Jeremia 18:16 - MUKANDA USANDU WA ZAMBI 1975

¹⁶ Hanalumuna chifuchi cho chuma cha mwongo, chuma cha kusoza ndo ku miaka. Mweswe mapalikako mevwa mwongo, ni kuhunga mutwe wenyi.

Mukanda Wa Zambi 1970

¹⁶ Chifuchi chino haanachipwisa cha mwongo, hichinabu Chuma chamokomoko kuli atu ku miaka yeswe. Eswe waze maakabalieka ko maalisozwola ha chize anamono; maahunga mitwe yo ni kulishimwoka.

Jeremia 18:16 Iomraidhean Croise

1 Yitanga Ya Mianangana 9:8

Mba zuwo lino kumulipwa mulumba ni waze eswe mapalika makomoka, nikwamba ngwo, Kuchi te Yehova halinga chocho ku chifuchi chino ni ku zuwo lino?

2 Sango Ja Mianangana 29:8

Kashika ufwatulo wa Yehova wapwile hali A-Yunda ni A-Yerusaleme. Waakunjikile akaambilembile sali ni sali, akapwe chikomokeso, atu eswe aayunge chize nunamono ni meso jenu.

Miaso (Masamu) 109:25

Hinalumuka sau kuli ayo. Muze mangumona kakuhunga mitwe yo.

Miaso (Masamu) 22:7

Waze eswe akungumona kakunguseha nikusaula. Kakutuhwisa mivumbo, kakuhunga mitwe ngwo;

Miaso (Masamu) 44:14

Hiwatupwisa ngwe kashilikilo hakachi ka mavungu, kakutuhungila mitwe hakachi ka atu.

Izaya 37:22

kashika liji Yehova hanambe ha kutwala kuli iye lino: Mwe mwana-pwo wa *virgem Zaione kanakulelesa; kanakusehe nikukulenya. Mwana-pwo Yerusaleme kanalengesela mutwe wenyi.

Izaya 6:11

Ami yingwamba ngwami, Mwene, ndo mwiji muka? Aye yamba ngwenyi, Ndo yihunda muyipwa ya hululu, ni yoze matwamamo wakuhi, ni mazuwo keshi malunga, ni chifuchi muchisala cha woya,

Jeremia 19:8

Mungupwisa chihunda chino chuma cha mwongo, chuma cha kuyunga. Mweswe mapalikako mevwa lwaji, mayunga mumu ha kuji-ni-tomo liako lieswe.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 29:18

Mungwakaula ni katana, ni kapunga, ni chilungo; mungwapwisa chuma cha lwaji ku mavungu eswe a hashi, akapwe shingo, ni mwongo, ni musozo, ni luchoko hakachi ka mavungu kuze hinaahumina,

Jeremia 42:18

Mumu Yehova-wa-Tujita, Zambi ya Izalele kanambe ngwenyi, Chizechene ngwe nazukwile utenu wami ni ufwatulo wami hali waze atwamine mu Yerusaleme, chocho nawa munguzukula ufwatulo wami hali yenu muze munuya ku Engitu. Munwalumuka sau, ni chuma cha mwongo, ni shingo, ni luchoko. Kunuchi kamona nawa chifuchi chino.

Jeremia 44:12

Mungutambula masalila ja A-Yunda wano hasa meso jo kwiza kutwama mu chifuchi cha Engitu mba eswe makakuwa. Mwe mu chifuchi cha Engitu makalimbuka. Makakuwa ni katana ni kapunga. Chize kuli mukepe ndo kuli munene eswe kumakakuwa ni katana ni kapunga; kumakalumuka sau, ni chuma cha mwongo, ni shingo, ni luchoko.

Jeremia 48:27

Te kunwayungile Izalele! Te nwamuwanyine hakachi ka eji, kashika heswaho mamutongola nwahungile mitwe yenu, nyi?

Jeremia 49:13

Mumu yami Yehova hinalishinga ni yami mwene, ngwami, Mbozera malumuka chuma cha mwongo, kanda luchoko, kanda puya, kanda shingo, ni yihunda yako yeswe muyipwa puya ya mutolo.

