Jeremia 18:12 - MUKANDA USANDU WA ZAMBI 1975

¹² Ahoze o anambe ngwo, Acho chamokomoko. Mutukaula chize hitwapala, ni mutu mweswe malinga nikulita ni pami ja mbunge yenyi yipi.

Mukanda Wa Zambi 1970

¹² Ayo kumaakumbulula ngwo: ‘Ka, mumu yika chatutamba kwecha kulinga yibi? Mutubwa lume akwa pami, mutulinga yibi yeswe yize tunazange.’ ”

Jeremia 18:12 Iomraidhean Croise

Ubutukilo 6:5

Chocho Yehova yamona ungulungulu wa atu hashi, ngwenyi, Wahiana. Chikwo ngwenyi, Kutaka cheswe cha manyonga ja mu mbunge jo, chipi wika matangwa eswe.

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

1 MIANANGANA 6:33

Shimbu machihanjika no kumanyi mwe mukeji yamuheta. Aye yamba ngwenyi, Chipi chino kuli Yehova chinakatuka. Kuchi mungutwaminyina nawa Yehova?

Izaya 57:10

Wevwile yikatalo mumu ha kusuha cha jila ye, hindu kwambile ngwe, Chize mungutalatala chakuhi. Wawanyine mwono waha wa kulitakamisa nawo, chocho kwalezumukine.

Izaya 65:2

Tangwa lieswe nazozele moko jami kuli akwa kukolema, waze anende mu jila yimwe kuyapemene, nikukaula kutaka cho ene.

Jeremia 11:8

Hindu kononokene chipwe kutela matwi, alioze mutu mweswe wendele ni pami ja mbunge yenyi yipi. Kashika naakokelele maliji eswe a usendo uno naatuminyine, alioze kaalingile.

Jeremia 16:12

Ni yenu hinwawana tulamba twenu, mumu mweswe kanakaula upale wenyi mwene upi ni wa pami, kasolo kungwivwa.

Jeremia 2:25

Funga molu je kandaya keshi haku, funga muliwu we ku pwila. Alioze wambile ngwe, Hijakangana kulu, mumu hinazanga yilambala mba mungwakaula.

Jeremia 23:17

Kakwambamba kuli waze akulelesa liji lia Yehova ngwo, Mukawaha, ni kuli waze akukaula mbunge jo ene ni pami kakwamba ngwo, Nichimwe chuma chipi kuchichi kukuwana.

Jeremia 3:17

Ha miaka yize matongola Yerusaleme ngwo, Ngunja ya Yehova, ni mavungu eswe maswilako kumeso ja Yehova mu Yerusaleme mba kechi kasa nawa pami kukaula mbunge ja ayo ene jipi.

Jeremia 44:17

Mutulinga yuma yize yeswe hitwalakenya ni shingo, kwochela insensu mwe mwanangana wa pwo wa malilu, ni kumuzujila milambu ya kunwa chizechene ngwe twalingile yetu ni tulamba twetu, ni mianangana jetu ni alemu Jetu mu yihunda ya Yunda ni mu matapalo ja Yerusaleme. Mumu ha miaka yize twapwile ni kulia cha kulumbama, twawahile, kutwamwene chipi.

Jeremia 6:17

Nanuselele tulayi ngwami, Nupanjike ku liji lia chitavwi. Alioze o ambile ngwo, Kutuchi kupanjika.

Jeremia 7:24

Alioze kapanjikile chipwe kutela matwi. Endele nikulita ni yiyulo yo ni pami ja mbunge jo jipi. Ayile kunyima hi kulutwe ko.

Ezekiel 37:11

Mba iye yamba kuli yami ngwenyi, Mwana mutu, yifwaha yino we munyachi weswe wa Izalele. O kakwamba ngwo, Yifwaha yetu hiyoma; kutalatala chetu hichatoka; hanatutetaho ngwi.

Malaki 3:14

Hinwamba ngwenu, Kulingila Zambi, chamokomoko. Chika mutufumbula ha kufunga shimbi jenyi, hanji kwenda kumeso ja Yehova-wa-Tujita nikulinyenga?

Luka 1:51

Hanalweze ndundo ni kwoko lienyi; Hanamwange akwa kulengumuka mu kunyonga cha mbunge jo;

Shimbi 29:19

Kuchina ha kwivwa maliji a shingo lino, maliwahisa mwene mu mbunge yenyi ngwenyi, Mungupwa ni sambukila, chipwe mungwenda ni pami ja mbunge yami, ku pwila yami munguweza kuzengewa.