Jeremia 18:15 - MUKANDA USANDU WA ZAMBI 1975

¹⁵ Alioze atu jami hananguvulama. Kakwochela insensu mazambi eka. Hanatalinga mu majila jo, mu matapalo akulu, hanakondoloka mu tumajila twa ku malumbu hi tapalo ko.

Mukanda Wa Zambi 1970

¹⁵ Alioze atu jami haananguvulama; kaakwochela yitumbo ya vumba libema ku mahamba. Haanatalinga mu jila yize chaatamba kuya. Keeshi kwenda nawa mu majila akulu; alioze kaakwenda mu majila ja ayo ene mu milambo.

Jeremia 18:15 Iomraidhean Croise

Nehemia 9:17

Kazangile kwononoka; kasolo kwiwuluka yikomokeso yize walingile hakachi ko. Akwachile pami ni ha kukukatukila atongwele umwe kasongo akahiluke ku undungo wo. Alioze yena uli Zambi mukwa kukonekena, mukwa vumbi, wa tò ni keke, kushi kutenuka washi, mukwa kulumbamisa utu wa zango, kashika kwaehukile.

Izaya 3:12

Atu jami—ana amokomoko kakwapinjisa, ni mapwo kakwayula. Atu jami, tusongo twenu kananwongo, ni kulumbangenya majila jenu.

Izaya 41:29

Eswe hanapu chongo chamokomoko, yilinga yo yamokomoko, tuponya two a kuzuzulula eswe fuji yamokomoko.

Izaya 57:14

Mba kumamba ngwo, Tungenu, tungenu, lulikenu ye jila, Chizenu yikwiko yeswe mu jila ya atu jami.

Izaya 62:10

Palikenu, palikenu mu yikolo, lulikenu jila ya atu. Lingenu, lingenu tapalo, chizenuho mawe, mikenu mbandeira helu lia minyachi.

Izaya 65:7

ni uhenge wo, ni uhenge wa atato; chocho kanambe Yehova mumu hanochela insensu ha milundu, hanangutuku ha mindundena. Mungweseka mu makondo jo fweto ya yize halinga kulu.

Izaya 9:16

mumu tusongo twa vungu lino kakwapiangula, ni akwa kwakaula kanaazemuna.

Jeremia 1:16

Mungwamba upatwilo wami wa kulimika no, mumu ha ungulungulu wo weswe wa kungwehuka. Hanocho insensu ku mazambi akwo nikuwayila yitanga ya moko jo.

Jeremia 10:15

Kafwikile nichimwe, chitanga chimwe cha kwonga. Ha mwaka wa kastigu kumakanonga.

Jeremia 11:12

Mba yihunda ya Yunda ni akwa Yerusaleme maya nikuteta kuli mazambi aze akwaochela insensu alioze o kechi kahasa kwalamwina ha tangwa lia lamba lio.

Jeremia 11:13

Mumu yenu A-Yunda, mazambi jenu hoka ngwe yihunda yenu, ni yilumbilo yize hinwamika ya kunukolesa sonyi, yilumbilo ya kwochelaho insensu kuli Mbale, yoka ngwe matapalo a mu Yerusaleme.

Jeremia 11:17

Yehova-wa-Tujita yoze wanutumbile hananwambe chipi mumu ha chipi chize munyachi wa Izalele ni munyachi wa Yunda hanalingi ni kungwihia ha kwochela insensu Mbale.

Jeremia 13:25

Yehova kanambe ngwenyi, Chino chihanda chenu, fweto yize hinanufunjikila, mumu hinwanguvulama, hinwafuliela mahuza.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Jeremia 17:13

Yehova, yena uli kutalatala cha Izalele. Akwa kukwehuka eswe mevwa sonyi. Waze eswe makakatuka kuli yena maasoneka hashi, mumu hanehuka Yehova, lie fuji lia meya a mwono.

Jeremia 18:14

Neve ku Lebano kuyakukatuka ku yimawe ya Sirione? Meya a ku milundu kakuma? Yitwetwe yize yakupalika kèkè?

Jeremia 19:5

Hatunga manangamo kuli Mbale akalumbe ana jo a malunga mu kahia apwe milambu ya kulumba kuli Mbale. Chuma chino chachitumine, chipwe kuchamba, chipwe mu mbunge yami kuchanjilile.

Jeremia 2:13

Mumu atu jami halinga yuma yipi yiali. Hanangwehuka, yami lie fuji lia meya a mwono, mba hanalitotela mashima ene, mashima a miaji, kahashile kupwa ni meya.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 2:32

Te mwana-pwo mavulama yuma yenyi ya uhenya? Hanji ndungi mavulama mazalo jenyi? Hindu atu jami hananguvulama kwalula matangwa anji kuhiana.

Jeremia 3:21

Liji limwe kanalivu ha milundu kuyishi mitondo, ana ja Izalele a malunga kulila ni kulembelela mumu hanahengesa majila jo, ni kuvulama Yehova Zambi yo.

Jeremia 44:25

Yehova-wa-Tujita, Zambi ya Izalele kanambe ngwenyi, Enu ni mapwo jenu hinwamba ni makanwa jenu ni kuchilinga ni moko jenu ngwenu, Kumutukalinga yilakenyo yetu ya shingo yize hitwalakenya tukochele insensu mwe mwanangana wa pwo wa malilu nikumuzujila milambu ya kunwa. Hikolesenu yilakenyo yenu, nukayilinge.

Jeremia 51:18

Kafwikile nichimwe; chitanga chimwe cha kwonga; ha mwaka wa kastigu yo makakuwa.

Jeremia 6:16

Yehova kanambe ngwenyi, Manenu ku sesa lia matapalo nutale, nukahule majila a ku shakulu, kukuli jila yipema nwendemo, nukawane uhwimino ha mbunge jenu. Alioze o ambile ngwo, Kutuchi kwendamo.

Jeremia 7:9

Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Ezekiel 21:15

Hanga mbunge jo jikasangunuke ni anji akalimbuke ku yikolo yo yeswe, hinaaha katana wa kulejima, mama! Kapwa ngwe njaji; kapwa wa kucheka ha kuhana.

Ezekiel 36:15

Chichi katayiza nawa nukevwe kuchoka cha mavungu; kunuchi katambula nawa sau lia mavungu; ni yenu kunuchi katalingisa nawa vungu lienu. Chocho kanambe Mwene Yehova.

Hosea 11:2

Cheswe nalikolezele kwasanyika o yalikoleza kukatuka kuli yami. Yawezela kushihila yitapo Ambale nikwochela insensu mahamba.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Hosea 2:6

Kashika mungushita jila yenyi ni mbimbo, mungumushichila lusaso hanga kechi kahasa kuwana majila jenyi.

Malaki 2:8

Alioze yenu hinwahambuluka mu jila; hinwatalingisa anji ni shimbi jenu; hinwalumbula usendo wa Levi. Chocho kanambe Yehova-wa-Tujita.

Mateu 15:6

Mba kuchamutambile kulemesa nichimwe tato hanji naye. Hinunalelesa liji lia Zambi mumu ha ndongo jenu.

A-ROMA 14:21

Chinawaha kulitwamina kulia yifwo, chipwe kunwa vinyu, chipwe kulinga chuma chimwe chize mahukanyisa nacho ndumbwe, hanji matalinga, hanji malela.

Shimbi 32:21

Hangwihia ngwivwe ukwa ni chuma kuchalumbunukine ngwe umwe zambi. Hangwihia ni tuponya two. Kashika ni yami mungwehia evwe ukwa wa waze kapwile atu. Mungwehia ni vungu lia uhepuke.