Jeremia 49:17

Endome malumuka chuma cha mwongo. Mweswawo mapalikilako mevwa mwongo mba mayunga mumu ha huli liako lieswe.

Jeremia 50:13

Ha mukunda wa ufwatulo wa Yehova kechi kapwa nawa ni atu, alioze makapwa wamokomoko. Mweswe makapalika ku Babilonia makevwa lwaji, makasoza mumu ha mbandu jenyi jeswe.

Jeremia 51:37

Mba Babilonia muyalumuka mulumba wa yipuzu. Muyipwa wendelo wa mikuza, kanda chuma cha mwongo ni cha kusoza ni yoze matwamamo wakuhi.

Jeremia 51:43

Yihunda yenyi hiyalumuka yuma ya mwongo, chifuchi chenyi cha changa ni puya, chifuchi kuze kukushi atu, kuze niumwe mwana mutu keshi kupalika.

Jeremia 9:11

Mungupwisa Yerusaleme mulumba wa yipuzu, chipombelo cha mikuza. Mungupwisa yihunda ya Yunda puya, kuze kukwatwamine atu.

Lungungu 1:12

Enu eswe nwakupajieka, nichimwe kuli yenu nyi? Talenu numone nyi chimwe chinyengo chiliko cha kulifwa ni chinyengo chami chize chinanguwane cha kungwaha Yehova ha tangwa lia utenu wenyi usasu.

Ezekiel 12:19

ukambe kuli akwa chifuchi ngwe, Mwene Yehova kanambe ha kutwala kuli akwa Yerusaleme mu chifuchi cha Izalele ngwenyi, Makalia mbolo yo ni woma, makanwa meya ni mwongo, mumu chifuchi cho makachizamo yuma yacho yeswe, ha mukunda wa upupilo wa waze eswe atwamamo.

Ezekiel 27:36

Akwa kusepa hakachi ka mavungu kanasozana; hiunahete ku songo limwe lia mwongo, kuchi kasoloka nawa nilimwe tangwa.

Ezekiel 36:3

kashika profeteza wambe ngwe, Mwene Yehova kanambe ngwenyi, Ha chikuma chino chene, mumu anupwishile a kwenyeka nikunupalakenya sali ni sali, chocho hinwalumuka upite wa akwa mavungu akwo, hinwalumuka pande ni saki ja atu,

Ezekiel 6:14

Mungukolola kwoko liami kulimika no, ni kupwisa chifuchi cho cha kwenyeka, cha hululu, ndusu mu yihunda yo yeswe chize ku puya ya Ribila. Mba makanyingika yami nguli Yehova.

Alevi 26:32

Mungwenyeka chifuchi, chocho chipwe akwa kole jenu aze meza kutwamamo malishimwoka.

Alevi 26:43

Alioze chifuchi o machihichika chikahwime ni Sambata jacho shimbu muchipwa ngwe puya, o te keshiko. Mba mazeya ku lufumbo wami wa uhenge wo, mumu ha kulelesa shimbi jami, mbunge jo jalipihilile ni yiyulo yami.

Mika 6:16

Mumu nwakufunga shimbi ja Omiri, ni yitanga yeswe ya munyachi wa Ahabe, ni yenu nwakwenda mu yiyulo yo, hanga ngukapwiseko kwa hululu, ni akwa kutwamako akasauke. Chocho kulenya cha mavungu muchikapwa hali yenu.

Mateu 27:39

Waze apalikile, amushililikile, nikuhunga mitwe yo, ngwo,

Marku 15:29

Waze apalikile amutukile, nikulihunga mitwe yo ngwo, Wóló! Yena Wakwonwona tembele, wakuyitunga ha matangwa atatu,

Shimbi 28:59

Yehova makapwisa lamba lienu chuma cha kukomwesa, ni lia ana jenu, te lamba linene lia kulindujoka, lia weji upi wa kulindujoka.

Shimbi 29:23

Chifuchi cheswe chapwa fundanga, ni mungwa, ni mbwemena, chifuchi kachikuwile ni mbuto, kuchemine, chipwe mwambu niumwe kuwasokelemo, ngwe apupile Sondome ni Ngomora, ni Andama, ni Zepoime, Yehova wayipupile ni utenu wenyi, ni ufwatulo wenyi.