Kashika yatuma hali ayo mwanangana wa Kaletea. Aye yashiha akweze jo ni katana mwe mu zuwo lio lisandu. Kevwilile keke mukweze, chipwe mwana-pwo, chipwe kashinakaji chipwe kalamba. Yaakunjika eswe mu moko jenyi.

Miaso (Masamu) 63:10

Kumakaakunjika ku tachi ja katana. Kumakapwa ya kulia ya mikuza.

Miaso (Masamu) 63:11

Mumu mwanangana kumakawahilila muli Zambi; mweswe malishinga nenyi malisamba. Mumu kanwa lia waze akuhanjika mahuza kumakalipakika.

Kutuhuka 22:24

Mba utenu wami muukasasaminya, kumungukamushiha ni katana. Akwenumapwo kumakapwa tuliwa; ana jenu ashiwa.

Izaya 13:18

Mata jo kumakashiha akweze; kechi kavwila vumbi hali waze matuhuka mu jimo; kechi kavwila keke ana akepe.

Izaya 9:16

mumu tusongo twa vungu lino kakwapiangula, ni akwa kwakaula kanaazemuna.

Izaya 9:17

Kashika Mwene kawahililile ni akweze jo; kavwilile keke ana-ashiwa ni tuliwa jo; mumu mutu mweswe chitanganyanyi ni chihenge, kanwa lieswe linahanjika uhepuke. Chipwe chocho utenu wenyi kuwakondolokele; kwoko lienyi hindu kanalizozo.

Jeremia 12:3

Alioze yena Yehova unangunymgika. Unangumono, nikweseka manyonga jami ha kutwala kuli yena. Watukule ngwe mapanga a kuya ku chishihilo, ukaatulike ha tangwa lia kushiha.

Jeremia 14:16

Ni atu aze akwivwa kuprofeteza cho makaambila mu matapalo a Yerusaleme, mumu ha kapunga ni katana ni waze maafunda kechi kasoloka—o ni mapwo jo, ni ana jo a malunga ni a mapwo. Mumu munguzukula hali ayo ungulungulu wo.

Jeremia 15:7

Hinaafuza ni chikungo cha kufuza nacho mwe mu yikolo ya chifuchi. Hinaashiha atu jo, hinonwona atu jami, kakatukile ku ndako jo.

Jeremia 15:8

Hinokesa tuliwa jo kuhiana masekeseke a ku kalunga-lwiji. Kuli anaye ja akweze hinaneha umwe chonwonyi wa ha mwalwa. Susumuku hinakokela hali ayo kulifwita ni mwongo.

Jeremia 50:30

Kashika akweze jenyi mafwa ku malindalinda ja matapalo jenyi, ni maswalale jenyi eswe kumakaonwona ha tangwa lize. Chocho kanambe Yehova.

Jeremia 9:21

Mumu kufwa hichakanduka kwe ku njanela jetu, hichanjila mu palasiu jetu, ni kusutula ana ha tapalo, ni akweze ku malindalinda.

Lungungu 1:15

Mwene walelesele malunga jami eswe a ndundo hakachi kami. Wasanyikine chikungulwila cha kulimika ni yami akafwenye akweze jami. Mwene haliata mwe mwana-pwo virgem Yunda ngwe ukamino wa uva.

Lungungu 5:3

Hitwalumuka ana-shiwa, kutushi yisemi amama hapwa tuliwa.

Ezekiel 16:38

Mungukakupatwila ngwe akupatwila mapwo aze akutangula ulo wo, ni waze akushiha atu. Mungukakukokela manyinga a ufwatulo ni ukwa.

Ezekiel 22:25

Alemu jenyi muchima lienyi kapwa ngwe ndumba umwe kanahiohio shimbu machipapulula yifwo. Hanali mwono wa atu; hapunda upite ni yuma yilemu; hapwisa tuliwa anji hakachi ko.

Amose 4:10

Natumine hakachi kenu chilungo ngwe chize cha Engitu; nashihile akweze jenu ni katana; nambachile tuvwalu twenu; napwishile yilombo yenu ya kukupuka vumba lipi mu mazulu jenu. Hindu kunwahilukile kuli yami. Chocho kanambe Yehova.

Shimbi 32:25

Haze mafwa ni katana, mu mazuwo mukupwa mwongo nikwonwona mukweze ni mwana-pwo, ni mwana unamu, ni lunga wa kambu jitoma.

2 Timoteu 4:14

Alezandre fuli-unengu, wangulingile yipi yinji: Mwene makamwaha nikulita ni yitanga yenyi

1 Samuel 15:33

Samuel yamba ngwenyi, Chizechene ngwe katana ke hapwisa mapwo keshi ana, chocho nawa noko mapwa hakachi ka mapwo keshi ana. Samuel yateta Agage tuyipinji kumeso ja Yehova mu Ngilingali.